دلوقتي انا عندي مشكلة اسرية و بما انو البيوت اسرار فأنا مش حطلع السر ده لحد غيركم انتو بس ....بما اننا بقينا عشرة مواضيع مختلفة و بقينا فاهمين دماغ بعضنا دلوقتي جوزي بيتعارك معايا في الأسبوع سبع مرات يعني مش حارمني من حاجة كل يوم خناقة و السبب هايف طبعا زي كل مره .... قال إيه ؟ بنام الساعة 9 ؟؟ .... هو معاه حق شوية بس اعمل ايييه ؟؟.. انا ربنا خلقني كده . هي تيجي 9 من هنا و متقلوش غير انو الفيشه اتشالت النور قطع انا بنام من غير مقدمات مره وحدة تلاقوني ببخخخ يعني اكون اتكلم في التلفون و في رمشة عين بببييبخخخخخخخخخخخخخخخخخخ خلاص مش حصحى يعني مش حصحى يعني اقطع الحلم عشان تلفون .. لما جيت اتخطبت ... بابا غر بالراجل و دبسو و قالو انا معنديش بنات تتكلم بالتلفون و تخرج تتعشا برا بعد الساعة 9 .. قال إيه ؟! راجل محافظ شفتو الخباثه؟ فعدت فترة الخطوبة من غير ما يحس بالكارثه ... و جه يوم الفرح يعيني.. طبعا ماما نيمتني بعدها 3 ايام عشان اعرف اصمد و محدش يشم خبر بالفضايح بتعتي و عدى الفرح على خير 👌😁 بعد ما فضلت طول الليل بقييي مفتوح زي كلب كانيش في شهر اغسطس من كثر ما بثاوب .. جوزي يا عيني شالني على باب الشقة عشان يدخلني و هههووووبااا نمت على دراعو هوا اتخظ يا عيني و عمال يناديلي يا رحااب ... يا رحااب ....... لا حياة لمن تنادي.. اتصل بماما قالتلو معلش يابني سبقها تستريح اصلها بقلها يومين مغمظتش عين من كثرت التوتر و القلق .... حاتروحي فين من ربنا يا نبع الحنان على الكدب ده ؟؟ ما علينا .... طبعا بعد اسبوع كنت اتقفشت بس خلاص الفاس و قعت بالراس و مفيهش تراجع ... المشكلة اني بقيت اعمل كده مع اهله يعني جم مره من البلد و قاعدين بقى هزار و ضحك ... وانا مره وحده بووووم وقعت و هما ينادو رحااااب رحااااب جوزي اتحرج و حس نفسو انو اتجرس قدام اهلو . . يجماعه سبوها هي مس نايمه احنا بنلاعب العيال و هي بتعمل نفسها ميته و انا اشيلها ادفنها جوه و اعمل نفسي ظابط و اقبض على المجرم . ..... و يشلني من هناك و يرميني على ارضية الاوضه و بمسدس الكهرباء (الكتريك) و ززززززززززززززززز ايه اييييه ؟ في ايه ؟؟ نعم ياختي دنا حشيل منك العضم... قومي فزي اشطفي وشك بمية نار و شوفي الجماعة برا ...... مر ثانيه رحت معاه فرح ابن عمه راح حططني جمب الديجي اضمن حته مانمش فيها لكن على مين يا بابا و بعد شويتين لقى المعازيم كلها بتبص على شاشة الصالة و بعيد عنكم هيستيريا من الضحك ....احييييي ديه رحااب محسوبتكم حاطه راسها علي سماعة الديجي و نايمه جيه عندي و اداني كف مخبرين ايبيبه فيه اييه ؟ لا يا حبيبتي المدفع ضرب بذمتكم انا الغلطانه ؟؟؟؟ هو بيقول انو محروم من شوية حاجات زي اني اروح معاه السينما باليل او اروح معاه فرح او السهر معايا .... طيب معلش نفرض اني انا الغلطانه ....انا دنبي ايه لما بنتو ورتث ده مني ؟؟؟