3 years ago
  • المرحلة الأولى ( اول 3 اشهر)
بنات أنا عروس جديدة صرلي ٦ شهور وحامل صرلي شهرين وحالي ضعيف مابشتهي الأكل بالمرة ،عم اتعب كتيرر شي دوخة ووشي وجع راس ووجع ضهر ووجع معدة وتعرفو الوحام وانواعو عايشة مع بيت حماي عندي سلفة وحماتي 🦎🐍 بالبيت وانا ببيت اهلي ماكنت اشتغل شي بالمرة كنت طالبة جامعة ومدللة كتير المهم تجوزت ع تركيا واهلي بسوريا اخدت شب بحبو الحمدلله بس عم اتعب بشغل البيت كتير ووحياة الله ضهري بيفك من الوجع والوقفة ع المجلى وهون اكلن وشغلن مابيخلص وسلفتي كلبة كتير وحماتي اذا بتشوف حبة وسخ بتعمللنا عرس مطنطن ..بنتا حبلت قبلي بشهر هديك مدللتا كل ماتجي لعنا غطوا ودفو وجيبلوا وخدوا وطعمو ولاتتحركي بتتعبي وانا بتقلا لسلفتي ناقصني هديك حبلت كمان بكرا بتضل تتشكون واخ بطني واخ ضهري وانا من وقت الي سمعت هالحكي صرت اذا بموت مابترك شغلي وروح ارتاح وعدا هيك اذا شافتني بغرفتي عم ارتاح شبها هي ليش قاعدة لحالا اذا شافتني نايمة ليش نايمة شكلك سهرانة مبارح يعني ابدا مو معتبرتني حامل جديد وبتضلا تحكي قدام زوجي حبلنا وولدنا ولا رحنا ع دكاترة ولاصورنا ولا اخدنا ادوية ولا ارتحنا ولا درنا بالنا ع حالنا ولاشي صرت اذا بليل بقلو لزوجي ضهري يوجعني يقلي شبك شو محدا حبل غيرك كل النسوان يتشكوكو متلك هيك وانا هالحكي كتير جرحني صرت اذا بموت من الوجع ماعاد قلو في شي واجعني مع انو حرام بحبني بس من حكي اموو اسفة حكيت كتير بس لانو مافيني اشكي لحدا قلت بفضفض هون شوي اهلي بعاد عني ومابدي اشغلن بالن دعولي ضل بصحتي وعافيتي وقوم بسلامة ويجي طفلي بصحة كويسة حماتي تتمسخر عليي قال بكرا ابنك بيجي نحيف متلك قد المفتاح 💔🙂

22 تعليقات

العضوة: 1446919 , 3 years ago

والله أمي ما كانت هيك 💔🥺 الله بيشهد

العضوة: 1452353 , 3 years ago

الله كريم خلي معنوياتك مرتفعة واذكري الله وخليك من الكلام السلبي والتعليقات وعيشي لنفسك لو كل كلمة توقفي عندها وتعملي منها حكاية راح تصير حياتك كلها هم خلي ايمانك بالله كبير وربي يتمملك بخير وتولدي بالسلامة

العضوة: 1049864 , 3 years ago

حبيبت قلبي الله يحنن قلبن عليكي ربي ونشالله تطلعي ع بيت لحال ترتاحي من همن وبنسبة انك بحياتك ما رح تشكي انك عم تتعبي كرمال يسمعوكي حكي لا انتي هك عم تخلين يطلعو ع كتافك حطيلن حد لا تخلي حدا يعملك خدامة انتي بشر متلك متلن وان حكت وفتحت تما قوليلا وكمان انا مرت ابنك وحفيدك يلي بطني ددليني مو انا مرت ابنك ومن هل حكي حلو بطالعي لحية من وكرة ولا تصيري من كل كلمة تزعلي وتحردي سمعي وطنشي وتعي ضحكي بوشن خلي ينغاظو😂😂

العضوة: 1349222 , 3 years ago

لا تتشكي لزوجك بس خلية يشوف انك تعبانة سوي شغلك بس لا تضغطي على نفسك وصحتك انتبهي تقولي لة امك زعلتنى ولا سوت لي و باذن الله فترة و ترتاحي لحالك

العضوة: 1406317 , 3 years ago

الله لا يسامح.كل.حمايه بتساوي هيك.مع بنت العالم والناس جابتها زوجتها لابنها يعني صارت بنتها لازم تحن عليها ويلي بترضاه على بنتها لازم.ترضاه عليكي الله لا يوفق كل وحدة بتظلم.بنت العالم والناس وما بتريد بنتا تنظلم طنشي اختي ولا تردي ع حدا وعملي يلي بريحك ولا تعبي حالك منشان ماتجهضي وخدي فيتاميناتك وادويتك لا تقطعيهم وخليا تنفلئ وانتي خدي زوجك لصفك وكسبي رضا الطرفين بما انك مقيمة عندها بالبيت

العضوة: 1349222 , 3 years ago

السكن مع احد صعب جدا الله يعينكم الحمدلله عندنا ما عرف احد ساكن مع اهلة بس في العمارة و تصير مشاكل لو في نفس البيت تصير شد شعور

العضوة: 1446919 , 3 years ago

@user-1049864 حبيبتي الله يسعدك ويخليلي قلبك ع هالحكي الحلو 😅💜 مافي منك والله ييي شو ماحكيت عنا قليل الله وكيلك لسا إلها مواقف كتير بتغص القلب 💔🙂🐍

العضوة: 1446919 , 3 years ago

حبيبتي اي والله هاد احسن حل وهوا هيك صرت طنش ودير بالي ع صحتي كرمال ابني بس مو كرمال حدا تاني

العضوة: 1446919 , 3 years ago

ونعم بالله 💜💜

العضوة: 1446919 , 3 years ago

بتشكركن عنجد كلامكن خفف عني كتير

العضوة: 1426995 , 3 years ago

انا لي بعرف الحموات السوريات وخاصة الشوام الحمد لله ما عندي لا حمايه ولا بنت احما ولا سلايف انا جوزي مثلي اهلو كلون مسافرين انتي حاولي سايريهون بس قولي لجوزك اذا صار ع الولد شي لح يصل الظني معلق برقبتك اهلك ما بيرحموني من الشغل صراحة أنا ابني الاول كنا محاصرين يوميا وقف ساعتين ع المجلة اخبز لجوزي ورفقاتو واشتغل شغل لبيت ويشعر التاسع بلشت المعارك بمنطقتنا ما ضل برميل ولا صاروخ ولا شي ما نزل علينا ومن قبو لقبو حتا البراميل تنزل ع القبو لي قاعدين في ويطللعونا من تحت الأنقاض وقتها زوجي الاول ستشهد الله يتقبلو والحمد لله نزحنا من مخيم اليرموك الدمشقي ع ادلب وولدت بخير وسلامه ستودعي حملك لله عز وجل الله ما بيضرو وهي بداية الحموات كلون هيك وغالبيتون ما بيتعدلو ليصير عندك ولدين امي هيك كانت مع نسوان اخواتي وقت حملو وولدو معد عملتلون مشاكل

العضوة: 1378882 , 3 years ago

لا حبيبتي بعتذر منك مو كلهم انا تزوجت البيت حماي. وكان عندو خوات. وبس حملت منعتني امسك مكنسه أو امسك شي كنت اخليها بس تنام وقوم انضف البيت كنت بس احس بشوبت دوخه يجن جنونها وتقول لزوجي اوعك كنتي اوعك روح جيب عصير روح جيب فواكه. شو يا مرت ابني شو اجيبلك شو مشتهيه اطبخلك نكون جالسين بتضل يا حبيبتي مدي رجليكي. يا حبيبتي جوعانه. وكمان بتضل تراقب ب نيابي إذ ضيقه تروح وتبعت بنتها على سكيت تجيبلي اشياء الحوامل وتطلع من تعولها الهدايه لى بيوصلوها تعالى شوفي شو معي وإذ قلت واو حلو توقول والله مايرجع هاد لى كنتي حبيبتي هاي البناي السادسه. بس خوات زوجي يغارو مني بتقول لهم متلكو كتبها هي بنتي وانتو بناتي بس بنتي هاي حامل يعني تعبانه إذ ما صحيت وأصبحت عليها يجن جنونها شو مالها اكيد مريضه اكيد ابني زعلها. كانت لى ام واب واخ واخت وصديقه. كنت بس ازعل من زوجي تيجي ركض تعصب على زوجي منغير ما تعرف شو سبب وإذ كنت انا غلطانه شو بتحكي هاد توتر من الحمل معليش بدك تتحمل بس بصراحه انا كنت لها متل ضلها شو ما بدها قبل ما تحكي بكون جنبها صحيح كنت تعصب بس تصحا وتحصل البيت نضيف. بس بنرجع بنضحك وبتسامحني الله يرحمها قبل ما تتوفا ما رضيت تخلي حد يسعفها غيري انا وزوجي وامنتني على بناتها العزبات. الفاتحه على روحها الطاهره

العضوة: 1378882 , 3 years ago

اي والله صرت من يوم اتوفت وانا شهر وشهر لا اختم القران على روحها ودعيلها وبكل صلى اقراء الفاتحه على روحها

العضوة: 1446919 , 3 years ago

متل حماتي فرد شكل 💔 حماتي بتحب بالدنيا بس ولادا ووبناتا حبا وحنانا علين انا لسا ماشفت ام هيك لساتني عروس جديدة اول ايامي بحطو الاكل بتنادي ع زوجي وانا مابتنادي عليي بحطو الاكل وبياكلو تتفقد بنتا ابنا انا حتى اذا ماقعدت مابتسأل عني لك لسا قبل شوي بنتا الحامل عنا كيس زبالة تقيل شوي قالتلي عطيني ياه لكبو كانت طالعه هيا وبنتا اجت بنتا لحتا تشيلو لعند الباب قال لا لااااا تركي شبك مجنونة انتي تقيل عليكي شلتوو انا ووصلتو لعند الباب ماقلتلي تركي من إيدك ممكن حفيدا ابن بنتا يسقط بهالشيلا بس حفيدا ابن ابنا معلش مابيصيبو شي 😂 قوي ع امو 😌👊

العضوة: 1446919 , 3 years ago

بنتا بتحكيلا عم تلعي نفسي من ريحة الزيت والقلي وهالقصص بتقلا سلفتك شو ضاربة ماتقلي عنك انت لاتقربي ع ريحة الزيت وانا إلي ساعة عم اقلي ماقالت لبنتا قومي عنا ولاقالت لسلفتي كفيي عنا وسلفتي الكلبة دوري انا بالمطبخ تجي توسخ وتكركب وتروح 🙂