اوف يابنات والله تعبت من الولاد ومن شغل البيت ومن السهر ومن كلشي بدي ارتاح حتى اكل ما عم يصرلي اكل كلو شغل شغل وركض ورا الولاد الله يحفظهم وهديهم صرلي اسبوع انام وانا جوعانه بكون استناهم ينامو كرمال اكل انام واصحى وهما بعدهم صاحين وما نامو ولما اكل وهما قاعدين مابتهنا بضل قايمة قاعدة على شيل رجلك وشيل ايدك ولاتكب كل يوم يقعدو من الصبح ويضلو سهرانين كل الليل وبالنهار ينامو نص ساعة واستغل النص ساعه بالطبخ والتنظيف بخلص من هون يقعدو من هون ويرجع البيت اوسخ من اول ماني عم الحق حتى رجلي ماعاد حملوني وما باكل غير كم لقمة بالنهار وبس ما برتاح لا بالليل ولا بالنهار وما بنام غير كم ساعة بعد الغجر ومش متواصلات حتى شعري صرلي زمان ما مشطو لما بوقف على المرايه كرمال مشط بلاقي كلشي بالجرارات على الأرض انا بصيح عليهم واقلهم لا وطول الوقت بعلمهم ينضفو وراهم بس كأني عم احكي مع الحيط وانا هلق سهرانه لحتى الله يفرجها عم اكتب والبكي معبي البيت 😂💔 قلت بفضفض على السريع بفرغ طاقة لانو مابدي اعصب عليهم اكتر من هيك صغار ومابيفهمو بالعياط الله يهديهم ويصلحهم يارب .المهم مين متل حالتي