الجزء الاول بقلم_الماس_شامي انا ليمار عمري 18 سنة انا بنت طيوبة كتير لدرجة وكنت بتخلا عن كلشي عندي لحتى اشوف رفقاتي فرحانين وهيكا رفيقتي المقربة كتير اسمها لارا وهي عمرا 17 وهي عكسي تماما يعني مشكلجية ومصروعه ومجنونة بيوم من الايام كنا راجعين من المدرسة وتعبانين من الفحوصات قالتلي لازم روح قلتلا لك ستني بروح معك قال لا لازم اروح بسرعھ فـ كملت الطريق لحالي كان صيف والجو حار كتير وكانت الشمس قوية وصلت عل بيت اخدت دوش ونمت فقت على الساعه 7 المسا كانت لارا عم تتصل فيني رديت عليها وقالت انا جاية لعندك 😱 قلتلا اوك تعالي وسكرت المكالمة بعد ربع ساعه اجت وصرنا نتسلا قالتلي لارا .. انو .ايلين عاملة صفحه علفيس بوك وكتييير عم تتسلا شو رايك نعمل انا وانتي قلتلا والله فكرة حلوة ومنو منستفيد ومنتعلم ..😌 قالت لارا بس بشرط انو انا وانتي نستخدم نفس الصفحه وانا وافقت سميتو *همس المشاعر* انا ماكنت بعرف الفيس هيك انو اول ماواحد يعمول الايميل بيجي عليه كتييير طلبات صداقة 🐸خلال نص ساعه كان 100 طلب بس لانو انا ولارا فيو قدرنا نقبل الكويسين ونرفض الباقي .. قبلنا شب اسمو الامبرطور قيس😂😁 .صرنا نضحك عليه وقلنا شو هل سخف .... بعد ساعه تقريبا ع مشاغبتنا انا ولارا بعتلنا قيس عل ماسينجر 😳 وطبعا كل واحد فتحا لحساب من ايميلا وقعدنا نحكي معو نحنا التنين بدون مايحس انو شخصين حسسناه شخص واحد وخترعت اسم لميس وعمري 19 وكذبنا عليه انا ولارا كتيييير 😁مرئت على هل قصة شي تلات اسابيع ونحنا بنفس الحالة وصارت الحكاية تتطور معنا ومانقدر اذا ماحكينا معو نحس شي ناقصنا ........ قام من كتر الفضول الي فينا طلبنا منو صورتو🐸👌