انا حامل وكنت والده قيصري من سنه وشيء وللحين ما خبرت احد اني حامل لان الصراحه كان فيه كلام مثل السم من ناس بحملي الاولي كانت وحده من اهل زوجي تقول خليني اصور بنتك للسناب لو صار شيء لها عادي عندك ثلاثه والرابع في بطنك كلامهاااا مااااا يفارق عقلي علما اني ولدت في الاسبوع 26و خمس ايام وقيصري وما تهنيت بولادتي وولدي دخل الحضانه شهرين و3 اسابيع وكانت حياته في خطر والحين هو عنده جهاز في الرأس يصرف الماي الزايد لانه اصيب بمرض الاستسقاء الدماغي والحين اموره طيبه واستودعه الله في كل وقت
الحين انا افكر اذا عرفوا حاليا شو راح يصير ما راح اسلم من كلامه علما ان كذا مره قالوا وقفي عيال بسك من الخلفه يكفي اللي عندك وعندك هذا المريض يحتاج علاج
انصحوني انا اختكم محتاره كيف ابلغهم بحملي انا وزوجي اتفقنا انا ما نخبرهم حتى ادخل الرابع او الخامس يعني لما يكبر البطن
هل هذا الشيء صح لصالحي او غلط لاني محتاره
احبكم في الله
العضوة: 932805 , 4 years ago
الناس اللي مثل كذا ماتخليك بحالك الافضل بعد الولاده تخبريهم ماااااالهم دخل فيكالعضوة: 1405831 , 4 years ago
عادي لاتقولين مايبغالها مشوره بالذات ان زوجك متفق معك عادي بعدين يقول فلانه حامل واللي يسال في كم عادي لفوا ودوروا قولوا ان شاالله تاكدي اذا رحت المراجعه الجايه كلن يعطيني حسبه لكن الله يسهلالعضوة: 162679 , 4 years ago
ربي يتمم لك ع خير وربي يحفضنا من شر من اراد فينا سوء وجزاك الله الجنه ع الردالعضوة: 1433223 , 4 years ago
ماعليك منهم اللي مايفرح لك لاتعلمينه انا والله كذا مااعبم لمين اولد وللي يحبك بيقدرك واللي في قلبه مرض بيزعل ويصك راسه بالجدارالعضوة: 650834 , 4 years ago
انتي اساسا ليش شايله هم ناس مثل كذا ؟؟ فكري بنفسك واللي ببطنك وماعليك منهم .. والله لو انا بمكانك مايدرون الين اولد ، وخلي شخصيتك قويه اي احد يقول ليش ماعلمتي قولي ذا الشي خاص بيني وبين زوجي بس ، بخصوص ايش اعلم ولا تبون بعد اعلمكم الوضعيه الي حملت عليها كمان😒💔 في ناس ماتستحي واللي مايستحي لاتستحي منه نصيحه لك طبقيها طول ما انتي عايشه 🥲 تقبلي مروري واعتذر إذا في كلام ماعجبك ❤️🖐🏻العضوة: 162679 , 4 years ago
اهلين اختي السبب كان اثناء الولاده الطفل نشف عنه الماي من سبب النزيف اللي كان فيه والنزيف كان بسبب انفصال المشيمه انا ولدي كان طبيعي 100% في التصورات ما فيه اي تشوه او اعراض الاستسقاء الدماغي توكلي ع الله وكله خيره نحن راضين بنا يقسمه الله لنا ولا تخلي الشيطان يتغلب عليك بالافكار السيئه استودعك الله انتي وجنينك واي سأل انا حاضره اختي وجزيتي الجنه ع الردالعضوة: 1420082 , 4 years ago
يارب امين ولا تزعلي من كلام الناس ، كلامهم ماراح يخلص لو نجلس نمشي وراه للأسف لا الي تحمل ولا الي ماتحمل تسلم منهم الله يكفينا شر الحساد ويبعد عنا من بقلبه حسد لنا 🫶🏻 ويتمم لك على خير حبيبتيالعضوة: 1365562 , 4 years ago
وانا ياقلبي... ماكلمت احد الا في الشهر الرابع... وخليك قويه... وتكلمي تجاه اي واخد يتعدا حدوده قولي ربي يحبني وهذه نعمة من ربي... الله يرزقني انا واولادي الصحة والعافيه وان شاء الله اجيب لحد ١٢ طفل... سكتيهم...هذا شي خاص محد له دخل... واهم شي وقبل كل هذا حصني نفسك واولادك على طول وادعي الله دائما اللهم اني اعيذك نفسي واولادي وزوجي من شر الاشرار ومن كيد الفجار ومن شر طوارق الليل والنهار 🤲الله يتمم لك على خير يا قلبيالعضوة: 1413944 , 4 years ago
انا ابني ما كانش في اي تشوه مولود طبيعي وما كانوش في اصلا ماء الدماغه بس حصل له بعد الولاده ب 20 يوم اكتشفنا فاشكر على الرد والحمد لله على اللي يجيبه ربناالعضوة: 1374339 , 4 years ago
انا عن نفسي مااقول اني حامل لصير بسابع انا مايبين عليه الحمل وانا قاطعه علاقتي مع الغريب والقريب ماحدا يعرف عن حياتي شي ولما احمل اقطع كل المناسبات والسبب انا تزوجت زواج فخم وزوج كويس وانا الحمدلله ماناقصني شي وبعد زواج مباشره حملت وكنت صغيره وماافهم وع طول خبرت بنات عمي وبنات العيله صرت اصور التست وارسل ليهن وكانن يبعتلي ملصقات مفزوعه انو معقول فورا حملتي والله يبنات الحمل سقط ومافي اي سبب وبعدها كل مايصير حمل يسقط لحد خمس مرات طبعا كنت اشوف منامات مخيفه ماخليت دكتور نساء يعتب عليه لا خاص ولا حكومي وكلهم يحكو تحاليلك وضعك كلو تمام لحد مارقيت عند شيخ وقلي عندك حسد وعين قويه جدا والحمدلله بعد رقيه الله رزقني الخلفه بس حرفيا انا وزوجي نعاني من العين زوجي جاله الم براس من تزوجنا الم قوي مايحتمل يجي ع فترات وانا تعلعت ماعد اعرف وين يوجعني وانا بلد اوربي وهون مافي شيوخ لقيت شيخ واجا رقاني ومافي غيرو بدنا علاج والحمدلله ع كل حالالعضوة: 1302297 , 4 years ago
اول شي حصني نفسك دايم لان فعلاً الناس ماترحم ، ثانياً لاتعلمين احد لحد الخامس بعدها قولي واللي تتكلم مثل هالكلام الرد بسيط قولي لها الحمل في بطني مو في بطنك ولابتصرفين علينا من جيبك لان الناس الوقحه لازم تكونين معاها وقحه ، والله يتمم لك على خير ويشفي ولدك♥️العضوة: 151140 , 4 years ago
@user-1302297 بالضبط وانا اقول بعد لا تبشرين بحملك وتسولفين فيه ان عرفوا من نفسهم بكيفهم ان ماعرفوا أحسن عشان ماينفتح عليك باب الأسئلة وليش ما صبرتي وليش وليش؟ واستخيري على كل أمر تعلمين او ما تعلمين وهالامور وحصني نفسكالعضوة: 162679 , 4 years ago
حبيتي كلامك صح بس انا لان هذه اول مره ما اخبر حتى امي .. ان شاء الله راح اخلي شخصيتي قويه وصدقتي في ناس ما تستحي والله لا اختي افا عليك ما قلتي شيء يضايقني وجزاك الله الجنه ع الردالعضوة: 1338054 , 4 years ago
شوفي فالوضع العادي نقول لا عادي الافضل تخبري اهلك و اهل زوجك بحملك اكيد بيفرحون لكم ، لكن زي وضعك احس خصوصا قليلة الادب الي تكلمت المفروض ما تدري الا ع الولادهالعضوة: 652651 , 4 years ago
حسبي الله ونعم الوكيل شو ها الكلام يعني حتى روح الحيوان غالية عند الله فكيف تقول هذا الكلام عندك تلات واربع وقفيها في حد وهما ما يصرفو عليكم ولا يسهروا معك ولا يتالموا معك وقت ولادة وقفي اي حدا في حده و ماعليك شي لين تولدي وتقولي لهم انتي مو مجبورة تبرري الاولاد رزق ونعمة الحمد لله