بلشت قصتي من سنة تقريباً. كنت انا وزوجي نتعالج علشان احمل بولد ( للعلم انا الحمدلله عندي ولدين شباب ما شاءالله واربع بنات ) البطن السادس كان نفسنا بولد والله يعلم شو عملنا ودفعنا والحمد لله الله ما ارادلنا نجيب ولد ثالث، المهم بعد ماكشفت وطلعت بنت انا زعلت وبكيت وكان زوجي يهون علي وهو بطبيعتو حنون واخذنا بعض عن حب والنا 17سنه متزوجين والله الكل يحسدنا على حياتنا كافحنا وتحملنا كنا ساكنين ايجار وماكان عندو وظيفه، والحمدلله ربنا اكرمو بوظيفه وبنينا بيت اول شي عشنا بغرفة ومطبخ وحمام. وبعدين بنينا طابق ثاني من فضل الله، واشترينا سياره المهم لما صرت بالشهر الرابع انقلب حالنا تغيرت حياتنا. فاتت بنت حرام بيننا قلبتو علي اهملني اهمل بناتو وولادو مايرجع غير الفجر. لما كنت اواجهه انو في وحده بحياتو كان ينكر. بس كان يقع بلسانو ويحكي انو بدو يتزوج. كنت احكيلو اذا بدو يتزوج يطلقني لاني مااتحمل مشاكل وكيد نسوان طبعاً عشت ايام مايعلم بحالي الا رب العالمين تركت بيتي وبناتي وهو ولاهمو سمعني كلام لساتو يرن بإذني وقبل ما اولد بشهر عرفت مين هي طلعت وحدة متطلقة ( مع احترامي للمطلقات ) بس هاي تحب جوزها وطلقها 3طلقات وماترجعله الا بمحلل. وكل هدفها انها تلاقي واحد تضحك عليه شهرين زمن بعدين ترجع لجوزها وولادها المهم لما هو عرف هدفها تركها بس هي ظلت تحاول معه وصارت مشاكل وخلفت بنتي وانا الله يعلم بحالتي وصحتي كيف كانت. بعديها هو حلفلي انو انهى معها وانا جبت رقمها وحكيت معها وانكرت طبعاً وكانت تجاكرني بستوريات حب وغرام واتهمتني اني حكيت لاخوانها واني نشرت صورها كمان وبالاخر اتجوزت لاول عريس اتقدملها والمشكله مو قادرة اتخطى كسرة خاطري ولا قادر انسى الكلام اللي سمعني اياه وهو عارف اني مالي حدا يتيمه يعني لو تطلقت اروح عند اخواني خدامه لنسوانهم وهو ابن عمي كمان. والله مو قادرة انسى