عزيزتي المرأة..
😌حطي ببالك #التضحية موضة قديمة وماعادت تنفع .. لاتضحي وتصرعي سما عيلتك.. يعني...
- التعزيل بكثرة مو شطارة صدقيني زوجك مارح يسوسح انو عندو مرا نضيفة وإنما رح يشوفك لفاية وإذا صدف وكان معك لفاية عم تساعدك ف رح يخربط بيناتكون..
- على فكرة.. لن يسجل التاريخ إنك وفرتي مصاري وماكنتي تعملي شعرك عند الكوافير أو تجيبي اكسسوار لأنو "البيت أبدى و أهم" ... التاريخ مشغول بتسجيل قضايا أهم بكتير..
- وبلاها هي الحنانيات اللي ماحدا رح يحس فيها.. بحب خبرك إنو ابنك البيبي متل إجرو إذا إنتي عطيتيه الببرونة أو خالتو أو عمتو أو ستو..
مو غلط تتركيه من وقت ﻵخر مع حدا ثقة وطلعي تنفسي مع زوجك او رفقاتك..
- بالمناسبة سهرتك على لف طنجرة يبرق وانكسار ضهرك وانقراف رقبتك لن يجعلك أكثر أنوثة بعيون زوجك وحنونة بعيون ولادك .
ولادك وزوجك رح يشوفوكي بعيون رفقاتون..
يعني لما إيديكي رح يكون مصبوغين أسود من البيتنجان ولا لبسك مفتل ما حيقولوا "يا قلبي هيي كانت عم تعمللنا مكدوس أو مبديتنا عن حالا ".. وإنما رح يخجلو منك ...
ببساطة: عيشي..........وخلّي غيرك يعيش وتمتعي بجمالك وضحكتك و رواقك.. لاتكبري وتنصدمي وتكتئبي وتطالعيه من عيون عيلتك لانه ماحدا قدر تعبك.
🎲🎲 وهيك لازم يصير عيشي حياتك بدون تقصير بس مو تفاني لإسعاد من حولك 👏🏻👍🏻😊
العضوة: 146350 , منذ 4 سنوات
@user-99900 هههههه اي هو الوحدة بتضحي بس مو بكل وقتها كمان جسمك الو حق عليكي يمكن انا لان عندي ولد وبعد شهرين جاي بنتي وحمدالله زوجي بيساعدني ب ابني هو بيجيب غراض البيت وامرار بياخد ابني ساعتين وتلاتة بيطلعو ويمكن لان بيتي مو كبير كتير .وما بينق عالاكل شو مابعمل بياكل حمداللهالعضوة: 275160 , منذ 4 سنوات
مين سمير، 😂العضوة: 302614 , منذ 4 سنوات
@user-99900 احيانا بحس عقلك كبير ههههههههههخ عم يطلع معك ها حبيت كتير وفعلا هاد لحكي صحالعضوة: 99900 , منذ 4 سنوات
@user-146350 أنا متلك تقريبا. بس وقت جبت الطفل التاني اتخربطت حياتي صار الشغل يتكوم صار كل شغلي إلهن. صارو ياخدو كل وقتي ويشغلوني حتى عن حالي ممكن هي ضريبة الأطفال ورا بعضهم. بجي بأخر اليوم منهكة تعبانة مالي نفس لشي بحط رأسي وبنام من التعبببب. مع العلم مقصرة بنظافة البيت بس. ومقصرة ب إعطاء الوقت لحالي. يعني يا دوب بس فيق الصبح مشط شعري وغير تيابي هاد الوقت الوحيد للي بفضا لحالي فيه 💔💔🌚العضوة: 99900 , منذ 4 سنوات
@user-302614 هههههه منشان تعرفي. اي والله منهلك حالنا ومنتعب ع شغلات فاضية وماحدا رح يتذكر لنا ياها. أنا بعمل نفس هالصورة بالزبط ههه تحية ليالعضوة: 302614 , منذ 4 سنوات
@user-146350 فتت ع صفحتك وشفت عندك سؤال عن سكر حمل ما حدا مجاوبك ازا بتحبي سأليني كان عندي سكر وبالنسبة لتعليقك قلك شي بكرا بس تكبري قبل عمرك جوزك بيجوز ومابقول لضرتك كانت تظيفة وجابتلي ولاد لهيك كبرت لا بقول كانت وخمة وغير هيك مو حلوة فهمتمي بحالك واصحك ضحي لان ماحدا بفيدك☻العضوة: 302614 , منذ 4 سنوات
@user-99900 عم بعرف 🤣 انا الحمدلله مشان ما اكزب بساعدني هههههالعضوة: 146350 , منذ 4 سنوات
@user-99900 ولي ازا صحيح هلئ ابني صغير يعني عمرو سنة ونص بيجوز بس يصيرو تنين بصير الشغل دبل هههه الله يعينا انا امرا مابنام لحتى خلص شغل البيت كلو وفيق ع نظافة بس حمدالله قولي في مين بيقدر ههههه انا هلئ عالثقل بالحمل صايرة بطنش امرارالعضوة: 99900 , منذ 4 سنوات
@user-146350 أنا من وقت البيبي التاني صايرة كتيرررر طنش.. وزوجي ما بيحكي. بس يشوف الشي زاد عن حدو بقلي ساويلك حوصة للبيت. بس شافني عم إشتغل ويبلشو التنين بكا وطلبات وووووووو بيسكت وبقلي الله يعينك والله حقك. وبس. بس أنا تعبت من هالتطنيش حتى نفسية الواحد بتتعب مو مسدئة أيمت الصغير يطبق السنة حتى شوي شوي يريحني.. أنا متلك وقت ولدت إبني كان عمرو سنة وشهرين. هلأ الصغير 8 شهور والكبير سنة و10 شهورالعضوة: 146350 , منذ 4 سنوات
@user-302614 اي مزبوط معك حق معي سكر عاملة حمية بس بضل بخاف انو ترتفع عم قيسا بعد بساعتين بيرتفع بحسو. هههه لا انا مع انو المراة تهتم بحالا وانا يلي عم قلا انو اهتمي لانو جسمك الو حق عليكي انا متل مابيقولو منظمة وقتي كلوالعضوة: 302614 , منذ 4 سنوات
@user-146350 شو عم تاكلي لحتى بيرتفع ودائما بكون مرتقع عم تاخدي ادوية ولا بس حمية لازم بعد ساعتين يكون نازل كتيرالعضوة: 146350 , منذ 4 سنوات
@user-99900 دخلك الصغار رح يكبرو ونشالله بنريح شي تلت سنين خلينا نشوف ايام حلوة والشغل بعمرو مابيخلص والله بس الك شغلة انتي حاولي نظمي وقتك انا عاملة خطة بكرة بس يصير ابني عمرو سنتين انشالله بوديه عالحضانة هو عنا بيهتمو كتير بالولاد لهيك رح كون مطمنة وبوقت يكون هنيك بخلص شغل البيت والطبخ وزوجي بيجيبو يعني انا هلق ازا بنظف البيت يوم تاني يوم مابيكون عندي شغل الا الجلي والطبخ ماعدا غرفة الولاد واحلا شي عم عود ابني ينام بغرفتو لانو كان مهلكني بنومتو معي ومع ابوهالعضوة: 499251 , منذ 4 سنوات
ياخونه كلكن هون وانا عم قول وين اختفيتو فكرتكن عم تحاول تموتو😤😤😤😤العضوة: 99900 , منذ 4 سنوات
شلون بينام لحاله 😕🌚 أنا إبني الشنتير كل شوي بليل بفيق يشوفني إذا بجنبو وبيرجع بينام ما بفيق ابنك بليلالعضوة: 99900 , منذ 4 سنوات
لا عم نحاول ما نضحي ونعيش تف تف تف الموت لعدوينك... 🤓🙄🤐