عزيزتي المرأة..
😌حطي ببالك #التضحية موضة قديمة وماعادت تنفع .. لاتضحي وتصرعي سما عيلتك.. يعني...
- التعزيل بكثرة مو شطارة صدقيني زوجك مارح يسوسح انو عندو مرا نضيفة وإنما رح يشوفك لفاية وإذا صدف وكان معك لفاية عم تساعدك ف رح يخربط بيناتكون..
- على فكرة.. لن يسجل التاريخ إنك وفرتي مصاري وماكنتي تعملي شعرك عند الكوافير أو تجيبي اكسسوار لأنو "البيت أبدى و أهم" ... التاريخ مشغول بتسجيل قضايا أهم بكتير..
- وبلاها هي الحنانيات اللي ماحدا رح يحس فيها.. بحب خبرك إنو ابنك البيبي متل إجرو إذا إنتي عطيتيه الببرونة أو خالتو أو عمتو أو ستو..
مو غلط تتركيه من وقت ﻵخر مع حدا ثقة وطلعي تنفسي مع زوجك او رفقاتك..
- بالمناسبة سهرتك على لف طنجرة يبرق وانكسار ضهرك وانقراف رقبتك لن يجعلك أكثر أنوثة بعيون زوجك وحنونة بعيون ولادك .
ولادك وزوجك رح يشوفوكي بعيون رفقاتون..
يعني لما إيديكي رح يكون مصبوغين أسود من البيتنجان ولا لبسك مفتل ما حيقولوا "يا قلبي هيي كانت عم تعمللنا مكدوس أو مبديتنا عن حالا ".. وإنما رح يخجلو منك ...
ببساطة: عيشي..........وخلّي غيرك يعيش وتمتعي بجمالك وضحكتك و رواقك.. لاتكبري وتنصدمي وتكتئبي وتطالعيه من عيون عيلتك لانه ماحدا قدر تعبك.
🎲🎲 وهيك لازم يصير عيشي حياتك بدون تقصير بس مو تفاني لإسعاد من حولك 👏🏻👍🏻😊
العضوة: 146350 , منذ 4 سنوات
@user-302614 صدقيني قاطعة السكر والخبز والرز عم اكل خضرا وبقوليات وامرار رز اسمر ماعم حبو بس مشكتي بيجي ع بالي الشوكولا😂 بس عم اكل قطعة بس قبل وقت كان يرتفع كنت عم خبص كتير انتي معك سكر ولا شو بأي شهر ؟العضوة: 499251 , منذ 4 سنوات
طبعا مع لان بالاخير اذا طنشنا حالنا وشفنا متطلبات غيرنا راح ينظرو النا نظره اشمئزاز ونطلع نحن بالكفه الناقصه😤😤😤😤العضوة: 499251 , منذ 4 سنوات
اي عيشي حياتي 😘😘 تسلميلي ولعدوينك😬😬العضوة: 302614 , منذ 4 سنوات
@user-146350 بسبب سكر ومو كل لبقوليات بتتاكل☻ في منا فيا سعرات متل الفاصولية مثلاً انا ولدت من اربع شهور الحمدلله لاتضلي تخبصي مو منيح وازا اشتهيتي كتير كلي قطعة وامشي ساعة بتحترقالعضوة: 146350 , منذ 4 سنوات
@user-99900 انا متلك كان مهلكني بس كل مايفيق برجع بحطو بتختو وبخليه لحد ما تعود بدها وقت وبدك تتعبي بس الولاد على ما تعوديه .لاحظي ولاد الاجانب بشكل عام من هنن وصغار بغرفهن بينامو وبيحطولن جهاز الفون مشان يسمعو ازا بكي او اختنق او شي وولادن بتلاقيهن هاديين اكتر من ولادناالعضوة: 146350 , منذ 4 سنوات
@user-302614 لا هلئ حمدالله ماعم استرجي قرب ع شي خايفة باكل قطعة ازا شتهيت شي وبحرك ساعة انا بخاف كتير لان حولتني دكتورتي ع مشفى وانا مارضيت روح لان بيضخمو الامور كتير لهيك جبت الالة تبع الفحص وصرت بالبيت افحص وحاليا الحمدالله انتظم .حمدالله عسلامتك انتي والبيبي ولدتي طبيعي وكلشي كان تمام طمنينيالعضوة: 302614 , منذ 4 سنوات
@user-146350 ليش تحولك ازا منتظم معك انت باية بلد لازم ع ريق مايتجاوز 5.3 وبعد الاكل بساعة ٧.٨ اي طبيعي بس بطلق صناعي اكتر لمعون سكر هيك بولدو اسبوع ٣٨ او ابكر حسب سكر بس مابستنو اكتر المشي ممتاز والمي انا متلك كان كل شي يرفع سكر حتى لو قمة خبز اسمر وخضرة وكل شي مسلوق او مشويالعضوة: 302614 , منذ 4 سنوات
صح حكيك انا انشالله ابني بس يبلش ياكول بعودو لحالو ينام بغرفتو مع ان هلا اول كم ساعة بنام لحالة بس مشكلتي برضع طبيعي ف كل مابدي قوم رضعو بروح للغرفة تانية قلت بغرفتي اسهل ☻العضوة: 146350 , منذ 4 سنوات
@user-302614 اصدي قبل ما اعمل الحمية وجيب الجهاز طانت بدها تحولني مشان تتطمن ومشان الحمية بس انا من حالي مارحت انا بألمانيا ساكنة انا اكتر شي الخبز الابيض بيرفعو والرز باقي الشغلات مابحسن بيرفعو قولي ب ١٣ الشهر عندي فحص مشان الكامل للجنين وادي كبرو وهيك ونشالله بطمنالعضوة: 302614 , منذ 4 سنوات
@user-146350 اي انا كان الفواكةكلا ترفعو ما عدا لفريز والحليب وخبز وتفاح ياااا شو بيرفع ليش انت باية شهر صرتي انا اجاني بسابع انا بهولندا ساكنةالعضوة: 146350 , منذ 4 سنوات
@user-302614 انا كتبت تعليق وفكرت حالي مخربطة ههههه عن انو البيبي بينام لحالو الرضاعة صعبة بكرة بس تصيري تطعمي اكل عادي بيصير ينام الليل كلو نشالله اي انا بالسابع اجاني كمان السكر وهلئ باول الثامن يعني هانت وبخلص .العضوة: 302614 , منذ 4 سنوات
@user-146350 الله يخلصك منو يارب انا صابني عقدة منو ولهلأ صايبيتني لدرجة مفكرة مبقى احمل منو الحمدلله ع كل شي اي صح بس ياكول بخفف عنيالعضوة: 146350 , منذ 4 سنوات
@user-302614 امين الله يسمع منك المشكلة بيقولو التوتر بيزيدو وانا بحاول ما اتوتر وخاف هههه بلاقي حالي رجعت فتحت نت وبلشت دور عن مخاطرو وبتبلش بقى الافكار تاخدني وتجيبني ....اخ الله كريم وحمدالله ع كلشي متل ما ئلتي وانا قريت انو يلي بدها تحمل وصار معها سكر حمل قبل لازم تعمل حمية عالاقل تلت شهور قبل ماتحمل احتمال ماعد يرجع بنوب انتي رحتي ع دكتورة خاصة مشان السكر ولالا بالمشفى كانو يعرفوالعضوة: 99900 , منذ 4 سنوات
بحس مافي داعي البيبي يكون بغرفة لحاله إذا مو مغلب أهله. وأكيد بمرحلة من عمره رح يصير ينام لحاله. أنا ناوية ب 4 سنين افصله هوي واخوه بس، قبل لا بظن مستحيل.. كتير مواقف صارت معي وبقول انو معي ينامو للأمان اكتر. كتير أوقات بفيق مو واعية بس إني بتلمسهن وبتكون عليهن حرارة ف مثلا لو بغرفة لحالهن ما عطول رح تضلي رايحة جاية. أنا بخاف كتير من هالقصص. ف بشوف أنسب عمر يكون ب 4 سنين. ومنها بشبع منو ومن حضنو. لأني أنا بحاجة هالحضن اكتر منو يكفني ❤️😭العضوة: 99900 , منذ 4 سنوات
@user-302614 دبة هوي هالريان عندك يا إستني لل 4 سنين وافصليه لاحقة 🌚