حابة احكي معكم وبتمنى ماتجرحوني بالكلام زوجي ولد بين اربع بنات وانا ام لثلاث بنات الكبيرة عمرها 5 سنوات بغض النظر انهم بنات او لا بس انا كنت حابة اني جيب اطفالي وراء بعض بتعب بالبداية وبعدين ارتاح شوي شوي بإذن الله وعونه حاليا انا حامل كانت اخر دورة بشهر 5 ماكنت مخططه للحمل ابدا كان في بالي اني زيد اتأخر شوي واحمل جدول تغدية وزوجي يعمل تحليل عم شوف وحدة بالإنستغرام ان في تحاليل معينة بيعملها الزوج لان احتمال كبير الزوج عنده صديد او اشياء مثل هيك لحتى تكون خلفته بنات ( يعني الاخذ بالاسباب لا أكثر ) ولكن قبل ما احمل بليالي رمضان وبيوم عرفة كنت اجلس ادعي الله إني أحمل بتوأم بنين مع اني عارفه ماعندي ولا عند زوجي في العائلة توأم بس يقيني كبييير باستجابة دعوتي وادعي ان اللي جاي من حملاتي كلها تكون اولاد كنت ادعي بيقين ان احمل بتوأم بنين قبل رمضان الكريم القادم وبدون سابق انذار سبحانه الكريم مع كل الاحتياطات اللي عاملينها حملت ولله الحمد وانا بداخلي يقين تاااام ان بيكون ولد مارحت ع الدكتورة بالشهور الاولى كان عندي شوي ظروف بس في داخلي كنت قول اكيد ماتسهلت ورحت الا عندي مفاجأة ياترى رح يكونوا توأم ؟ رحت امس وكان اخر اسبوع بالشهر الثالث يعني اول يوم بالاسبوع 13 يعني بالتاريخ بالضبط 12+1 وبلشت الدكتورة تكشف وانا بدعي بداخلي ان يكون ولد ولكن ماشافت شيء حاولت كثير بس قالت احتمال 90% بنوته وهي لانها دكتورتي من اول حمل فهي عارفه ان عندي 3 بنات واعتقد انها توترت شوي وخافت ازعل هيك ظنيت لانها بلشت تقلي هذا مش اكيد وان شاءالله بيتغير بعد شهر لما يحين موعدنا وهيك بس انا مابحب حسس حدا اني اتضايقت بالذات من أشياء ومواضيع مثل هي وانا قولها المهم هي بخير وكويسه الحمدلله ولكن في نفسي حسيت بكمية غصة بداخلي هذا مابيعني اني حزينة واني مو راضية لا والله ولكني تمنيت تمنيت بشدة يكون ولد وانا فعلا كنت متمنية الولد مشان يكون عندي الجنسين ولكني غصيت ومسكت دموعي لان بجنبي بناتي وانا حتى لما بكون مضايقه من اي شيء مابحب خليهم يشوفوني ببكي وغلبتني دمعه صغيرة وبس مسحتها ودعيت ربي ان تكون الدكتورة غالطه وبيقين ان اللي عند الله ليس ببعيد عن الداعي ( ولكن حتى لو كانت فعلاً بنت فهي اكيد هدية من ربي ) وخبرت زوجي بالسيارة ومازعل حتى شويه قال ان فكري شوي بداخلك لشو بدك الولد بتلاقي ان ماعندك اي سبب الا كرمالي وانا والله فكرت بداخلي لشو بدي الولد ومالقيت الا ان من زمان مجهز اسم وعاجبني وبدي سميه يعني لو ما اجانا ولاد ليكن البنات مااحلاهم ولسى الطريق قدامنا لو لساتك حابة تزيدي اطفال والله كريم ومن هالكلام انا بالعيلة البنت الوحيدة اللي عندها بنات فقط بحس هالشيء غريب علي شوي انا بغربة حالياً وبعيدة عن القيل والقال بس لما برجع مش اليوم مش هالشهر ولكن اكيد كل حدا رح يرجع لبلاده مش حابة اسمع دعواتهم لي بالولد بالشفقة وكأنهم شفقانين علي لان ماعندي والد زوجي ومابدي حط بذمتي بس البنت الثالثة ما بيعرف شكلها منيح ما بيسأل عليها مابعرف هل لانه ما ولدت ماكان حاضر وشافها وجها لوجه ولاعبها بس فعلاً شيء بيحز بالنفس ولما سمع ان انا حامل ومعي بنت قال بنت ثالثه ؟ فتخايلو حاليا كيف مع ان زوجي بيقولي ماتحطي ببالك هيك شغلات لو كان الشيء بإيده ماكان جاب اربع بنات ونا الولد الوحيد بس بحس كل الناس بتشوفني بنظرة المسكينه وانا مابحب هي النظرة ابدا ابداً حتى لو كنت عم ازحف ادعولي ويامحوني طولت عليكم بس ماعندي لمين احكي والله العظيم لان اي شخص رح احكيله رح يقولي ماتحطي ببالك وماتعدلي على حدا بس نحنا بشر وبنغلط ونحزن وبنضايق وبرجع بقول هذا مابيعني اني معترضه ان بتجيني بنوته رابعه انا والله حنونه كثير على بناتي وبحبهم ف يعني لو كانو حتى عشرة رح حبها وكأن ماعندي غيرها ولكن انا ام وبتمنى يكون عندي ولد والله