بنات أنا هذا ثاني حمل لي ومتعب جدا . احس مو متحمسه للولاده ومابعد الولاده اعرف الالم والمعاناة والتعب الي ينتظرني بحملي الاول الشعور والتجهيز كان غير وكنت اعد الأيام عشان اشوف البيبي وبحماس بس بحملي هذا احس خايفه ومو مستعده للسهر وألم النفاس و المسؤليه الي بتواجهني خصوصا ان ولدي الكبير عمره سنتنين ونص وتعرفون هالعمر شكثر متعب طول وقتي مضغوطه نفسيا ومعصبه وتعبانه والألم الي أحسه بحملي الم العظام والظهر وألم العانه الحركه صعبه جدا والحرقان والانتفاخات الي بجسمي كارهه شكلي وخشمي يخرع صاير احس اني مكتئبه رغم ان عندي كل الاحتياجات ولله الحمد من عاملات وأهلي وزوجي بس هالشي طبييعي ؟ يعني حتى امس قبل لا انام قاعد أفكر ياربي ابي أولد اخلص تعبت من الثقيل الي أحسه والنوم الي ما أذوقه مع اني توني اول يوم بالشهر السابع بس ابي أولد ما قدر أتحمل الم عظام العانه والثقل وضيق التنفس و تحجر الصدر ونفس الوقت متوتره على الي ينطرني ورا الولاده 💔