بسم الله الرحمان الرحيم الحمد لله كثيرا اللهم لك الحمد واللهم لا اعتراض على عطاياه ... بدأت بالجملة عشان ما تيجي وحدة وتقولي احمدي ربك ...ومن هالكلام بنات انا محتاجة لردود إيجابية انا مني بخير وما بعرف ليش انا هيك غصب عني انا هيك عرفت جنس الجنين حسب ما قال الطبيب وقالي عندك ولد وانا عندي ولدين وانا ميته عالبنت من اول ماحملت وانا بدعي لربي يارب اعطيني بنتي تكون حبيبتي وصديقتي ...بس ربنا ما راد لي عطاني ولدين مثل القمر الحمد لله ..ولكن من خرجت من عند الدكتور وانا دموعي على خدي وانا منهاااارة كنت متأكدة وكان عندي يقين انو ربي ما رح يخيبني ورح يعطيني بنت مثل كل هذول اللي عندهم بنات بس لا ما عطاني ...يا بنات قلبي منفطر وما بدي كون هيك بدي افرح ما عم اقدر تخيلت نفسي بطير من الفرحة لما يقوللي بنت تخيلت بروح اشتري لها فساتين و اكسسوارات... سامحوني بس كنت بقول لييييش ياربي لييش بشو قصرت انا دعيت وترجيتك بس ما عطاني هالفرحة. بنات سامحوني يمكن انا بفضفض لكم لا و ما عندي لمين افضفض كل ما يسألوني الناس عرفتي الجنس بقول لهم لا لسا ..بس من جوه مقهورة وحاسة بوجع ... كل ما بشوف حدا عنده بنت تنزل دموعي على خدي بقول يارب ليش انا مو مثلها ....ليش انا ماني مثلهم ... بنات انا كثير تعبانة ما بدي كون هيك ...والله بدي افرح وانبسط بس ما فيني في شيء فيني كان مشتعل وانطفى لحد هلا انا بدعي يارب تخيب ظنهم ويفرحني يارب يطلع الطبيب غلطان ويفرحني...ادعولي بترجاكم وقولولي تجاربكم هل ممكن يخطئ معه السونار ...رجاء بدون تجريح في الكلام لاني كثييير حساسة ...وما متحملة نفسي ارجووكم