هي للشوام 😂 إذا ما كنت شامي عن حئ و حئيء، لا تحاول تقرأ لأنو مارح تفهم شي.🤣🤣😌 أول ما جهجه الضو، اجا يوسف ليشطف أرض الديار. سكّر باب لصئاء و شلح الشحاطة مشان ما يجأجئ و جرجر الكراسي و شأف لزريعة و تكتك شلون بدو يشطف. بحبش شوي. دندل البربيش و شغل المي عالسطل، و سخنا عالنار لبأبئت، لأنو ما عندهون آظان مي سخنة، و كتا بأرض الديار. فك كمامو ليترحرح و شلح اللحشة مشان ما تتشحر و شلفا وراه، و دعك الأرض منيح من الزَفَر لأنو دبئة. فشخ فوق المي و دأّر شوي و بعدين نط بجعزة. تفشكل وتزحلط بشوية مي و انطبش جواتا طبشة آتولية. انجرحت إيدو حشك و لبك و بعأ و جعر آخ يامو. اجت أمو و بإيدا لمئشة. قالتلو ولي عليك ، ليش عم بتحوكش و تنكّش متل الديك، كنت امسيك الدرابزين شو معمي على ألبك و صاير تشتوش . جابتلو شئفة شرطوطة و ربطتا، بعد ما غسلتا بالمي وعصرتا و طرطشت خراطتا، و ئالتلو ئوم ولي على آمتك شو نعيان، ناتع هالطول عالفاضي، ئوم من وشي، هزيتللي بدني و ما شطفت البيت العين تطرئك