نصيحة لكل وحدة رح تولد عن تجربة تميزت عن ولاداتي السابقة: أولا لازم تكوني بديتي تمشي من الشهر الثامن لو مافي عندك أي سبب صحي يخليك ما تمشيش، 2 لازم تكوني تاكلي تمر يوميا طبعا لو ملعندك سكري، لأنو التمر يعطي القوة لعضلات الرحم حتى يكون الدفع سهل 3، التنفس العميق أثناء الإنقباضات ,اسحبي من أنفك عميقا وخرجي من فمك بهدوء. رح يخفف بزاف بزاف الآلام ويساعدك حتى تفتحي عنق الرحم بسرعة ، التفكير :حطي في بالك بلي أنتي قدها وتقدري تقاومي ربي ما يكلفش انسان بحاجة مايقدرلهاش، لا يكلف الله نفسا إلا وسعها، إذا كنت في الصباح فكري أنه بسرعة يطيح الليل و إذا كنتي في الليل ديري في بالك بلي بلخف يطلع النهار وهذه فترة و جوز وأحسن برهان فترة الحمل تسع شهر جازت بسرعة، هذا التفكير رح يفرز فيك هرمونات تخفف الألم وتزيدك القوة و تعطيك كوراج كبير، أما الصراخ و التركيز فقط مع الألم و الحالة لي انتي فيها رح يزيدك عذاب على عذاب فقط، واقراو سورة الإنشقاق تنزل عليك رحمة عجيبة وربي يطلعنا كامل بخير