30 نصيحة لأول 30 يوم بعد الولادة 👶 1️⃣ أول يوم؟ نامي هواي لا تعتمدين على نوم الطفل أول يوم وتفرحين وتكولين: ابني ينام هواي. ترى بعد الأربعين يبان كلشي 😅 ليش شنو ورا الأربعين؟ 👉 قمة المغص. وعلى سيرة الأربعين: اللي يكول نطهره ورا الأربعين، أحب أذكره إن أفضل وقت للطهور من يوم – 40 يوم مو بعدها. و ماله علاقه بشتا و صيف المهم: نامي هواي بأول يوم. 2️⃣ رضّعي حسب الحاجة انسِي الجداول وكل ساعتين وكل ٣ ساعات لا تسوين جداول الرضاعة تكون عند الحاجة فقط من أول يوم. 3️⃣ تعلمي من طفلك مو كل بكاء = جوع. تعلمي تفرقين بين بكاء الجوع وبقية الأسباب. ما اكيد يبجي لان مفتقد الرحم و مكانه السابق مو كل بجي جوع الله يخليك 4️⃣ حضّري قطرات الغازات ما تدرين شوكت تحتاجيها. أفضلها: كوليف و قطرات السيميثكون وتعلمي شلون تنطيهاا والجرع الصح. 5️⃣ إذا ترضعين طبيعي حاولي تقطعين الحليب ومشتقاته حتى تخف الغازات عند الطفل. 6️⃣ الأوفرات خليها سهلة الفتح ما عندك وقت للأزرار. اختاري سحّابات أو طباكات. 7️⃣ قسّمي الشغل ويا الزوج وطلبي مساعدة بدون تردد. إذا إنتِ ترضعين طبيعي، خلي تبديل الحفاظ عليه. 8️⃣ اشتري ضوء خافت أصفر ضروري بغرفة النوم. وبالعراق خلي يكون لايت قابل للشحن. 9️⃣ التربيت على الظهر بعد كل رضعة، ودائماً. 🔟 لا تبدلين الحفاظ مباشرة بعد الرضعة انتظري شوية راح تجيك المفاجئه 1️⃣1️⃣ طفح الحفاظ؟ من أول يوم بدّلي ماركة الحفاظ و انصحك ببايولاين صح غاليه بس جيده 1️⃣2️⃣ لا تنسين مرهم الزنك او أساسه الزنك مع كل تغيير حفاظ. و هم كومه نوعيات اكو 1️⃣3️⃣ علّمي طفلك فرق النهار والليل من اول يوم ضوء النهار… وظلام الليل. 1️⃣4️⃣ اختاري بلوزات بطباكات عالكتف راس الطفل كبير، والتيشيرتات العادية ما تمر. 1️⃣5️⃣ اشتري حمالة طفل آمنة مهمة جداً، وتسوى كل دينار. 1️⃣6️⃣ اشتري كماط جاهز وسهل اكو هذا يسموه الامريكي وعوفي كماط أهلنا 😅 1️⃣7️⃣ استخدمي الضوضاء البيضاء مثل: صوت المروحة – المكنسة – السشوار. 1️⃣8️⃣ انسِي واجبات البيت بالبداية عوفي التنظيف هسه ما راح تلحكين، وهذا طبيعي. 1️⃣9️⃣ لا تهملين الملهية إحنا ما نحبها اي صح بس أول 3 أشهر تفيد هواي. لا تكولين لا نهائياً مفيده جدا بس إذا رضاعة طبيعية، أجليها بعد الشهر. 2️⃣0️⃣ كثّري الصور خصوصاً أول الأيام… تمر بسرعة 💔 2️⃣1️⃣ اطلعي من البيت إذا تكدرين بس مو مولات و مكانات زحمه 2️⃣2️⃣ حضّري ملابس إضافية بالجنطة إلك ولطفلك، الحوادث ما تستأذن. 2️⃣3️⃣ استخدمي جهاز ترطيب الجو (Humidifier) مفيد جداً إذا عنده خنفره / انسداد أنف. 2️⃣4️⃣ إذا فشلتي بشي راجعي طبيب أطفال. حتى لو إنتِ طبيبة، الطفل ما يعرفه أحد كد طبيب الأطفال، 2️⃣5️⃣ جرّبي الرضاعة مع غطوة الرضاعة حتى وإنتِ بالبيت، حتى تتعلمين تستخدمينها بره 2️⃣6️⃣ استخدمي زيوت آمنة بعد الحمام للترطيب فقط، مثل زيت اللوز الحلو. 2️⃣7️⃣ انتبهي لحجم الحفاظ أغلب الحفاظات تكون ضيقة. خليه مرتاح واختاري نوعية زينة. 2️⃣8️⃣ تعلّمي قص الأظافر بأمان حتى لا تأذين الطفل. 2️⃣9️⃣ البروبايوتك ممكن تبدين بيه من أول يوم، وتستمر أول 1000 يوم لتعزيز المناعة، أو ببساطة: رضاعة طبيعية ❤️ 3️⃣0️⃣