لما تزوجت اختي مسكتني وقالت لي: "خلك ف بيت اهل زوجك مثل الضيف ، لا تتكلمي كثير لا تاخذي وتعطي معهم كثير ولا تكثري جلسات معهم ، كذا يتعاملوا معك برسمية ما ياخذوا راحتهم ويغلطوا عليك وتبدأ المشاكل.. زوريهم ادي واجبك بس حاسبي للوقت "... اقسم بالله ما كنت مقتنعة وقتها اشوفهم طيبين فصرت اروح معهم ف اي وقت مثلا صباح افطر معهم اجلس للغدا واروح عصر ومرات حتى اتعشى معهم واساعدهم ف الشغل والطبخ وماخذة راحتي فمع الوقت صاروا ف كلامهم ما يحاسبوا مرات يغلطوا عليي ع اساس ما افهم،،، ورديت ع نصايح اختي والله الحين يحترموني ويعاملوني مثل الضيوف ولما يجوا معي اعاملهم مثل الضيوف " زوجك لا ترضي لما يقدم لك شي تمشاية حال اطلبي اللي تحسيه يرضيك لا تسمحي له يغلط عليك ولو مزح وخاصة مع اهله ،لا تعطيه فلوس ولو كان ف عز حاجته يدبر اموره، شهريا لازم يعطيك مصروف لا ترفضي وتستحي لما يعطيك لانه بيتعود ما يعطيك ،لا تركضي وراه ابدا ولا تحسسيه ابدا ابدا انك ميتة فيه ولا تقدري تعيشي دونه، خليه محتار ما يعرف انتي تحبيه او لا"... كذا سويت والحمد لله توقعت اني راح اكون دفشة معه بس بالعكس والله طلع صحيح ما ينفع غير كذا تتعاملي