السلام عليكم بنات
حبيت بس افضفض لانه حاسه شوي وانجن او يصير فيني شيء .. محتاجه احد يهون علي او يقولي شسوي او يعطيني نصيحه والله تعبت من برود زوجي معاي الله يسلمكم انا الحمدلله ولدت قبل شهر وانا بچر ولدت بعملية بسبب وضع الجنين المهم الحين بكمل شهر بالنفاس وزوجي ماجاني ولا طل علي الا ثلاث مرات ويقعد اقل من ١٠ دقايق ويروح جنه مقروص !! قلت يمكن ينحرج من اهلي بس تعبت وانا اطوف له وابرر موقفه ابيه يجي يقابلني خصوصاً فترة النفاس تحوشنا ضيقه واكتئاب لا نطلع ولا نروح اوكي انا بالطقاق بس معقوله مايشتاق لضناه والمصيبه هذا اول طفل لنا والله كاسره خاطري بنتي محد مهتم فيها غيري
واصلا بالثلاث مرات اللي جاني فيها مرتين عشان ياخذني للمستشفى يشوف الدكتور مكان جرح العملية ومره عشان يجيب حليب للبيبي يعني يجيني لسبب مو رغبه منه!!!
بنااااات انتو نفسي جذي رياجيلكم يعني وضعي طبيعي ولا شنووو؟ ومشكلتي ما احب اعاتب وليش ماتجينا وليش ماتطل علينا ابيه يجي من نفسه مو يجي لاني احن عليهه حتى امي وخواتي مصدومات ليش مايجيج وترى ماوقفت عالجيه بس ! حتى مكالمات مايدق علي بس يسال واتساب شلونكم وصوري البنوته يعني مهتم والله كرهته
يعني موضوعي تشوفونه سخيف ولامن حقي ازعل عليه مرات احاول انسى واقول خلاص مولازم يجي بس اهلي يزيدونها علي ويقولون فلانه يوم نفاس زوجها ياخذها مطعم وعلانه يوم نفاس زوجها مايفارقها لين كرهوني فيه حتى احسه مايحبني وكلامه قبل كله جذب بجذب لانه هالفتره بينت لي شكثر انا مو مهمه بالنسبه له 😞
العضوة: 130381 , منذ 7 سنوات
بعض الرجال يقرف من المرأه لمى تكون نفاس يمكن هو من هذا النوع بس مايبغا يقلك عشان لايجرح مشاعرك وعلى فكره بعضهم يكون بعد قرفان حتى من البيبي فلتمسي له العذر ولاتوسوسين استمتعي بالامومه وداومي على الاذكار وريحي بالكالعضوة: 99220 , منذ 7 سنوات
انا في نظري ارجعي لبتك خلاص غتكوني صحيتي الان يمكن زوجك منزعج لانك في بيت اهلك لان الرجال كمان بيحسو بالغيرة لان دايما بتكوني معاه ولما ولدتي تركتيه ويفكر بلي بنتك اخدتك عنو الرجالة متل الصبي لازم تعتني فيه ارجعي لبيتك وحاولي تحبيبيه فبتنكالعضوة: 104333 , منذ 7 سنوات
@user-130689 عادي لاتفكري في كتير رجال مابتعرف تتصرف او تتلبك وخصوصا اول طفل انا زوجي مابخاف يقرب عالطفل قبل مايصير 3 اشهر عمره كنت فكره مو مبسوط بس بعدين عرفت انه بخاف يئذي البيبي ازا شاله وبالنسبه الي كمان نفس شي بخاف انضر منه او اتدايق يعني بجوز كون نعسانه تعبانه مايقرب صوبي أبدا بس انتي ليش عند اهلك ليش ما قعدتي ببيتك احسن الك ولزوجك ولراسك محد بيستجر يحكي كلمه وبعدين شهر كافي ضلي عند اهلك خلاص ارجعي على بيتك وخدي راحتك وزوجك بضل جنبكالعضوة: 120244 , منذ 7 سنوات
طيب انتي اتصلي عليه وقولي له اشتقت لك وكذا تعال اجلس معاي اشتقت اضمك وادلع عليك هههههه يعني حركات الحريمالعضوة: 102959 , منذ 7 سنوات
الوحده فينا اكثر وقت تحب زوجها معها هالوقت لان نكون كثير حساسات ويصير عدنه اكتئاب بس الرياجيل مايفهمون وتره كلهم نفس الشي وقت النفاس يبتعدون اني باول طفل بنفس البيت ومايدخل الغرفه ولايسأل لان امه مانعته لان فيه رشح وبعدته عني وين رجعتيني للان من اذكر احس هالشي ال حين صار بس ادعي من ربك يهديه لان دعائك مستجابالعضوة: 107310 , منذ 7 سنوات
ياعمري يمكن يستحي يجي ببيت اهلك ترى اكثر الرجال يستحون والله انا زوجي مايدخل بيت اهلي الا لو أبوي دخله بس اما لما اخوي او انا نقول له مايرضى انتي حاولي قولي له تعال عالعشاء او زي ماقالو لك خليه يشتري حلا ونتي سوي القهوه قربيه من بنته عالاقل الله يوفقكم ويسعدكم ويجعل بينكم موده ورحمه ويكفيكم شر كل ذي شر الله يسخر لك زوجك يارب ويحببه فيكي ♥️♥️العضوة: 97409 , منذ 7 سنوات
@user-130689 حبيبتي نصيحه من اخت لك لاتقسي على زوجك ولاتشيلي بقلبك بعض الازواج على نياتهم مايعرفون كيف يتصرفون معك لازم انتي اللي تطلبين تلاقين قلبه محروق عليك ومشتاقلك بس مايعرف كيف يتصرف انا عن نفسي ....كنت انادي زوجي كل دقيقه مثلا ارسله واقول مارح اكل لين تجي تأكلني بيدك او اقول اشتقتلك بس الحمدلله جبت طفل منك اشم ريحتك كل ماحضنته الولاده الثانيه وفر علي وصار هو يجي بدون ماارسله 👍🏻العضوة: 107310 , منذ 7 سنوات
@user-97409 ماشاء الله تبارك الله 👍🏼👍🏼العضوة: 101435 , منذ 7 سنوات
طيب قولي له انتكيت من الحبسه واطلعي معاه مطعم غيري جو الدعوا ساعه دامك كملتي شهر وخلي بنتك عن اهلكالعضوة: 128887 , منذ 7 سنوات
اول شي الحمدلله ع سلامتك انتي والبنوته يا اختي لا تفكرين كثير لانك بالنفاس عشان لايجيك اكتئاب وبعدين مو انتي الوحيده اللي بالنفاس هيك ترا كل الرجاجيل هيك اوقات يتصرفو كذا عشان يبيك ترتاحي وانتي بالنفاس ومايحب يضايقك وبعض الرجال مايعرفو يعبرو عن احاسيسهم ويضلو ساكتين وانتي فكرتي انو مطنشك او مايبي شوفتك الحين ماتفكري وتشغلي نفسك بأوهام وتتعبي حالك المفروض تفكري كيف تغيري من نفسك وتهتمي بحالك وبالبنوته وخلي اهتمامك بنفسك اولى بالنفاس عشان يشوفك زوجك وانتي بعد النفاس متغيره ومحلوة وماعليك من كلام الناس وكل شخص له حياته الخاصه وانتي لك حياتك واشغلي نفسك عشان تسعدي نفسك وتغيري نفسك للاحسن عشان صحتك وتخرجي من النفاس وانتي احسن من قبل وما انصحك بالتطنيش ولازم تعبرين احساسك ومشاعرك تجاه زوجك ومو غلط اذا سألتيه او بديتي انتي بالسؤال عنه وقلتيله انك مشتاقتله او حنيتي له لان بعض الرجال مع التطنيش يزيدهم سوء ومارح يفهم لا يوسوسلك الشيطان وتخربي بيتك وحياتك عشان كلام الناس ودلعي زوجك ورح تكسبين اجر وبادليه بالمعامله الطيبه والكلام الحلو ومانتي خسرانه شي نصيحتي لك لأني اتمنالك الخيرالعضوة: 116773 , منذ 7 سنوات
انا نفسك حالتك بكريه بس للحين ماولدت ويقولي تراء ف الاربعين مو جايك وزايرك استحي من ابوك وانا اهلي ف منطقه تبعد ٣٠٠ كيلو وانا سكتت لاني صراحه مابيه يزورني احس وقت النفاس بكون تعبانه ومرهقه وشكلي مبهذلالعضوة: 113059 , منذ 7 سنوات
@user-128281 على فكره مايكون عارف كيف تعب الحمل مو انه ماحاب يسأل مابيعرف الا لما يكون جمبك ومعاكيالعضوة: 128681 , منذ 7 سنوات
@user-110069 👌🏼العضوة: 128900 , منذ 7 سنوات
السلام وعليكم بنات نصيحه لوجه لله تعالي لكل اخت عدهه مشكله مع زوجها احب اكوللهه المحنه والشده من الله امتحان للمؤمن المبتلى لاتشكين لبشر غير لله ولاتفضحين كل اسراركم الزوجيه ع اي موقع ادعيله بظهر الغيب وحاولي تكسبي قدر الامكان تره الزوجه مالهه سند بالدنيه غير زوجها محد دائم لها لا الاهل ولا الصديقه ولا اي مخلوق بهذا الكون وماعليج غير الصبر وطاعه الزوج والله سبحانه وتعالى موصي بهذا الشي ثقي بالله راح تتوفقين وتتحسن علاقتكم تدريجيا بإذن الواحد الاحد اما بالنسبه لبقيه البنات هسه قريت تعليقاتهم السلبيه والله يابنات حرام عليكم اولا بهذا كلامكم يعتبر تخرب علاقه زوجيه للطرف المقابل بصوره غير مباشره او بدون قصد او حتى بمعنى اذيه الشخص ع سبيل المثال يا زوجج خائن راقبي تليفونه او مثلا لتبقين عنده او مثلا لو زوجي هيج اموته تعرفون بنات راح يتأثر المقابل ويتحرض وتتعب نفسيه بسبب بعض التعليقات وبتالي كله هذا ذنب عد رب العالمين لان اذا ماينهجم دارهه وتخرب علاقتكم والى الاسوء راح اقل شي تنقهر وتبجي وخطيه حرام اغلب البنات بعدهم نفسه جايبه جديد او عدهه اطفال ومعاناه او ممكن ماعدهه او ممكن تتحرض بسرعه وتخرب علاقتهه مع زوجهه ونفسيا تتعب فهذا الشي باطل وربنا سميع عليم مافي الصدور بالتالي هم يعلق سلبيا اكيد هو بشده والله راح يعابي بدنيه ويدخله بمئزق ممكن تطلع بلي بطنج وممكن باولادج وممكن بعلاقتكم الزوجيه وباهلكم الي عدهه مشكله تشكي لربهه والي تجي هنا وتشكي ادعولهه بالخير والصلاح واوكفو جنبهه لاتسون انفسجن مع ازواجكم جاك وروز الزوج مهما كانت عيوبه مالنه غيره ومايصير نباوع ع عيوبه فقط والجانب السلبي لازم نباوع ع الجانب الايجابي عنده وصدكوني اذا صبرتي وفكرتي بزوجج ربج راح يوفقج مالنه غيره وكل العلاقات اله تصير بيهه مشاكل وحتى البنات لخاطر لبطنكم واولادكم وبيوتكم وازواجكم تره ربج بالمرصاد خلي تعليقاتهم ماتأثر ع بنات من الناحيه النفسيه والزوجيه الصديقه الصحيحه تواسي وتنصح مو تكسر كل معنوياتهه اتمنى تكررون قراءه رسالتي خص نص وتفهمون مااقوله وماقصدتهه مودتي وتقديري اختكم ام روااااااااانه 😘العضوة: 130736 , منذ 7 سنوات
احمدي. ربك انا اخس منك جبت بنتي ماجاني والحين حامل وكل يوم مشاكل مايهتم فيني ولا ف حملي واسلوبه زفت كرهته من كثر ما قوله غير اسلوبه واهتم والحين افكر ف الطلاق بس احس بنتي بتضيع وانا حامل والتفكير مرهه ذابحني مدري ايش اسوي غير ابكي