العضوة: 1370897 , 1 hour ago

@user-2111921 تعيشي حبيبة قلبي ويحميلك عيلتك يارب اي والله لو بإيدي لآخد كلشي معي بالنسبة لالهن المعيشة غالية ونزلتي رح تكون اسبوعين الله يقدرني ومانقص عليهن شي بس مشكلتي العيلة كبيرة وحسيت الهدايا اللي بعتتهن مع زوجي قليل حابة اخدلهن شي مو موجود هناك او شي غالي عليهن هناك عرفتي متل الجاكيتات هون عنا سميكة ومطرية الاخت ذكرتني بهالشي ماعارفة شو اخد معهن كمان او شوفي اقتراحات لان مابعرف هنة بحاجة شو لمن اسألهن بيحكوا مو ناقصنا غير شوفتك طيب انا شو معرفني🤭بحيروني بزيادة

العضوة: 2126775 , 1 hour ago

@user-1370897 عسوريا؟؟؟ بتنزلي لعندي ها هدايا برأيي نزلي من هون بتشتري في كلشي واسعار كويسي احسن ماتشيلي معك

العضوة: 1370897 , 1 hour ago

@user-1799594 تعيشي ياعمري ويحفظلك عيلتك ويحميلك ياهن يارب🤲❤الله يكملها معي على خير يارب🤲

العضوة: 1370897 , 1 hour ago

@user-2126775 ياريت ياروحي انتي كمان قربي كم محافظة لقدام وشدي حالك عالشام 🤭اي والله صراحة هيك عم يحكيلي جوزي من هناك بنجبلهن كلشي بس في شغلات هون منيحة متل الشوزات بدي اخدلن من هون مع الجاكيتات بس معي وزن منيح لازم اعبيه بكلشي بس مو عارفة شو ابلش من فرحتي مو مصدقة😍الله يطعمها لكل مغترب يارب 🤲

العضوة: 2126775 , 1 hour ago

@user-1370897 اخواتك بالشام يعني بعيدددد ،🥹🥹🥹 كان التقينا والله والله ياقلبي عنا كلشي موديلات اشكال والوان واذا متل ماقلتي جاكيتات وسوزات ترا في عنا كلشي بس اسعار نار عنا اذا عندكم ارخص اي مابتقصري

العضوة: 1370897 , 1 hour ago

@user-2126775 اي والله اخواتي بالشام بأماكن متفرقة وبدي اكيد روح زورهن لاني حجزت فندق لمدة اسبوعين لا والله عنا غالي مو رخيص بس ماركة سميكة ودافية ومرة اختي نزلت اخدت معها لهلئ بيحكوا فيهن انو دافين بس صراحة ماني عارفة شي بحير ومابدي احكيلهن نازلة حجزت بدون ماخبر حدا ولابدي خبر مشان مايروحوا عالمطار ويتكلفوا وهالقصص كل واحد الله يعينو عحالو ومافي حدا هناك من طرف جوزي غير بنت حمايي باخدلها متل اخواتي بس لقرر شو جبلهن ازا بضل هيك رح افضح حالي وخبرهن مشان اعرف شو بدهن😂😂تعي خبرك ابني فات الحمام ومشي الحال طاير عقلو رافض الحفوضة تماما" وجبتلو مطبخ لعبة مكافأة بقلي حاج تنقي بس بدي فوت عالحمام بخبرك انا 😂😂عقبال عند ولادك يارب😍

العضوة: 2126775 , 1 hour ago

@user-1370897 ياسلاااام لا لاتفضحي حالك خليا مفاجأه احلى لوقت بتوصلي خبريهم تمنيت شوفك والله اي بقلك الجاكيتات الاوربيه غير ماعنا منها وكمان المكياجات وهيك قصص بتعرفي شو مااخدتي رح يحبوه ويفرحو عليه نحنا هون عنجد الفقر قتل العباد ياعيني ماشالله الف الحمدلله انشالله عقبال ولادي يارب اللع يحميلك اياه يارب

العضوة: 1370897 , 1 hour ago

@user-2126775 يا الله شو متمنية شوفك وازا صحلي اطلع ووصلت لهناك والله لاكتبلك وشوفك ان شاء الله اي والله انا صحتلي النزلة بس كل مرة اتحجج مابدي شوف الوضع لان عنجد رح انصدم وهي اول نزلة الي بعد وفاة امي رح تكون من اصعب المواقف بس الحمد لله عكل حال المهم شوفهن بخير وبيني وبينك النزلة مخصصة لولادي ورجيهن وين خلقو وعاشوا وبلدهن للاسف حتى ٣ عندي مابيعرفو اخواتي غير عالكاميرا خليهن ينزلوا ويشوفوا انو الهن حدا مو عايشين وحيدين هون قلبي واجعني عليهن والله وبنغير جو هالاسبوعين الله يكتبلنا ياها يارب 🤲 ويحفظلك ولادك يارب من فرحتنا البيت كلو خليتو يزقفلو 😂😂شجعناه طار عقلو نفشناه بطل بدو حفوضة نهائي

العضوة: 2126775 , 59 minutes ago

@user-1370897 اي امانه اذا صحلك لاتترددي وابعتيلي بركي نلتقى ياسلام الله بديم الجمعات يارب اي معك حق خلي ولادك يعرفو لوين بينتمو ويشوفو اهلن وناسن واللع يصبرك الموقف صعب كتير بس يلا شوفة اخواتك انشالله تعوضك ياقلبي هي الدنيا

العضوة: 1370897 , 44 minutes ago

@user-2126775 اي والله ان شاء الله ازا قدرت اوصل لعندك مارح قصر بإذن لله انتي غالية عليي الله يجبر بخاطرك ويحفظلك عيلتك ويريح بالك يارب🤲❤ اي والله هي حال الدنيا الله يرحمنا جميع اي والله انا مبسوطة لان ولادي اول مرة رح يسافروا هون كلو مدارس وبرد ومافي عطلة طويلة وروتين قلبي بيوجعني عليهن بس يارب تتيسر بحسنتهن اهم شي 🤲

العضوة: 2335140 , 38 minutes ago

اسمعي ازا انتي بالمانيا خدي معك شوكلاتة وبسسسس ولباقي شتريه من سوريا قبل ماتوصلي بس لشوكلاتة الالمانية لذيذة لذييييذذذةةة🥴🫠

العضوة: 1370897 , 30 minutes ago

@user-2335140 اي هي اجباري لان لما بعتت المرة الماضية عجبتهن كتيررر رح اخد معي كمية ووزعها بالباكاج مع لولاد يارب ما تدووب 🤕

العضوة: 2111921 , 30 minutes ago

@user-1370897 الله يفرح قلبك وإن شاءالله زياره سعيده الك وللولاد الولاد راح ينبسطو كتير مع ولاد اخواتك بس حاولي ما كتير تتعلقي بسوريا واجوائها منشان لرجعتي على ألمانيا ما تكتأبي🥲🥲 وتصيري تنغي على رجعة سوريا

العضوة: 2111921 , 27 minutes ago

@user-1370897 انتي الشوكولا غلفيها بكيس ثاني وحاولي تحطيها بالفريزه قبل بيوم إن شاءالله ما تذوب

العضوة: 1370897 , 19 minutes ago

@user-2111921 اللهم امين الله يجبر بخاطرك يارب اي والله قولتك انا واقفة على نكشة وبدي دفشة للرجعة بس مافيني ولادي مابيعرفوا عربي وهاد اكبر سبب لغتهن ألمانية ولغات تانية وقولي ايمتى مابدي بنزل بس يكون عطلة بس استقرار مابقدر على هوا الوضع صعب صعب الله يعين العالم هناك ومشان الشوكولا بكون الطقس بارد هون احنا بلش الخريف اصلا" 😂الصيف عنا شهر ٧ و٨ بس بس هناك الجو حلو بضل اهون من هون