السلام عليكم ورحمة الله وبركاته كيفكم بنات ان شاء الله ب صحه كويسه انا امس كان اول اجهاض لي والحمدلله ع كل حال . . بس بعطيكم اللي صار معاي لاني حاسه ب كل وحده بتسوي اجهاض وخايفه وتبحث بالمواضيع وتبي تطمن قلبها انا بطمنك ان شاء الله .. انا لي تقريبًا شهرين حامل ب كيس وفيه طفل موقف نومه والكيس قاعد يكبر ولي اسبوعين احاول اطيحه بالاعشاب ولا نفع ابددددًا بس نزل دم ع الفاضي والرحم مقفل تمامًا ف خلاص يأست و رحت للمستشفى الحكومي وطلبت تنويم ع طول ما ابغا موعد وانتظر الموعد هذا واقعد اسبوع فاضيه!! وكان اول مره اسوي فحص داخلي ب اليد وكنت خاااايفه ومرتبكه 😭😭 لان اول طفل لي كان قيصري ف ما جربت الفحص طلع جددددًا عادي 🙂 صح في الم خفييييف بس الوحده تقدر تتحمل وتصبر مالكم بالطويله حطوا فيني 6 تحاميل كل 6 ساعات يحطون فيني تحميلتين ولا صار شيء لا وجع ولا تقلصات ماغير الدم يزيد والرحم لسى مقفل وصرت ارفض التحاميل لان ما اشوف فيهم نفع لحالتي جاني دكتور ويقنعني انو التحاميل اللي بيحطها فيني ما يجي العصر الا والرحم فاتح قلت غير هالنوع ؟ قال ايه بس هي شويه فيها الم قلت ما يخالف اهم شيء اخللللص واسم التحاميل *سايتوتك* حط ف رحمي حبتين وتحت لساني حبتين وبدت المغوص بعدها ب 5 دقايق مفعوله مره قوي 😍 وقالي لا تقومين من مكانك الا بعد ساعتين حتى ما تطيح التحاميل واللي تحت لساني ذابت وشربت مويه وراحت والالم مرررره تتحملونه مثل الدوره بس على اقوى حبتين قالت الممرضه اذا تبين مسكن صوتيلي بس ما طلبت لانه مو ذاك الوجع وحابه اصبر واحتسبه للاجر ‏♡ ومع كل مغصه ينزل دم وفرررحت اخيرًا فتح رحمي 😭😍 وانادي الممرضه قالت اشوف كمية الدم وشافته قالت اتوقع الرحم فتح بنادي الدكتوره المناوبه تكشف ع رحمك فتح ولا لا قلت طيب انا طقيييت ابي الحمام تكرمون قالت روحي وانا ادخل وهي تنزل قطعة دم كبيييره قد الليمونه 😯 وينزل دم نقط نقط مايوقف وقلت للممرضه قالت نززيف وهي تخرعني 😭 وقعدت اصيح وارتفع عندي الضغط وقعدت تهديني وهي تجي الدكتوره بسرعه وتكشف قالت اهوه وتطلع يدها الا ماسكه الكيس 😭😭😭 لونه بنفسجي وكله عروق 😫 وانا خايفه اول مره اشوف دم هالكثر وجاني توتر 😂 قالت الدكتوره عادي هذا دم محشور شوفي من إمتى ف اكيد بينزل كله ف ما تخافي ماتدري ان ممرضتها خرعتني :) وحطولي مغذي فيه زي نسبة التحاميل بس ع اخف عشان ينظف الباقي .. وتجي مغوص زي الدوره بالضبط وبعد كل مغصه ينزل دم وبعدين قوموني لسونار وانا امشي يخخخر دم والوضع ايزي هههههه! وسويت قالوا لسى ما نظف الرحم ، ع التناظيف وانا استااانست اخيرًا تناظيف واخلص 😍😭 والحمدلله كنت وقتها مو ماكله شيء ودخلوني ع طول ودخلت غرفة العمليه والحمدلله مافي توتر ولا شيء لان بس افكر متى اخلص واطلع لبيتي واهلي😍 من دخلت الغرفه ، 3 دقايق الا انا مخدره كليًا مرت 15 د وصحوني الا انا ب غرفه ثانيه ولا وجع ولا شيء 💕 وحطولي مغذي مضاد واشياء ثانيه مدري وش ولما خلصت نزلت لبس العمليه وغسلت جسمي وتنظفت لان في دم ما نظفوه لي 🙂 وتعطرت ولبست ونمت يمكن ساعه ولما قمت صداع والم خفيف ب ضلوع صدري ورقبتي وفمي من تحت منتفخ شوي قالوا هذا كله من التخدير والحمدلله ارتحت وطلبت خروج لان الحمدلله مافيني الا العافيه وبعدها ب 4 ساعات طلعت 😩❤️ وهذي قصتي مع الاجهاض اللي الكل خايف منها ويهولونها كأنها فعلاً ولاده وهي ولا شيء عند الولاده مع اني ما جربت الطبيعي 😅😂 اهم شيء توكلي ع الله وامورك ماااشيه ❤️ وربي يعوضك ويعوضني يارب ❤️