حبيت اقولكم قصة ولادتي .. الحمد لله ولدت امس كان لي كم يوم بالأسبوع ال٤٠ مختفي الطلق تماما،،، قرأت سور وآيات وادعية بماء وشربتها الفجر وبدأت تجيني آلام الفجر مثل الدورة وكنت اتجاهلها واروح كل شوي الحمام مافيني شي .. بآخر مرة رحت الحمام الساعة ٧:٢٣ لقيت السدادة نزلت بالمرحاض قطعة دم غامقة جدا بدلت و رحت المستشفى واكلت تمر بطريقي وواصلت شرب الماي نفسه وصلت المستشفى متوسعة ٤ سم الطلق غير منتظم .. بالبداية كان كل ٤ دقايق وبعدها كل ٧ وبعدها كل ١٠ وهذا شي غريب فعلا كان ان يتباعد الوقت بدل ما يقصر بعدها بساعتين صرت ٦ سم .. ودوني غرفة الولادة وطلقي مو منتظم مرات طلقة مؤلمة حدها ومرات لا ومرات منتظمة بالوقت ومرات لا .. كان يجيني ألم الطلق بظهري و بطني والمستشفى حكومي يجبروني اولد على ظهري بالسرير و تعبتهم وانا أرفض القسطرة لإخراج البول وان ابي الحمام وقمت بين الطلقات للحمام و لا اراديا نزل مني خروج .. المهم ان بقيت من الصبح لين ٥ المغرب بدون شعور بالدفع حتى لما وصل التوسع ١٠ سم .. وصلت لمرحلة ان دخت فعلا وهلكت وما يجيني رغبة بالدفع اساسا و الجنين من اول ما وصلت المستشفى لين التوسع ١٠ سم و البيبي نبضه ضعيف والاكسجين .. قالوا بيجهزون غرفة القيصرية وانا كنت من الألم نايمة على جنبي اليسار وماسكة يد السرير.. قلت خليني احاول ادفع وانا رافعة رجلي فاتحتها بدون شعور بالدفع.. ودفعت قرابة ٣ دفعات خلال ٤٠ ثانية و فجأة طلع البيبي ! و قصوا لي العجان و صادني تشققات.. محد كان مستعد ان بيطلع راس البيبي ولا المكان جاهز وانصدموا ان طلع البيبي بدون شعور دفع و طلع البيبي كان لونه اسود وبنفسجي بسبب نقص الأكسجين و تبرز بداخلي بسبب الإجهاد.. وخيطوني مدة ساعة تقريبا بسبب كمية التشققات .. بعدها طلعوا المشيمة.. وخلوني لفترة وتالي رحت الحمام ابول بس ما كان فيني الا قليل.. ورجعت السرير لقيتني اصب دم بكميات غزيرة تنزل من السرير من غزارتها .. طلع عندي نزيف و جو يدخلون ايدهم و يفتحون العنق و ينفجر مني مثل البركان دم وقطع دم وتنتشر بالمكان وهكذا لمدة ساعة وصرخت لين عورني حلقي.. الالم اسوء من الولادة نفسها ..كان حواليني قرابة ٢٠ موظفة .. وحدة تحط حبة تحت لساني و وحدة سيلان باليدين و الثانية تضربني أبر بفخودي و البعض يشوف الالتراساوند ببطني و الانفجار تحت ينتشر بالمكان كله قطع دم و نزفت ٢ لتر و تالي فقدت الوعي وحطو لي دم.. صرت اهون حاليا الحمد لله ..و جبت احلى بنوتة سميتها خولة اكتب ليكم القصة وانا لازلت حاليا بغرفة الولادة من امس .. لا تنسوني من الدعاء