السلام عليكم ولدت الحمدلله قبل اسبوع في قوى الامن الرياض ولادة قيصرية ال 2 وبكتب تجربتي بحكم مالقيت تجارب قبل الولادة عن القيصرية عندهم اول شي تنومت قبل العملية ب يوم كان يوم الاربعاء واخذو تحاليل وصوموني الساعه 11 الليل وكانت العمليه الخميس الظهر + بيوم التنويم طلبو 2 يتبرعون لي بالدم قبل التنويم ولا ماينومون بدون متبرعين وهذا الشيء مزعج لان ما ارسلو الا فجر يوم التنويم اخذت بنج نصفي كانت تجربة النصفي افضل بكثير من الكلي بالنسبة لي، طاقم التمريض بغرفة العمليات كانو حنونات ومبتسمات طول الوقت الحمدلله ♥️ وطبيب التخدير كان جدا كويس ويطمن والابرة كانت خفيفه الحمدلله ولدني دكتور عبدالله بوجود الاستشاري هثيم بدر والخياطة كانت دبابيس، طلعت الغرفة بعد نص ساعه من العملية بدون مضاعفات الحمدلله واعطوني ابرة مسكنه بالعمليات قبل اطلع بعد 4 ساعات من العملية جاتني مضاعفات من البنج واستفرغت بس الحمدلله مره وحده وانتهت ع مدار اليوم الممرضات يجون يشيكون ومحلول المسكن باليد طبعا بس طلبت ابره اخر الليل ماتحملت الالم، جات ممرضه ع 11 كذا وخلتني اقوم عشان اتروش كانت القومه صعبه وبررد من بعد البنج بس اخذت الشور ورجعت ارتاح الجمعه كان الوضع اخف شوي والالم مستمر بس ماعطوني مسكن الا بالطلب وكانت كبسولات ماعطوني ابر ف اضطريت اني اتحرك شوي عشان اخفف الالم والغازات وفعلا كل مامشيت كل ماخف الالم الحمدلله السبت الظهر كان خروجي الحمدلله بشكل عام الممرضات كويسين ويساعدونك ويحنون عليك الملابس كل الايام كانت من عندهم مالبست ولا شي من اللي جبته + الفوط الصحيه موفرينها بعد البيبي عندهم وملابسه وحفاضات وحليب من عندهم ماعطيتهم ملابس الا وقت الخروج بس جابو البيبي اول يوم نص ساعه وثاني يوم 3 مرات تقريبا كل مره نص ساعة او ساعة واليوم الثالث اللي هو يوم الخروج جابوه من الصباح للظهر بعدين اخذوه وبعد لاحظت ان الدبابيس اخف من الخياطه من ناحية الالم والحركة لان الحمدلله الوضع بعد العملية اسهل من عمليتي الاولى اللي كانت خياطه تجميلي وبس اذا فيه اي استفسارات اسألوني ☝🏻