السلام عليكم بنقل لكم تجربتي وسبب ولادتي المبكرة انا حامل وأتابع أول بأول الى ان دخلت الشهر السادس وكان فحوصاتي كويسه بعدها بأسبوع نزلت علي افرازات مائيه وشفافه ولا يوجد ألم كل مااتحرك أحسها تنزل جلست يوم قلت اذا بكرة خفت ولا اروح المستشفى صحيت من بكرة ولا خفت رحت الطوارئ قالوا بناخذ مسحه للمهبل ومسحه للمويه نشوف اذا موية البيبي او لا ثواني وطلعت انها موية البيبي قالوا اشعة عشان نشوف عنق الرحم وصار مفتوح قالوا بنعطيك أبرة الرئه واخذت تحاليل وتنومت للمراقبه لما توقف وكان طالبين راحه تامه .. بعدها بأيام الموية وقفت بس الافرازات زادت ونزل معي دم وفتح ٤ سنتي وانا مافيني طلق وكنت وقتها الاسبوع ٢٤ وبعدها رجعت غرفة خاصه وقالوا راحه ماتقومين من السرير كانت أيام صعبه وانتظار وخوف بس كلها دعاء لرب العالمين اني ابقى بخير والبيبي بخير وطلعت نتائج التحاليل ان عندي التهاب بول وبكتيريا ومشيت ع المضاد بالوريد وادويه استقر وضعي اسبوع ونص بالاسبوع ٢٦ بعدها عملوا اشعة صار الرحم وصل ٦ سنتي والبيبي فوق قالوا خلاص عمليه قيصريه لان البيبي نازل ومايصير تطلع المشيمه او البيبي برجوله ودخلت العمليات والحمدلله عدت على خير وولدت بنتي ونقلوها للعنايه ويارب يفرحني بصحتها وعافيتها .. نقلت لكم سالفتي احرصوا على تحاليل للالتهابات لانها بتعمل ولادة مبكرة .. أسفه على الاطاله .. دعواتكم لبنتي تطلع بالسلامه 🌹