تجربتي ان شاء الله الكل يستفيد منها كانت مدت الولاده الاولى عن التانيه سنة وخمس شهور لما وصلت ل نص التاسع وماكان عندي اي بوادر ولاده حددولي موعد للعمليه اول يوم بلاسبوع ال39 وافقت بس انا كان نفسي اجرب الطبيعي رحت لدكتورتي وطلبت منها تحطلي ابعد موعد ممكن لاني حابة اجرب الطبيعي خلتني للاسبوع الاربعين وكل اسبوع عندي مراجعه وطلبت منها اي شي بساعد اني اخلف طبيعي رفضت لاني الوقت بين الولادتين أقل من سنتين مابصير اجرب اي اشي لأن بصير خطر ع الرحم توكلت الله وضليت اكل تمر واتمشى واكل أناناس وفي فاكهة البابايا اكلت هيك اشياء بس وكنت اشرب يانسون اعشاب واحلي كتير هلاء البيبي راسة متجه ع الرحم يعني جاهز للولاده الطبيعيه من الشهر السابع هاي اهم اشي أن يكون راس البيبي متجه لتحت هوه أنا قبل موعد العملية بيوم جربت احط معلقة بس من زيت الخروع ع كاسة ميرانده بس معلقه صغيره ونمت صحيت الفجر الله يعزك بدي روح ع الحمام لقيت نازل علي افرازات مخاطيه وفيها دم هاي هيه السداده بعد ماشفتها صار معي طلق خفيف محتملا خلصت جهزت اموري صارت الساعه ستة انتظم عندي الطلق كل 4 دقائق للعصر بعدين انتظم ع دقيقتين وانا رايحه جاي ع المشفى اخر شي بعد بيوم الفجر ماكنت قادرة اتحمل الوجع رحنا ع المشفى الفجر كان فاتح الرحم عندي 4 سم ودخلوني ولاده ضليت من الفجر لل 11 الضهر وانا طلقي كل دقيقه مافي راحه هوه همه م بتدخلو ابدا لازم أولد لحالي لا بحطولي طلق صناعي ولا شي مابيقدرو مشان م ينفجر الرحم صارت الساعه 11:30 خلو زوجي يوقع ع ورقه انو للساعه 12:00 ماولدت رح يدخلوني قيصريه لانو الرحم مقابل يزيد عن 4سم ع ال11:40 صار التوسع 10سم وولدت الحمدلله الله يسرها علي باخر لحظه الحمدلله رب العالمين وشرف حبيبي سلطان وانا خلاء حامل بالشهر السادس الله يسهل علي ماتبقى من حملي وولادتي يارب