الحمدالله ولدت و بخليها كمدونه لي افتكر تفاصيل هاليوم انا ولدت في تاريخ 12/05/2025 الرحم كان فاتح ١ سم و دخلوني المستشفى طلق صناعي جل السبب وزن البيبي و سكر الحمل ف اضطروا يدخلوني المستشفى عشان ما اتحول قيصريه و انا في الاسبوع 38 +4 قمنا انا وزوجي الصبح بعد صلاه الفجر و دعيت ان ربي يسهل هالولاده رغم اني كنت خايفه مع انها مو اول ولاده لي بالطلق الصناعي بس كنت حاسه بخوف دخلت المستشفى بالبدايه القابلات عذبوني بس عشان يركبولي المغذي ضربوا اربع ابر و ثبتوا على الاخيره كان شي مؤلم قلت بدايتها ما تبشر بالخير رجعوا فحصوا عنق الرحم بعده ١ سم عطوني دواء تفريغ و فرغت بعدها بدوا معاي الطلق الصناعي قالولي ياخذ وقت ٤ ساعات تقريبا قلتلهم انا قبل اخذته و الطلق بدأ معاي ف ساعتها قالوا مستحيل ، عطتني الطلق و راحت رجعت بعد نص ساعه انا فيني طلق قوي و قالت ما توقعت ماشاء الله مشيت و تحركت شوي علو و ع عسى الرحم يفتح لكن كل ما يفحصون الرحم ١ و سميك و الراس عالي قالوا مستحيل تولدين و الرحم بعده بس الطلق قوي ، فجأه اشوف كل مره احد يدخل و يقول اقل عن ٦٠ و يقعدون يشوفون كل خمس دقايق يدخلون و يقولون اقل عن ٦٠ و محد قالي ، جت دكتورتي اللي بتولدني قالت انتي كل ما تجيك طلقه قلب البيبي ينزل اقل عن ال ٦٠ ف خطر على البيبي تولدين طبيعي قلتلها خلاص تمام قيصريه قالت بعطيك وقت كانت الساعه ١٠ قالت برجعلك الساعه ١ اذا قلب البيبي مانزل و قعد ثابت بولدك طبيعي بس اذا في خطوره بولدك قيصري و وافقت فورا ، طول هالفتره انا احس بوجع يزيد علي و يجون القابلات يقولون مستحيل نعطيك ابره الظهر فاتح ١ سم و فعلا كل ما يجيكون يكون فاتح ١ اقولهم انا احس بكل شي عطوني الاكسجين الي استنشقه نفس المخدر و لا فاد معاي بالاخير قالولي بنعطيك ابره ف العضل و عطوني و لا فاد قلتلهم انا احس بكل شي بكل عوار كيف فاتح بس ١ قلتلها احس احتاج الحمام قالت خلينا نجيك كم فاتح جيكت فتح ٣-٤ قلت الحمدالله فرجت و اقدر اخذ ابره الظهر اخذت ابره الظهر و الصدمه الكبيره نبض البيبي نزل فجأه بشكل مخيف لدرجه ف نفس اللحظه حطت ايدها بعنق الرحم تصحيه و تدق راسه و تصحيه و قالت فاتح ٥ و ماخذت راي باي شي لاني اساسا فقدت الوعي تقريبا و الاكسجين عندي نزل بشكل مفاجأه انا و البيبي فجأه لا اكسجين و نبض ناقص ، فتحت ماء البيبي و طلعت يدها قلتلها انا ابا اسوي بش ما اقدر قالت كيف انتي ٥ بس قلتلها ابا اسوي بشش و اصرخ عليها قالت هدي و خليني اشوف مع ان من دقيقه كان 5 فجأه سبحان الله صار ١٠ ف اقل عن دقيقه و الكل تجمع ولاده و الدكتوره تركض على اساس بتدخلني قيصريه لان نبض البيبي نازل و انا الاكسجين عندي نازل ، و دخلت و ولدت الحمدالله طبيعي قالت الدكتوره انا جايه اولدك قيصريه فعلا رب العباد كتبلي عمر انا و البيبي احمد الله ان ربي نجانا الحمدالله و الله يدخل كل ام الجنه