طفشتكم هنا اكثر من اسبوع والحين جايه اقولكم اني ولدت الحمدلله بعد معاناه مايعلم فيها الا الله خلصت شهري وكتبوا لي تنويم طلق صناعي عشاني مو بكريه وولدت اول طبيعي وطلعت على مسؤوليتي ووصلت اسبوع ٤١+٤ بعدها بيوم رحت مستشفى خاص سويت سونار وتطمنت عالبيبي وفحصتني الرحم مقفل بس بعد الفحص بدا معي الم ونزل دم وافرازات توقعت السداده تقريباً سويته الساعه ١٠ الليل والصباح الساعه ١١ ونص بدا معي طلق تحملت للمغرب ورحت المستشفى كان واصل ٦ سانتي انتظرت ساعه تحت ووصلت فوق بعدها فتح اكثر الين وصل اعتقد ١٠ وجت مرحلة الدفع والله العظيم شفت الموت وكنت اترجاهم يرحموني ويحولوني عمليه ومارضوا حاولوا طبيعي بكل الطرق ومابقى دكتور ولا دكتوره مادخل يده وسحب وشفط البيبي اكثر من مره وضغطوا بطني الين ضلوعي الحين بتتكسر من الالم والجنين لسا مو راضي يطلع بعدها ضعف نبضه لمدة ٨ دقايق ووقتها خلاص حولوني عمليه على طول وماصحيت الا لما طلعت من الغرفه بعد ساعه تقريباً والحمدلله يارب على كل حال المهم طلعنا بخير انا والبيبي ودعواتكم لنا