‎بنات بقولكم لكم قصتي ولعلها تكون سبب باننا نقتنع بما كتبه ربي لنا قبل اتزوج كان نفسي اجيب بنت مره وبعد الزواج اكتشفت زوجي يبي بنت مره وده فبنت بحكم ان ما عنده خوات واهلي واخواني وامي كل عائلتنا اول ما عرفوا اني حامل قعدوا يقولون يارب ياكريم بنت مره محد كان يقول اللي يجي من الله حياه الله صرت اخاف اروح اسوي سونار ويطلع ولد بديت احس انه مو مرغوب ومحد يبيه ومحد بيتحمس اصلا مع انه اول حفيد لاهلي ومرت الاسابيع والاشهر اكتشفت انه ولد وكنت متردده اعلمهم بالبدايه زعلت وكنت دايم ‎ادعي اقول يارب يطلع غلط وتطلع بنت اعوذ بالله وساويس الشيطان وسكتت ما علمت احد وكل مره يسألون متحمسين يقولون بشري ان شاء الله بنت حتى زوجي ماقلت له خفت من ردة فعله مع انه اول طفل لنا والحمد لله انا راضيه تماماً بما رزقني فيه ربي سواء ولد او بنت هذا خير من ربي لكن كلامهم خلاني اجزع وما اقتنع اعوذ بالله مريت بفترة خوف كنت افكر فيهم ما افكر بنفسي ولا بالطفل اللي بداخلي فجأه بالشهر الخامس انتكست حالتي رحت اسوي سونار عادي مافيني الا كل خير فجأه طلع الرحم فاتح وعنق الرحم قصير قالوا خلاص انتي ولاده مبكره الجنين ماراح يعيش اصلا قعدت ابكي خفت افقده تعلقت فيه كنت كل موعد سونار اشوفه يتحرك بداخلي احس بحركته مابي اخسره ياربي اضطروا يسوون لي ربط طارئ واكتشفوا ان كيس الجنين على فتحة عنق الرحم قال الدكتور لازم نرفع الكيس وقت العمليه عشان نقدر نربط وفي احتمال ان الكيس ينفتح وتنزل المويه وكلت امري لله ودخلت العمليه وانا كلي خوووف اني اخسره استودعته ربي والحمدلله نجحت عمليتي وحالياً على مثبتات وابر وحبوب كثيره ورقابه شديده وممنوعه من الحركه وعرفوا ان اللي معي ولد محد فرح صح لكن انا الموقف هذا خلاني استوعب النعمه اللي انا فيها ومايهمني كلام احد ولا يهمني وش يبون محد بيعيش التعب اللي عشته ومحد بيشيل التعب عنك يارب اني راضيه اتم الرضاء الحمدلله دعواتكم ان حملي يستمر ويقر ربي عيني بشوفته سليم معافى يارب لاتنسوني من دعواتكم وبنات ارضو بكل شيء كاتبه ربي والله ان ربي مايكتب الا الخير سبحانه ❤️