من حوامل شهر 7️⃣ يوليو. اخر دورة كانت ٢١/٧. كان اللي حامل ٩ اشهر و ٥ ايام . كان عندي معاينة عند الدكتورة يوم الجمعة ٢/ابريل لما رحت عندها عملتلي فحص و كان فاتح الرحم اقل من ١ سم. و هذا طبيعي . بس اللي ما كان طبيعي انو البيبي ما عم يكبر و اقل من حجمو الطبيعي الدكتورة لاحظت هذا الشي من الفحص اللي بيعملو بلمتر عل بطن . هون الدكتورة حولتني عل سونار عشان تشوف شو المشكلة . اول شي عملولي تخطيط قلب و رجعو عملولي سونار و رجعو تخطيط قلب. تبين معهن انو المشكلة من المشيمة ما عم توصل منيح غذاء للبيبي. و قلولي لازم ظلي بالمستشفى تخلفي اليوم . انا صرت ابكي عشان ما كنت مجهزي كل التجهيزات و شنطة المشفى و انا بغربة و لحالي كان شي صعب. المهم دخلت الجمعة و قلولي رح نبلش بطلق الاصتناعي و بلشو في من ساعة ١٠ بليل . فتح الرحم شي ١ سم و نص. و قولي انشالله الولادة رح تكون بكرا السبت تقريبا الظهر . كنت موجوعة عل طلق بس كانو يحطولي مسكن و ارتاح شوي . اجى الصبح الرحم بس فاتح ٣ سم قلتلي الدكتورة بدك وقت كمان رح نقوي الطلق و انشالله المغرب بتكوني مولدة . قولي الطلق و المسكن بطل ياخد معي قلتلن بدي ابرة الظهر. حطولي ابرة الظهر ما بتوجع بس كنت خايفة كتير منها . بعد ساعة من ما حطوها حسيت شي غريب و كاني بموت حرارة قوية بلارجل . اجر احس فيها اجر لا . تورم و احمرار ع زراق شي غريب اللي صار معي باجري. صرت اصرخ و اجت المشفى كلها عليي و فكولي ابرة الظهر و بلشو مساج و تلج لاجري و انا كاني بغيبوبة . شي مرعب كان . المهم قلولي تحملي لكان الطلق من دون ابرة عل اغلب جسمك ما تقبل ابرة الظهر و منولدك من دونها قلتلهن ايه اي شي بس الابرة لا . قوولي الطلققق و الرحم ما عم يفتح فتح بس لل ٤ سم و وقف و يقو االطلقققق و انا اموتت و ما في اي تقدم الرحم متنح ما بدو يفتح اكتتر. الساعة ١١ بليل يوم السبت لل ساعة ٤ بليل ممصباح الاحد و انا اطلق بين الطلقة و الطلقة ٣ دقايق و الطلقة تلف من ظهري لخواصري لبطني و كل ما تجي الطلقة اصرخ من اعلى صوتييييي و احط ايدي افكر البيبي نزل . واجت الدكتورة فحصتني عل ساعةة اربعة و قلتلي اسفة الرحم بعدو بس ٤ سم بعد ٦ ساعات طلق و عذاب بس ٤ سم. انا بس قلتلي هيك صرت ابكي اكتر و اكتر و قول لزوجي من شان الله بدي عملية شق بطن معش قادرة رح اموت. من كتر الوجع اطرو يعطوني ابرة الظهر مرة تاني بس ربع الجرعة اللي اخدتها اول مرة و الحمدلله ما عملتلي نفس اول مرة. الحمدلله رتحت و معش حسيت متل الاول بلطق الا يا دوبببب شي خفيف. نمت من ٤ لل ساعة ٧. اجو الساعة ٧ فحصوني الرحم بس ٤ سم 😭😭😭😭 هذا اليوم الثالث . قلتلي الدكتورة خلص لازم عملية الك ٣ ايام و ما في امل يفتح الرحم و البيبي دقات قلبو بلشت تنزل . جهزوني و نزلوني غرفة الولادة . قلتلهن بدي بنج عام ما بدي نصفي صار عندي فوبيا من النصفي . قلولي هذا البنج غير اللي اخدتي فوق هذا ما بيعمل نفس الشي . حطولي البنج اجر تبنجت و اجر لا 🤔🤔 هههههه و حتى بطني نصو تبنج و نصو لا الدكتور فكرني بتهبل عليه والله فكرني عشان انا شايفيتو وين بحط ايدو انا بحس . غمضلي عيني و صار يدقني بابرة و احس الدكتور تفجاء. قلولي لازم بنج عام انت و انا الحمدلله نبسطت انا ابدا ما كان بدي بنج نصفييي . بنجوني و فقت بعد ساعتين و عندي احلا بنوته بالعالم . شفت الموت بعيوني و تعذبت لمتت . لاي شخص بحس انو ممكن تتعركس الولادة عندو نصيحة خدو العملية اريح هذي اول ولادة اللي و تجربة قاسية . و ما انكر وجع بعد العملية بس اهون بكتير من وجع قبل العملية و خرجت من المشفى الثلاثاء بليل و الحمدلله انا اليوم احسن و حاسي قاردة امشي اريح و اترح احسن . اتمنى ولادة سلهة للجميع طولت بالقصة بعرف😄😄 بس البعض بيحب يسمع هذه التجارب