انتظرته أكثر من أي شيء في حياتي ، انتظرته لأيام طويلة ، ولم أستطع أن أزور قبره ولا مرة واحدة، لم يستطع عقلي تحمل أن من ضممته بين اضلعي لشهور طويلة و دفعت صحتي و عافيتي لينمو ويكبر جسده الصغير و لاراه واحتضنه هو الآن تحت التراب و الحشرات تنهش من جسده الضعيف
اااه يا يماني كم كسرت روحي برحيلك 💔💔😓
العضوة: 1963154 , منذ يوم
@user-1953542 يا قلبي بدعيلك كل ما ذكرت نفسي بدعاء الله يجبر خاطرك ويرزقك الحمل السليم المعافى يا حبيبتي ولله غصة بقلبي وقهر روحي ما عم اقدر اتخطى هلأ فيني نزيف غزير و ما خليت رحت ثلاث دكتورات وما عم يوقف و قهري عم يزيد عم خاف إني اتضرر و يمان ولله جرح بقلبي كل ما افتح هاتفي اشوف الصور و الذكريات و كم انتظرته واتعلقت فيه ببكي ، بتذكر الحمول لي اجهضتهن بعد واحد منهم حكيت لو يطلع ولد او بنت رح اسميه جود بإذن الله لكن شاء الله و ما كمل و نزل ولله قلبي محروق و قهر ما بعده قهر وبنتي طول الوقت بتسأل عن أخوها و بدها أخ مبارح كانت بتتابع برنامج زين وزينة و بالبرنامج صار عندهم اخت صغيرة بنتي جاتني بتبكي حكتلي حتى هذولل صار عندهم اخت وانا ما عندي يمان راح وما بيرجع الله يوفقك يا ماما جيبيلي أخ تاني و كل عمرها ثلاث سنوات وطالعة بسنة الرابعة ولله حرقتلي قلبي كل ما حاول اتخطى هية بتذكرني وبرجع بنقهر اكثرر 😓💔😭العضوة: 1953542 , منذ 23 ساعة
@user-1963154 لااا حول ولا قوة الا بالله العلي العظيم.. قولي اللهم أجرني في مصيبتي واخلف لي خيرا منها.. صدقيني اذا بدك تحملي حمل سليم حاولي تتخلصي من الذكريات ل قدامك.. لأنو ذكريات القلب والعقل باقية دائما.... حاولي تسافري تغيري جو غيري البيت مؤقتا.... حاليا المدرسة والحضانة عطلة يعني مشان بنتك.. حاولي تشغلي حالك بهواية.. بتعلم حرفة او تطلعي برا تتعرفي على صديقات... الجو ل محيط بيك اذا يسببلك إكتئاب.. تجنبيه... بحكيلك عن تجربة.. صدقيني بدك شي لاااازم تضحي ولاازم تكافحي لتحصلي عليه.... انا اجهاضي الاول تعبت نفسيااا لدرجة ماتتخيليها... وماجيت احمل مرة ثانية وافرح... أجهضتو كمان... ونفسيتي تعبت اكثر والدكتورة قالتلي عندك توتر داخلي..... ولما بديت اتحسن.... توفى جدي حبيبي.... وبعدها توفت أمي ومن وقلها وأنا أموري داخلة بحيط.. ومافي شيء منظم.. بهرموناتي.. فالله يكون بعونك ويصبرك ويعطيك توأم ياااااربالعضوة: 1963154 , منذ 23 ساعة
@user-1953542 بالنسبة الي مو قادرة اجلس مع احد نهايئا بفضل ابقى في بيتي ولوحدي طول الوقت وانتي الله يرحم جدك و أمك و يجبر خاطرك وقلبك يارب ويرزقك الحمل السليم المعافى بأقرب وقت بتبشريني إن شاءالله يااااارب يجبر خاطرك وخاطري بحمل بتوأم يملو علينا حياتنا و ينسونا الي راح يارب ياربالعضوة: 1953542 , منذ 23 ساعة
@user-1963154 آمين ياروحي... ولك بالمثل وأزيد بالدعااء.. والله إني أدعيلك من قلبي إنك تفرحي قبلي مشان تتحسني وتفرح بنتك ياااااربالعضوة: 939943 , منذ 22 ساعة
العوض الجميل يا رب