ابني عنده سنتين يوم الخميس بالليل لقيته جاله سخونه و بدأت تظهر حبوب على بقه و أيده و رجله طبعا روحنا على المستشفي والدكتور قال ده هربس وفي في بقه من جوا انا اللى اعرفه أن الهربس بيكون في الفم بس و كتب دوا للسخونه والحساسيه على ما جه علينا تاني يوم في نفس الميعاد كانت الحبوب ذادت اوي روحنا بيه لدكتور تاني قال هو مش هربس بس حاجه مشابهه و قال مش هيقدر يدينا حاجه اكتر من اللى كتبها الدكتور الاول واحنا الدكتور بتاعنا مسافر بعتله صور لابني و العلاج اللى اخده قالى إن ده حاجه اسمها hand, foot and mouth disease وان الدوا اللى بناخده كويس وان هو كده كده بيروح لوحده و مافيش له علاج محدد بس هما بيكتبوا مسكنات وحاجات مجرد تخفف عن الطفل بس بس هو يا روحي مش عارف ياكل ولا ينام ولا يعمل اي حاجه طول الوقت عيااط يا ريت لو حد مر بنفس الموضوع يقولي اعمل ايه وهل بعد ما يخف أن شاء الله الحبوب دي مش هتسيب أثر