حاليا حامل باول الشهر السادس
وقت حملي الاول اخدت معي امي وحماتي ع المشفى وزوجي ماحضر ولادتي بس هالمرة انا بالغربة ومافي غير سلفتي وكتير بحسها بس بدها تلفت نظر انها هي حلوة ومنيحة وبتساعد وانا علاقتي معها سطحية وماحابة اخدها معي ع المشفى وقت الولادة لان اكيد بدها تستنا هي وزوجي برا لبين ما اولد وزوجي ادمي بوثق فيه مابعبرها ولا بيعطيها اي وجود بس هي بضل بدحش حالها بكلشي يعني احيانا منكون سهرانين نحنا وبيت سلفي بيحكو الرجال انا مابشارك الا لما يسالوني شي اما هي بتشاركهن بالحكي حتى لو كان حديث بين الاخوات بتدخل وبضحك لهيك ماحابة وجودها معو بنفس المكان ومالها اي طعمة روحتها عندها ولدين صغار وبدي اترك بنتي عندها وانا بولد طبيعي و كل ماجبت سيرة الحمل والولادة بتقلي لاتخافي بروح معك ع المشفى يعني بالمختصر بترمي حالها علي وانا باين علي مابدي اخدها
لهيك بدي حيلة او حل اقنع زوجي ماروح غير انا وهو ع المشفى مابدي يا ياخد حدا معنا
رجاء حدا يعطيني حلول من هلق هكلانة همها والله
العضوة: 1987370 , منذ 10 ساعات
رفعالعضوة: 1987370 , منذ 10 ساعات
ماحدا عندو حلالعضوة: 1717219 , منذ 10 ساعات
قولي لجوزك الافضل تخلي بنتك عندها وادير بالها عليها بان صغيرة وبنفس الوقت تطبخ لك ازا فعلاً بدها تساعدك تساعدك لمن تجي من المشفىالعضوة: 1717219 , منذ 10 ساعات
انا نا بحب وحده قريبه تروح معي لان الوحده وقت الولاده ما بتعرف شو يطلع معها لا شعوريا وتعملك سيرة على صيحت وعلى بكيت وعلى شكلك خلص لحالك احلاالعضوة: 1987370 , منذ 10 ساعات
بصراحة انا ما بأمن فيها دخلها لبيتي اذا ماكنت موجودة لان اكتر من مرة راح من غراضي وشوفهن معها وقت قلها هاد غرضي او طالبها فيه بتنكر وبتعمل مشكلة متل الحية بتتمسكن لجوزها وعملت صفحتي سودة ادام الكل بسبب انها من تحت لتحت بتعمل مصيبتها وماحدا بحس فيهاالعضوة: 1717219 , منذ 10 ساعات
طبعاً انا هيك رأي بالنسبه انها بتحب تلفت انتباه في نسوان هيك طبعها تحب تلفت نظر النسوان والرجال مو شرط عندها نيه ما منيحه وأنها بدها تقرب من جوزكالعضوة: 1717219 , منذ 10 ساعات
@user-1987370 خلص بعدك بالشهر السادس اقطعي علاقتك فيها وبس يجيك الطلق روحي من دون علمهاالعضوة: 1987370 , منذ 10 ساعات
@user-1717219 لك يلي عم تولد مابيعرف فيها غير الله وبهيك وقت الوحدة بدور على زوجها صح امي وحماتي كانو معي مناح باول ولد بس كتير دايقت لان زوجي ماكان معيالعضوة: 1717219 , منذ 10 ساعات
@user-1987370 ازا هيك مواصفاتها لكن لازم جوزك يقتنع بسهوله معك وما يأخذها وهي ازا زعلت بالناقصالعضوة: 1987370 , منذ 10 ساعات
@user-1717219 اي هي مو نيتها تاخد زوجي لاء بس نيتها تورجي الكل انها افضل وحدة ومافي منها تنتين بالكون وانا هاد بيستفزني وهي بتكون بنت خاله لزوجي يعني صح بتتحجب منهن بس اخدة وجه عليهنالعضوة: 1717219 , منذ 10 ساعات
@user-1987370 اعندنا ممنوع حدا يدخل معك على غرفة الولادة وبس اطلع على غرفتي جوزي يعطي الممرضه اكراميه وهي تصير تساعدك بكل شي ما تحتاجي حدا ولان ولادتي طبيعي بتخرج بنفس اليوم وارجع على بيتيالعضوة: 1987370 , منذ 10 ساعات
@user-1717219 المشكلة زوجي مابحب يزعل اخوه بدي حل يخلي زوجي يقتنع ما ياخدها وبنفس الوقت مايزعل اخوه منه واني روح بدون مايعرفو مابقدر عندي بنتي عمرها 7 سنين مافي مكان الا بيت عمهاالعضوة: 1717219 , منذ 10 ساعات
@user-1987370 سلفتك من حلب؟العضوة: 1987370 , منذ 10 ساعات
@user-1717219 وانا بولد طبيعي بس ولدت وقتها بمشفى حكومي فاتت امي وحماتي ع غرفة الولادة هلق انا بالجزائر زوجي بدو يدخلني مشفى خاص مابعرف شو قوانينهنالعضوة: 1987370 , منذ 10 ساعات
@user-1717219 لا يابعدي من جسرين بس جنسيتها جزائرية متل اهل زوجي