اللهم لك الحمد والشكر تم بحمد الله الانتقال من المرحله الثانيه بالحمل الى المرحله الثالثه بالثلاث الشهور الاخيره ، اخر دوره كانت ٢٤/٢/٢٠٢٦ لكن الحمل صار في مارس بسبب اباضتي المتاخرة ، مريت بصعوبات بالاشهر الوسطى الي مفروض تكون اخف المراحل لكن الحمد لله انها عدت ع خير اتمنى الشهور الاخيره تكون لطيفه معي والله يتمم لي يارب ويتمم ع جميع الحوامل يارب . الشهر السابع : ( المده ) اربع اسابيع ( من الاسبوع الثامن والعشرين الى الاسبوع واحد وثلاثين) الاسبوع الثامن والعشرين : اليوم الرابع: معي الم ظهر من فوق عند العمود الفقري مو طبيعي ومعي الم سيقان ورجول . الاسبوع التاسع والعشرين : اليوم الثاني : جاني تحجير مو طبيعي من فوق الجنين كامل فوق برجلينه ويدينيه وراسه كامل وحاسه اني بختنق والثقل مو طبيعي والي يخوف يجيني الم ظهر لازم انسدح شوي علشان يخف والنومه صارت صعبه جدا بسبب الثقل ، وعندي موعد بكره مع الدكتوره يارب تبشرني بالخير فانت خير المبشرين. اليوم الثالث : اليوم كان موعدي مع الدكتوره طلبت مني اسوي سونار واللهم لك الحمد كل الامور كانت تمام وطلبت مني اسوي تحليل دم وبول وقالت لي ضروري ارجع لها بكره علشان اعرف نتايج التحاليل وصرفت لي حبوب حديد وكالسيوم وشراب للحرقان ، فموعدي بكره مع الدكتوره علشان النتايج يارب تبشرني بالخير فانت خير المبشرين. اليوم الرابع : اليوم موعدي مع الدكتوره علشان النتايج طلع الدم عندي ١٠ قالت طبيعي بالنسبه انك بالشهر السابع وطلع السكر عن طريق الدم ماخذيت محلول بس طلع طبيعي الحمدلله لكن نتيجة البول كان فيه صديد طلبت مني اشرب مويا بكميات كبيره وطلبت مني احجز موعد بعد خمس اسابيع وان شاء الله خير يارب. الاسبوع الثلاثين: اليوم الاول: معي الم دوره مع حركة الجنين تجي وتحجير والم ظهر ومتوتره حدي . اليوم الثالث : جاني امساك الله يكرمكم مو طبيعي حسيت روحي بتطلع وخفت كثير يصير معي شي . الاسبوع الواحد والثلاثين: اايوم الثالث: جاتني حكه عند النوم تعبتني ماعرفت انام من الحكه جسمي وخشمي وكل شي يحكني. اليوم الرابع : معي دوخه احس فيها اذا وقفت كان الدنيا تدور فيني ومرهقه وطاقتي صفر . اليوم السابع: حجزت موعد بتاريخ ١٨ اكتوبر وان شاء الله خير يارب . الشهر الثامن : ( المده) خمس اسابيع ( من الاسبوع الاثنين والثلاثين الى الاسبوع السادس والثلاثين) الاسبوع الاثنين والثلاثين: اليوم الرابع : الحرقان لاعب فيني لعب مو نافع معه شيء. الاسبوع الثلاث والثلاثين: اليوم الثالث: اليوم الامساك والحرقان مافارقوني الله يعين يارب. اليوم السابع: وانا اكل طلع من خشمي دم فجاه توترت حدي ، وعندي موعد بكره يارب تبشرني بالخير فانت خير المبشرين . الاسبوع الرابع والثلاثين: اليوم الاول: اليوم كان موعدي مع الدكتوره طلبت مني اسوي سونار والحمد لله الامور طيبه وطلبت مني اخذ لقاح الكزاز وخذيته كان بالكتف وطلبت مني اسوي تحليل دم وارجع لها يوم الثلاثاء بتاريخ 20 اكتوبر علشان اعرف النتيجه وان شاء الله خير يارب وصرفت لي حديد وكالسيوم وفيتامين دال وشراب جافسيكون للحرقان اليوم الثاني : بكره موعدي مع الدكتوره علشان اعرف نتيجة التحليل يارب تبشرني بالخير فانت خير المبشرين. . اليوم الثالث : الحمد لله ارتفعت النتيجه من ١٠ الى ١١ وطلبت مني احجز موعد بعد ثلاث اسابيع وان شاء الله خير يارب . الاسبوع الخامس والثلاثين: اليوم الثالث: الحرقان زايد علي ماني قادره عليه احس قلبي بداخله نار وحريقه . الاسبوع السادس والثلاثين : اليوم الاول : حجزت موعد مع الدكتوره بتاريخ ٨ نوفمبر وان شاء الله خير يارب.