#التكملة . . نرضع ذا الطفل و نزور ولدنا ، و جينا يوم من الايام ماوجدناه ، و انجن جنوننا نبغاه سألناهم وين راح قالو لنا والله راح ل دار الرعايه و نروح لهم هناك سألنا عنه قالو انتم الاسره الي كانت ترضعه في المستشفى ؟ قالو ترا من امس من جابوه الى الان الطفل يبكي لا يرضع لا رضاعه ولا رضع من الام البديله الي عندنا ، المهم جابو الطفل لنا و بداء الطفل يرضع ، كان الطفل تجيه تشنجات من شد البكاء و بعد ايام قررت اني اخذه و بعد الاجراءات اخذته معي لبيتي و اصرو اهلي اننا نطلع ولدي من المستشفى رحت قلت عطوني ولدي قالو لي وش نعطيك نعطيك واحد متخشب واحد تعباان قلت عطوني اياه و في مسؤليتي وقعت و اخذته قالو لي نبي منك حاجه نعطيك متر و كل يوم قيس دائره راس الطفل و اذا زاد عن كذا جبه لاقرب مستشفى و قلت تم ، و بعده مرت علينا اياام والله يشهد علي الله ان الناس تناام حنا ما ننام الناس تناام حننا ماننام الطفل الي اخذناه ( خالد ) تجيه حالات تشنج و بكااء بكااء بكااء يععني يزعزعنا اما ولدي ابراهيم ان رضعناه يطلع الحليب من الخشم و حااااله حاله مايعلم بها الا رب العالمين ، حاله مايعلم بها الا رب العالمين ، المهم جلسنا على الحاله هذي يمكن ٧ اشهر و حنا على الحاله هذي ، ف بيوم من الايام واحد من عيالي طوّل صوت التلفزيون ف صااح الي هو ولدي ! و هم قايلين لي مايسمع و لا يبصر ولا يتكلم !! يوم بكاء قلت لامه هذا يسمع ف اجي عنده اصير انا اصفق لا صفقت بكى ، و طلعته برا بالشمس صار يغمض عيونه قلت هذا يبصر ، قلت اللهم لك الحمد ، بعد فتره بالليل ينامون كلهم جمب بعض اسمع صوت ببا و كذا صوت الاطفال جيت وقفت عند الاثنين اتفاجئ الي يقول ببا الي هو ولدي ابراهيم ، ابراهيم ولدي هو الي يقول ببا ، المهم بداء ابراهيم يمشي قبل خالد ، الان هم في صف سادس ابتدائي ، ابراهيم ماشاء الله هالحين متفوق بدراسته و خالد متفوق بالدراسه بعد ، انا اعتمد على ابراهيم في اشياء كثيره بالبيت ، جوالي اذا خرب هو يصلحه اذا جاء عامل هو يستقبله عند الباب يروح مع السواق يجيب اخته من المدرسه ، سلييم معاافى مافيه الا العافيه كـ اي ولد طبيعي ، ف اليتيم هذا لما دخل بيتي تغيرت اموري للافضل و الله زين الحال لاجمل حال ، وبفضل الله ثم دخلته ل بيتي شفي ولدي ابراهيم من مرض كان لايرجى شفاؤه ، والله شفت حياااه بعده جممييييله الله يخليني له الله يطول بعمري الى ما اشووفه معتمد على نفسه رجل ، اطلب الله يطول في عمري له ، ، والله بعده تغيرررت حيااتي للافضل💕 . . جميله القصه😭😭❤️ #منشن صاحبك يقرأ القصه❤️