@user-977345 الشعب يلي بيقطف ورق العنب وبيعمل فيه أطيب أكلة بالعالم ما رح يجوع الشعب يلي جمع السمسم مع نبات الزعتر البري و بذور شجرة السماق و اخترع الزعتر....ما رح ينتصر عليه الجوع الشعب يلي طحن الحمص والفول وخلطهم مع كمون و قلاهم بالزيت واخترع أطيب سندويشة فلافل ...ما رح ينام جوعان الشعب يلي جمع بقدونس ونعنع و بندورة مع شوية برغل وزيت وليمون و عمل" التبولة " أكتر سلطة صحية بالعالم ...ما رح يخلي أولادو يجوعوا بلادنا يلي فيها شجر الزيتون والجوز و التفاح والبرتقال والليمون والمشمش و التين والعنب ....يلي فيها القمح وفيها التنور ناطر الضيوف على الطرقات حتي يعطيهم أطيب خبز .....ما رح تسمح للجوع يزورها.... سألتني الجارة الختيارة إنت من وين؟ قلتلا.. بتسمعي عن بلد الأنبياء.. وأرض المحشر والمنشر.. والأقصى.. والقدس.. والخليل وحيفا ويافا..وصفد ودلاتا.. والبحر والسما الزرقا.. والناس الطيبين؟؟ أنا من هناك.. مطرح مالغيمات بتشتي دفا ووفا.... وزيتون وقمح وحنّون.. وبيارات عشق وليمون.. أنا من لون الشمس.. والطين..والعكوب.. وكروم العنب والتين.. من أرض جدي.. وحكايات ستي.. و البواب المعطرة بريحة الهندبة.. وفطاير الكشك.. وزيت الزيتون.. ضحكت وقالتلي.. يسلمولي أهل فلسطين.. 😍 منقول من تعليق ام طيبة ومحمد الفلسطينية حبيبة قلبي