السلام عليكم ورحمة الله.. انا قررت االيوم اكتب تجربتي في الولاده بما اني الحمدالله بديت اتشافى وبخلص الاربعين الحمدالله. طبعا انا بكر ماافهم شيء معتمده على المراجعات عند الدكتوره كل شهر وقوقل باقي الايام 😂 احاول اعرف اعراض والولاده والولاده الطبيعي وكل شيء ( وابرة الظهر) اللي كل وحده تقول كلام مدري من وين الصراحه مدري وش بيضر اذا قالت الصدق بدون تهويل، المهم ان ذاك اليوم الفجر نزل معي دم الله يكرمكم خفيف على وردي من الفجر لين 11 الليل وطلق خفيف مره اتحمله عادي بس قررت اروح المستشفى لا يجيني شمم لاني كنت اغسل، رحت ولا حطيت في بالي اني بقعد عندهم ابد الا وتقول فاتح 3 سانتي تبين ابره اقعدي قلت اي ابي واتوكل على الله محد يدري الا زوجي وهذا غلط علمي اهلك لا تصيرون نفسي🥲 واطلع فوق واقعد عندهم ومشي في مشي لين وصل 4 والطلق يووجع وتجي الابره والحمدالله سهالات عطاني وقال لا تتحركين خلاص تخدرت والحمدالله معد احس بشيء قاعده اصور واوثق وجت 6 الفجر وكل شيء تمام الرحم يتوسع الطلق يمشي وانا مو حاسه بشيء مادري الا يعلق رحمي سحبان الله على 7 سانتي والجهاز اللي يقراء الطلق يطلع ان مافيه طلق وانا مااحس بشيء مخدره، ويجون القابلات والنيرسس كلهم متوترين لانه صباح الدكتوره حقتي مابعد بدا دوامها تونا الساعه كانت 8 الصباح، ويعطوني اكسجين للبيبي ويقلبوني يمين ويسار وانا مو داريه عن شيء ليش معد فيه طلق مدري، وتجي الدكتوره الحمدالله وتقيس الرحم وتحاول تعرف المشكله ان وين البيبي وش فيه الا كتب ربي ويلتف عليها الحبل السري الحمدالله ماختنقت بنتي، وعلى طول عمليه قيصري، ومن رحمة ربي اني مأخذه ابرة الظهر عجل بالعمليه بس تنويم لي وتبدا العمليه، ويشلوني واروح والحمدالله سويت العمليه وتمت على خير من فضل ربي وطلعت بنتي ماجاها اختناق ولا شيء كنت خايفه من هذا الشيء بس الحمدالله خلصت وعقبال الجميع. يابنات لا تخافون ولا تسمعون كلام احد ولا التجارب الناس تختلف والاقدار تختلف انا كان كل شء طبيعي والطلق كل من شافه قال ماشاءالله يلا بديتي بس حصل عارض سبحان الله. وبس والله خلصت والقيصري طلع سهالات بس العنايه يبغى لها. طولت عليكم اعذروني 💗🏃🏻‍♀️.