صباح الخير لكل الحوامل موضوعي بحب أقلكن عليه لأني ماكنت مصدقة حالي أنا ولدت من أسبوع الحمدلله بطفلي الثالث حبيت قلكن تجربتي بالولادة أنا من قبل حملي كنت ادعي ربي يرزقني ولادة طبيعية بخير وسلامة باقل الم او بدون الم ومافي يوم مرق علي الا وادعي ولمن عرفت بحملي نفس الشي استمريت لدرجة اني باخر اشهر الحمل ماكنت صدق حالي وانا طبعي خواف وبرجف من الولادة كنت حس انها شي حيخلص ومابدي افكر وصلت لمرحلة من كثر الدعاء دخلت لمرحلة التوكل عالله والله ياأمهات بحياتي ماجربت هالشعور عم أحكيلكن هلأ لأني بدي كل وحدة فيكن ماتوقف دعاء انت ونايمة وصاحية لو بالمطبخ أنا مالي انسانة مداونة عوتر أو الي طقوس عبادة انا انسانة عادية لكني دعيت كتير وربي مافي اكرم منه ولا ارحم لو بدي احكيلكن كيف ولدت وكيف رجت عالمشفى وتيسرتلي ولادة بفترة العصر بوقت قليل وطلق قليل طبعا اكيد في ألم لكن الم وتيسير صدقوني مارح تثدقو الدعاء بصنع المعجزات ومن بعد الدعاء رح يصير عندكم التوكل ومتل مابنقول بالعامي(وانت مغمضة) وهاد يلي صار معي كنت رايحة عالمشفى لأولد وأنا عم ابتسم مابكذب عليكن فيني خوف ورجف لكن فيني ايمان وتوكل عجيب استغربت من حالي ومن قوتي بس هاد بفضل ربي ودعائي الدايم وتوكلي الحمدلله يارب الف نعمة برد بقلكن ادعو لحتى تتيقنو بالإجابة وتدخلو بمرحلة التوكل عالله...صدقوني راحة قلب لاتوصف .. ولاتستقلو بالدعاء كنت مفكرة انو لازم صلاة وسجود وغيرو بس لا الدعاء طول الوقت وباي وقت لو عالتخت لو عالطاولة بتاكلي كل ماتتذكري ادعي ...وتوكلي ربي يقوم ويسهل عليكن وعلينا تربايتهم والحمدلله