كيفكم بنات حبيت احكيلكم تجربتي بالولادة 😍❤️❤️ انا بكرية ولدت من شهر تقريبا ولدت قبل ما خلص الشهر التاسع بيومين صحيت الصبح كانت ماء الراس تبع الجنين عم تتسرب دون وجع ولا شي رحت عل مشفى ساعه ٢ الضهر وقالو ولادة بهاليومين وفاتح ١ سم وشربت نعنع وبس لل ٩ مساءاً صار في وجع قوي بس محتمل شوي رحت وفاتح ٢ سم وبس وبعدها رجعت عل بيت وضليت اشرب نعنع وما اتحرك ولا ساوي شي ولل ساعه ٢ بعد نص اليل صار الوجع ماعد يحتمل وصار كل ٣ دقايق وبعدها تحملت الوجع للساعه ٦ صباحا صار الوجع لدرجه البكاء مالقيت ولا وصف يوصف هالوجع وانطلقنا إلى المشفى كان فاتح ٧ سم وانتظرت للساعه ٨ حتى ولدت وبعدها دخلت غرفة الولادة وولدت بعشر دقايق بس مع قص عجان الي لهلق بعدني عم عاني منو 💔💔💔 وبعدها انتظرنا شوي بالمشفى وطلعت بالنسبة لمرحلة مابعد الولادة التهب الجرح عل ١٤ يوم والدكتورة الي ولدتني ما اعطتني مرهم او كريم حط عل الجرح كتبت بس مضاد التهاب ومسكن حتى معقم او بافيدون ماكتبتلي بس قالت مغاطس ماءوملح عل اسبوع (مشفى عام) وكان الاعتناء صفر كان بدي اولد بمشفى خاص لكن حسب ظروفنا ماقدرت وبالنسبة للإمساك اخدت تحاميل وصفها الصيدلي والحمدلله 😊💔 القطب ضلت للشهر ومانزلت رحت وفكيتهن وباقي القطب الداخلية ولهلق بيجيني الم شديد بمنطقة العجان الحمدلله بنتي بخير وبصحه جيدة 😊❤️❤️❤️❤️