#راقت لي..
ليش هو زمان كان حدا يعرف انو ( فلانه ) حامل ولا مش حامل ؟! اصلا كان سر خطير! كانت اللي تحمل يكون الموضوع only me وما حدا يعرف الا جوزها ، وامها ، وامو ، حتى مرات الدكتور يخبو عليه 😂
اما هسا ، يا حبيبي ، ولكو ياااا حبيبي!
يما يما عهالجيل شو كاسر و كرنيب يما!
هسا الوحده اذا وهي قاعده مع جوزها ، اذا اقترحو ، او اتفقو ، او قعدو قعدة عصف ذهني ، وقررو انهم لازم يجيهم ولد ، نص الاردن عالسوشال ميديا بتعرف !
عالسريع بتنط زمردة تكتب : اتفقنا 😍
مع انو لسا لسا ما صار اشي ، اصلا لسا مش فاضيين يقعدو لحالهم ، لسا ماصار اشي ، بتنط وتكتب : حاسة حالي رح اشعر بالدوخة والحاجه للكبدة والفواكه والراحة!
واذا تمت العمليه ، وحملت ، هون بنكون اكلنا هوا ، هون بدها تخلينا نعيش بالحمل لحظه بلحظه ، رح تحس انو انتا اللي حامل!
عليم الله في وحده عندي بتقربلنا من بعيد ، بتقربلنا من ٣٠٠ كيلو متر تقريبا ، من كثر مكتبت عن حملها ، صار بطني يوجعني ، وصرت احس في اشي برافص ببطني 😂
مع مرحلة الصور ، صورة بطن منفوخ ومكتوب عليه جاري التحميل ، ولكو جيل كرنيب خلانا نحس انو البيبي عباره عن اغنية ، او ملف اكسل ، قال جاري التحميل قال ، اه مهو قلاب طوب!
بعد شوية وقت ، بتكون رايحة عالدكتور ، وفرجاها البيبي ببطنها ، بتوخد الصورة ، وبتنزل صورة اشعة اصلا مش مفهومة ، مرة فكرت الصورة منخفض جوي ، وكاتبه فوقها :
هيو حبيبي و روحي و سندي 😳
ولك سند مين؟ هو قادر يسند حالو؟ مهو عمرو ٤ شهور! اذا عطستي بفلت 😂
بعدين لحقتي تحبيه؟! هو خطيبك؟! سند مين يا ام سند؟!
طب قرايبنا هاي الي حكتلكم عنها ، اللي اكيد بعد هالبوست رح تعبّطني بلوك تطلعو من شسمو ، نزلت صورة الاشعة تبعت بنتها ، وكاتبة عليها : قمر يخواتي قمر 😳
اه اه قمر ، شعرها طويل ، وعيونها ملونه ، وبترقص باليه! منوين عرفتي انها قمر بدي اعرف؟! مهي صورة غيوم !
مش ضايل الا تكتبي : بالله مهي شبهي 😕
ولك لسا رموشها ما تكونو!
بعد كل هاد ، بس تولد ، ما بتنزل صورتها مشان الحسد والعين 😳
ولك بالله؟! بحياة اختك؟! امانة الله عليكي؟!
هسا تذكرتي الحسد؟! وحدي الله يا موسوسة!!
قال بتنزل صورة طرف ايدها ، وبتكتب : اخاف عليكي من عيون الناس ونقهم !
ولك مهي عيون الناس شافوها وهي بتتكون ، يعني انتي وصلتينا لنص البير وقطعتي الحبل فينا؟؟؟؟؟؟
٩ شهور وانتي معيشيتنا اللحظه بلحظة ، وعند م نتعتيها ، خفتي عليها من عيوننا!!
يلا نترحم ع ستي ، اللي كانت تحمل وتولد وتدخل بنتها المدرسة ، وبعدها خجلانه تحكي لسيدي!
العضوة: 156474 , منذ 5 سنوات
هههههههه الله يسعدك ضحكتينيالعضوة: 157261 , منذ 5 سنوات
@user-156474 حبيبتي دوم الضحكه يا ربالعضوة: 305738 , منذ 5 سنوات
هذي الدكتورة خلود 😂😂 عرضتلنا حملها من البدايه وصور سونار وسوت حفله عشان تعرف بجنس البيبي أنهم توام . ويوم ولدتهم ماشفناهم بس صور من بعدين انزين تبي نشوف وجهم 😂😂💔💔العضوة: 256825 , منذ 5 سنوات
@user-157261 😂😋😂😂حلوة هيالعضوة: 194464 , منذ 5 سنوات
😂😂😂😂العضوة: 157261 , منذ 5 سنوات
@user-305738 ههههههههه فعلا والله أنك صادقهالعضوة: 329927 , منذ 5 سنوات
@user-157261 🤣🤣🤣🤣گلآمَگ بجننن حلـِۈۋوھّ 😁العضوة: 329927 , منذ 5 سنوات
عنجد الدكتوره خلود جابت (٣)مشالله زي مـِْ♡̨ـِْا سمعت بنتين ولد. ولا أشعه أطلعوها الناس 🤷♀️العضوة: 305738 , منذ 5 سنوات
ايوا 3 بس هي سوتها مفاجاه نشرت أنه معها توام بنت و ولد . ويوم ولدت طلعت المفاجاه أنهم 3 .. البنات اسمهم ""ليان"" و """ليليان"" والولد خالد""العضوة: 358368 , منذ 5 سنوات
@user-157261 الله يسعدك تضحك😂العضوة: 304594 , منذ 5 سنوات
ههههههههههه😂😂😂العضوة: 265386 , منذ 5 سنوات
هههههههههههههه حلوهالعضوة: 157261 , منذ 5 سنوات
@user-329927 انتي الحلوه يا روحيالعضوة: 157261 , منذ 5 سنوات
@user-304594 دوم يا ربالعضوة: 157261 , منذ 5 سنوات
@user-265386 دوم يا عسل