#صفقة_شرف_بقلم_هلاغرابلي
الجزء الاول:
نرمين :الو ..
هبة:كيفك نرمين ؟
نرمين: ..لحمدلله ....ماشي الحال انت كيفك؟
هبه:تمام مشتاقتلك ،شبو صوتك ،فيه شي،شكلك علقانة مع فادي ؟
نرمين:...لا ...ايه قليلي انت وين غاطة ؟
هبة:كالعادة ،جامعة و حضور و دروس و مية قصة
نرمين:مري لعندي بكرا بعد ما تخلصي دوام
هبة:ايه انا متصلة فيكي كرماال هيك
نرمين:طيب ناطرتك ...
انفتح الباب فجأة و طل بصوتو الجرش
فادي:مع مين عم تحكي؟
نرمين:مع رفيقتي هبه ،يلا هبه ماشي باي
حطيت الموبايل تحت المخدة و سندت ضهري على ضهر التخت و هو بعدو واقف
نرمين:بدك شي ؟
فات على الغرفة هو و عم يشغل سيجارة ،قعد على الكرسي و نفخ دخنة السيجارة بوجهي
فادي:ما في شي ،هاي رفيقتك هبه ما عاجبتني كتير
نرمين:شو يلي ما عجبك فيا؟
العضوة: 275918 , منذ 4 سنوات
فادي:ما بعرف بالضبط شو ،بس هيك ما برتحلا،احساس داخلي يعني نرمين:البنت رفيقتي من وقت كنا بالمدرسة و سمعتا كويسة فادي:طيب ؛على كل حاال ما تختلطي فيا كتير نرمين:...حاضر فادي:االيوم مرت لعندي مرة ابوكي؟ نرمين:شو بدا؟ فادي:يعني متل العادة ،عم تشحد و بطلع قصص ما بعرف من وين ،على مريضة و لازما دوا و كأنو انا خلفتا و نسيتا ،حقك و دفعناالا اياه و زيادة حبة مع انها ولله تجارة خسرانة نرمين:امممم .. طيب ما تعطيا وجه ما عاد بترجع و بعدين راتبا كل شهر بكفيا و زيادة فادي: انا بدفع مال قارون لريح راسي ،بس ما حلوة اجت و حرجتني قدام الزباين ،بالاخير بضلها مرة ابوكي ؛يعني ما حلوة بسمعتي هيك ،شو بدن يقولو الناس شوف ملا اخدة اخدها ، نسايب نور و شحادين نرمين:طيب خلص بنبه عليا وقت تجي لعندي انو ما تقرب لعندك ابدا فادي:تماما طلع من الغرفة و سكر الباب ،رجع فتحو شوي فادي:و بعدين لا تنسي الحكي يلي حكيناه بخصوص .. حط ايدو على بطنو و غمزني و ابتسم بخباثة فادي: شهرين بس ..ماشي؟العضوة: 275918 , منذ 4 سنوات
هزيت براسي نرمين:ما نسيتو تاني يوم اجت لعندي هبة ،فاتت هي و عم تشتكي من المواصلات و الشوب و المحاضرات نرمين:انت بنعمة و ما حاسة فيا ولله هبة:اخ بس،كل واحد بفكر حالو همو اكبر هم ،شو صار معك ؟ نرمين:ولاشي ،مبارح رجع ذكرني بالموضوع (تبكي) هبة:طولي بالك ،ما بظن يطلقك بهالبساطة ،فادي بحبك نرمين:فادي بحب حالو هبة:الا ما يكون الها حل نرمين:ما في حل؛رحنا عند كذا دكتور و الكل يقول مستحيلاني احبل بحياتي ،و هو بيعرف هالشي هبة:طب خلص بالناقص منو ، يطلق ،يلي بسمعك بقول عايشة و مبسوطة معو ،كل حياتك معو قهر و بكاء و ذل نرمين:بس بكل الاحوال ازبط من عيشتي عند مرة ابي ولا نسيتي؟ هبة:ما نسيت نرمين مسحت دموعي و انا عم اضحك نرمين:معك حق ما تجي لعندي لانو بكئبك هبة:لا الله يسامحك على هالحكي ،ولله لو ما ظروفي ،كنت كل يوم جيت لعندك نرمين:شو صار معك بعرس ابن خالتك؟ خلص فستانك هبه:لك صحي !نسيتيني قلك شو صار معي ؛شي ما بتصدق نرمين:احكي هبة:انا ما قلتلك انو حابة اخد الفستان عند وحدة بتشك خرز بدي شكو عند الصدر نرمين:ايه؟ هبة:ام عمار الخياطة دلتني على وحدة شاطرة و ما بتاخد كتير و رحت لعندا على بيتا بحارة شعبية و اول ما فتحتلي الباب يا نرمين نفض كل جسمي نرمين:ليش؟ هبة:كأنو انت ،شبه مرعب بينك و بينا نرمين:انا ؟ هبة:ايه ،كأنو انت نفس الملامح بس هي لون شعرا بني غامق و انت بني فاتح و بشرتك ابيض بشوي نرمين:و كيف حظا متل حظي؟ هبة:غلبانة كتير من الفقر ؛بيتا اكلتو العفونة و كأنو عندا ابن مريض ،الله يعين العباد ،و وقت قعدت معا حسيت حالي كانو قاعدة معك ،بدي اخدك المرة الجاية معي لتشوفيا شو رايك ؟العضوة: 275918 , منذ 4 سنوات
نرمين:ما بعرف ،انت بتعرفي فادي .. هبة:قليلو نازلة على المول تشتري تياب نرمين:و الشوفير؟ هبة:خليه ينطرك على باب المول و منطلع من الباب التاني من غير ما يشوفنا و كمان انت بتغيري جو و بتشوفي الفستان كيف بدو يطلع علي و اذا ناقصو شي ؟ نرمين : يا ريت ،رح حاول و قلو هبة:بتقدري وقت بدك نرمين:بس بسمع مية كلمة منو بتهز البدن هبة:اخ بس انت كمان كتير ضعيفة و مسايرة زيادة عن اللزوم و بتهزي راسك على كل شي ،لازم تصيري قوية و كهينة شوي نرمين:فادي قوي و فاجر ،ما فيه مرة بالعالم بتقدر عليه المسا وقت رجع فادي من الشغل، شفتو رايق و تجرأت افتح معو موضوع المول فادي:ما الك شي رايحة و شارية ؟ نرمين:ايه انتبهت انو لازمني شوية تياب داخلية ،ما بطول كتير فادي:طيب ،بكرا بخلي ابو العز ياخدك تاني يوم التقيت بهبة بالمول ،و طلعنا من الباب التاني و اخدنا تكسي و رحنا على بيت ام يزن ،كانت الحارة ما بتفرق كتير عن الحارة يلي ربيت فيا ،حارة شعبية و بيوت تعبانة متل وجوه الناس يلي ساكنة فيا ،دقت هبة على الباب 3 دقات ورا بعض بصوت عاليالعضوة: 275918 , منذ 4 سنوات
هبة:لانو ما في جرس انفتح الباب و طلت صبية بالعشرينات ،كل الوصف يلي قالتو هبة عن الشبه بيننا ما اعطتو حقو ،حتى نحن الاتنين وقفنا قبال بعض نضحك ام يزن: قلتلي هبه انو عندا رفيقة بتشبهني بس ما توقعت لهل الدرجة ،تفضلو ارتاحو قعدت انا و عم اطلع بزوايا بيتا و الاثاث المهتري ام يزن:كيف قهوتك ..و حضرتك ما عرفت اسمك؟ هبة:سادة نرمين:اسمي نرمين سيرين:تشرفنا و انا سيرين هههههه هبه:يا محاسن الصدف ؛انا اصريت على رفيقتي تجي تشوفك و كمان تشوف الفستان كيف بدو يطلع علي سيرين:اكيد حلو لانو القالب غالب بس ما عارفة شو بدي قلك و من وين بدي بلش هبه:تفضلي سيرين:انا بلشت بالفستان بس ما قدرت كملك اياه لانو صار عندي ظرف سيئ ما بتمناه لعدوي نرمين:خير شو صاير معك؟ اخدت نفس و حكت بصوت عم يرجفالعضوة: 275918 , منذ 4 سنوات
سيرين:ابني يزن ....،هديك المرة جيتي و شفتيه كيف وضعو هبة:ايه الله يشفيلك اياه يا رب سيرين:الله يسلمك ،كنا عم ناخدو من دكتور لدكتور حتى حدا يفهم شو عم يصير معو لهل الصبي،حتى دلونا على دكتور شاطرو خبرنا انو معو كتلة بالدماغ و بدو عملية ضرورية و مستعجلة هبة:يا قلبي انا سيرين:و العملية بتكلف مليون و نص و انت بتعرفي الوضع كيف ،و انا من وقت ما خبرني الدكتور و انا عم اركض من جمعية لجمعية كرمال امن مبلغ العملية ،لهيك ما قدرت كملك الفستان حقك علي ولله خجلانة منك .. هبه:لا المهم ابنك ،الله يشفيه سيرين:الله يسلمك بس رح ابعتك عند وحدة تانية هي بتكملو و شاطرة على مسؤوليتي ؛رح تعملو احسن من شغلي..العضوة: 275918 , منذ 4 سنوات
نرمين:و ابنك ؟قصدي يعني شو صار معك ،قدرتي تأمني المبلغ ؟ سكتت شوي و بعدين انفجرت بالبكا سيرين:ولا ليرة منو ولا ليرة ،كل ما اروح على جمعية بزتوني على جمعية تانية بحجة انو هن ما بتكفلو بهيك عمليات و الي اسبوع كامل على هالحالة ،من باب لباب و الكل عم يردني خايبة هبة:طب زوجك ... سيرين:اخ زوجي !ولله كل كشفيات الدكاترة تراكمت ديون علينا ،حسبي الله و نعم الوكيل احسن الشي،الولد عم يروح من ايدي و انا ما قادرة اعملو شي هبه:طيب طولي بالك ،انا بشوف شو بقدر اعملك ؛بلكي بعملك لمة مصاري من الجامعة عندي سيرين:يا ريت يا هبة يا ريت ،ولله ما بنسالك هالمعروف بحياتي و لو طلبتي عيوني لاعطيكي اياهن،هيدا ابني الوحيد ولله بعطيه روحي و ما يصير لاضفرو شي نرمين:طيب الدكتور يعملو اياها للعملية و بس يصير معكن بتدفعولو و لو بالتقسيط سيرين:هدول سفاحين ما دكاترة ،طلبنا منن هالشي و ما حدا قبل هبة:ما عاد في رحمة بقلوب الناس طلعنا من عند سيرين و نحن مقهورين عليا هبة:شفتي كيف في ناس معترة و غلبانة اكتر مني و منك ؟ نرمين:صح،الله يشفيلا ابنا و انا بشوف شو بقدر اقدملا كمان ،يلا انا لازم روح بسرعة رجعت على المول و اشتريت كام قطعة من اول محل طلع بوجهي و رجعت على البيت ،انا و عم اتعشى مع فادي المسا فادي:اشتريتي؟ نرمين:ايه اشتريت فادي:قلي ابو العز انك طولتي كتير،بحدود ال3 ساعات نرمين:اي عادي ،10 طوابق بدن وقت اكتر لتفتلن كلن فادي:و ليش لتفتلين كلن ،و انت شارية كل اغراضك من محل واحد ؟ اطلع فيني و ناطر جواب مني ؛بلعت اللقمة و شربت رشفة مي نرمين:لانو فتلت كل المحلات و ما عجبني شي غير من هالمحل ،حسيت عندو احلى شي ،لهيك اشتريت كل اغراضي منو فادي:امممم دايما نرمين:صحة و هنا فادي:بس تخلصي اكل ،البسي و فرجيني شو اشتريتي نرمين:حاضر ما نمت هديك الليلة انا و عم فكر بسيرين و وضعا و وضع ابنا و وضعي ،ما بقدر انكر انو اول ما شفتا لسيرين خطرت على بالي الفكرة يلي بتقدر تنشلني من وضعي و بعد ما قعدت معا و عرفت عن وضعا اكتر،تمسكت بفكرتي اكتر بس اني افصح عنا بدا جرأة و شجاعة كبيرة مني... ......يتبعالعضوة: 434126 , منذ 4 سنوات
كملي متابعتكالعضوة: 275918 , منذ 4 سنوات
الجزء التاني: كنت كل يوم اتصل بهبة و اسألا عن سيرين و تطورات وضع ابنا هبه:المبلغ كبير كتير و ما قدرت اجمع غير 100 الف لهلأ نرمين:و هلأ شو بدا تعمل ؟ هبة:ما بعرف ،ولله ما عم تروح من بالي نرمين:هبة ،مري لعندي بكرا ضروري هبة:ليش؟ نرمين:في موضوع ضروري بدي احكيه معك هبة:خير شوفي ؟ولله شغلتيلي بالي نرمين:لتجي منحكي بعد ما اجت هبه و خبرتا فكرتي انا و متلبكة و عم افرك ايدي ببعضن ،انفجرت ضحك علي هبة :هههههههه عم تمزحي بقيت ملامح وجهي جدية و حزينة ،قمت على الغرفة و رجعت انا و حاملة بايدي صندوق خشب ،فتحتو و حطيتو قدام هبه على الطاولة هبة:..... نرمين:ما عم امزح هبة:مجنونة،يعني لا عقل و لا منطق و لا حتى شرع بقبل يلي عم تحكيه ،اصلا كيف خطرلك هيك فكرة شيطانية ،لك بعدين سيرين ما بتقبل ...لك ما بعرف شو بدي قلك ،صدمتيني سكرت هبه الصندوق بعصبية هبة:بلا جنان نرمين:بيعيلي اياهن انشالله يطبقوعلى المليونين ... هبة:بلا تخبيص؛بلا جنان نرمين:هبه ما بدك تساعديني بهالموضوع ،انا بمشي فيه لحاالي هبة:لك انت فاهمة شو عم تحكي نرمين:فاهمة منيح هبة:بدك تلعبي لعبة خطرة ،رح تخسري فيا كتير نرمين:بكل الاحوال انا خسرانة ،على الاقلية هيك بكون حاولت هبة:شو بدك تقليلا تعي نامي ...لك ما عم تطلع معي بالحكي و بعدين كملي حياتك طبيعي ،المرة بحاجة و انت عم تستغلي حاجتا ...العضوة: 275918 , منذ 4 سنوات
نرمين: و انا بحاجة كمان و بعرف منيح شو يعني بحاجة ...بحاجة حدا جنبك... بحاجة اهتمام... بحاجة كلمة حلوة ...بحاجة احساس بالامان ..بحاجة دفشة صغيرة لقدام ...انا بعرف الحاجة منيح لانو عشت طول عمري بحاجة و يلي بعرفو اكتر انو الحاجة بتبرر الوسيلة هبة: بس ما لهل الدرجة يا نرمين ..ما لدرجة انو ..تبيع حالا يعني ،تستأجريا سنة كاملة .،مستحيل تقبل و رح تقلعك من بيتا و تبهدلك لك حتى زوجك مفكرتيه غبي لهل الدرجة ،ما يعرف و ما يحس .. نرمين: رح حاول ،رح جرب كل شي ،انا متل الغريق و عم يتعلق بقشة ،ما عندي خيار تاني؛بيعيلي اياهن و انت ما تدخلي هبة:كيف ما اتدخل وانا اصلا يلي عرفتك عليا ، نرمين انا وقت اللزوم لازم احميكي من حالك و من افكارك نرمين:انا بدي انقذ حياة ابنا وهي تنقذ حياتي ،هاي هي كل القصة ،لصالحي و لصالحا و بعد سنة كل واحد برجع لحياتو قامت وقفت هي و معصبة ،قمت وقفت انا و عم حطلا الدهبات بكيس ،سحبت جزدانا و حطيت الكيس بقلبو هبه:رح بعلك اياهن بس انا ما دخلني و ما تجيبي سيرة لسيرين انو خبرتيني بهالفكرة ..المجنونة تاعيتك نرمين:ماشي و انا ما معي وقت كتير ،فادي عندو سفرة قريبة على تركيا و لازم يتم كل شي قبل ما يرجع من سفرو هبة:استغفر الله استغفر الله تاني يوم اجت هبة و جايبتلي المبلغ هبه:انا لهون و ما دخلني بقا ،اذا استمريتي بهالجنون ما بقا تتصلي فيني ابدا و انسيني نرمين:هبة! هبة:سلام .العضوة: 275918 , منذ 4 سنوات
نطرت فرصة لشوف فادي رايق و خبرتو انو بدي روح عند الكوافيرة و غير لوك ،بعد تردد منو و ترجي مني ،وافق على مضض،بعد ما وصلني ابو العز على صالون التجميل ،لبست شال على كتافي و حطيت باروك و نظارات شمسية و نزلت انا و منزلة راسي و تابعت طريقي لعند سيرين،كنت مترددة كتير و خايفة من ردة فعل سيرين ،بس كنت مصرة انو تابع بالموضوع ،اول ما فتحتلي الباب ما عرفتني للوهلة الاولى نرمين:انا نرمين ...يلي جيت مع هبة كرمال الفستان سيرين:اه عرفتك ،تفضلي بس كانو مغيرة ... نرمين:باروك فتت و قعدت على الصوفا و شلت نظاراتي سيرين:اهلا و سهلا فيكي،وين هبة؟ نرمين:ما بتعرف انو انا جاية لعندك و يا ريت ما تخبريا لانو في موضوع بخصني و بخصك بدي احكي معك فيه سيرين:خير انشالله تفضلي نرمين:...ممكن كاسة مي رجعت من المطبخ ،اعطتني كاسة المي ،شربت رشفة و حطيتا على الطاولة و اخدت نفس و هي عم تطلع فيني و ناطرتني احكي نرمين :قبل ما احكي بدي تسمعيني للاخير بدون ما تعصبي او تاخدي ردة فعل عنيفة اتجاهي او تقلعيني من بيتك ... سيرين:لا اعوذ بالله ،ما بحياتي قلعت حدا نرمين:و بعد ما تسمعي كلامي برجع القرار الك بالرفض او القبول و بوعدك ما بقا رح ترجعي تشوفي وجهي مرة تانية عندك بحال رفضتي رفض قاطع ... . سيرين:تفضلي نرمين :..انا ..انا اسمي نرمين ...ربيت بعيلة فقيرة مع ابي و مرتو و اولادا بعد ما توفت امي بحرب التمانينات ،اذا بتتذكري ..صحي كيف بدك تتذكري و انت كنت صغيرة يمكن.. سيرين:ايه كان عمري سنة بس سمعت بالحرب،الله يرحما نرمين: تعيشي،بعد ما ماتت امي بالقصف و نزل البيت عليا ،ابي تزوج على امي و اكيد بتعرفي كيف الحياة مع مرة اب ،شغلتني عند الناس بشطف ادراج بعد ما مات ابي و بخدمتا و بخدمة بناتا ،فيني قلك انو كنت سندريلا بس طبعا من غير الامير يلي بيجي بينقذا لسندريلا بالاخير ،بعد ما صار عمري 18 سنة زوجتني لزوجي فادي بطمع منا بمالو و قبول مني لاخلص من حياة الذل عندا و ما بعرف اصلا ليش ما زوجتو لوحدة من بناتا ،بس اصطدمت بشخصية فادي المتسلطة و المستبدة ،العضوة: 275918 , منذ 4 سنوات
كنت مفكرة يعوضني شوي عن حنان الام او سند الاب او عن الظلم و الشقاء يلي قضيتو مع مرة ابي سمية بس كان تكملة بس ،على كل حال حياتي معو بكل المقاييس ازبط من حياتي مع مرة ابي و بناتا و كانت ماشية تمام نوعا ما حتى عرف انو ما بجيب اولاد و هلأ بهالفترة صار عم يهددني بالطلاق و يرجعني لبيت مرة ابي للحياة القديمة لشطف الادراج مجردة من كل شي حتى من حقوقي و متاخري و من دهبي يلي هن كل حيلتي سيرين:ما بيقدر طبعا نرمين:لا بيقدر ؛فادي تاجر كبير و ايدو واصلة سيرين:طيب ليش عم تقليلي هالحكي انا شو بقدر فيدك او ساعدك ! نرمين:انت الوحيدة يلي فيكي تساعديني و انا الوحيدة يلي بقدر ساعدك بعملية ابنك سيرين:ما فهمت ! فتحت جزداني و طالعت كيس المصاري و فتحتو و حطيتو قداما على الطاولة ،اطلعت فين و كانو عندا رغبة لتلمسن ،بقيت عم تطلع فين و تحكي معي نرمين:هدول مليونين و الك سيرين:الي ! نرمين :ايه الك ،كرمال عملية ابنك و زيادة حبة ،و هدول كل يلي معي ،بعت كل دهبي كرمال يزن سيرين:كرمال ابني؟ رفعت نظرا عن الكيس و اطلعت فيني بنظرة حادة و كأنو فهمت كل شي بدي احكيه قبل ما احكيه سيرين:شو المقابل! نرمين:المقابل...المقابل ..انا بدي ولد ..منك فتحت عيونا على الاخر سيرين:بدك جبلك ولد و اعطيكي تربيه ،طب روحي و تبني ولد نرمين:لا ما هيك قصدي ،بدي نبدل بيني و بينك ؛انا اخد محلك و انت تاخدي محلي لمدة سنة بس .. سيرين:عفوا !شو عم تحكي انت يا بنت ،احكي حكي مفهوم تلبكت و بلشت تأتئ و دخل الكلام ببعضوالعضوة: 275918 , منذ 4 سنوات
نرمين:انا و اياكي منشبه بعض بكل شي ؛باالشكل و حتى باالصوت ...ما حدا رح يعرف لا زوجي و لا زوجك ...سنة وحدة بس ...لتجيبي ولد و بترجعي لحياتك و انا برجع لحياتي و ما رح احرمك منو للولد ،رح تبقي تشوفيه ....انا همي انقذ زواجي و حياتي ..و هدول الك كرمال ابنك ،ضحي بحالك كرمال ابنك..اكيد بيستاهل ..انا ...انا حياتي ما سيئة بالعكس ....اذا قبلتي رح تعيشي مبسوطة بيت كبير متل القصر غير بيتك هيدا ..اطلعي ...شوفي ...العفن و الرطوبة .. و الاثاث التعبان و هنيك شو ما بدك بيحضرلك ...تياب و مال و خدم و كل شي بتحلمي فيه و انا رح ابقى هون محلك و اتحمل حياتك ...اصلا ..رح تشوفي فرق كبير بين هون و هنيك ...شو قلتي ... سيرين:...... نرمين:قدرت وصلك فكرتي ؟ سيرين:..... نرمين:ما تفكريني عم استغلك ،وللله ما عم استغلك (تبكي) ______سيرين_____ نزلت على الارض عند رجلي و هي عم تبكي وترجف و تترجاني نرمين:الله يخليكي سنة وحدة بس لتجيبلي ولد و بعدا ارجعي لبيتك و انا بخصصلك كل شهر راتب الك و لابنك ،بوعدك اقلبلك حياتك لنعيم سيرين:اذا بتريدي قومي اقعدي محلك نرمين(تبكي): بدي ولد ..بدي ولد و الا بطلقني و برجعني لعند مرة ابيالعضوة: 275918 , منذ 4 سنوات
تركتا و قمت وقفت و فتت على المطبخ استوعب شو طلبت مني ،استندت على المجلى لحافظ على توازني ؛كان صوت بكاها و نحيبا واصل لعندي ،كانت مرة مجنونة ...مجنونة كتير لتقترح علي هيك اقتراح و انا كنت مجنونة اكتر منا ،حطيت الركوة على النار و عملت قهوة و طلعت ضيفتا انا و ساكتة ،كان شكلا متماسك افضل من قبل ،شربت اول رشفة من القهوة و هي منزلة راسا كانو خجلانة من حالا و من يلي طلبتو .. نرمين:سيرين فكري على راحتك ....هاي رقمي حطت شقفة ورقة بيضا على الطاولة هي و عم ترجف نرمين:اذا قبلتي ،اتصلي فيني و خلينا نحكي بالتفاصيل ؛ فادي عندو سفرة قريبة و هيدا الوقت المناسب ... شربت كل الفنجان دفعة وحدة هي و عم تتفادى النظر بعيوني و قامت وقفت هي و متلبكة و قبل ما تطلع من الباب التفتت علي نرمين:انا ما بدي تفكريني انو عم استغل حاجتك ،ولله لو عندي هالمبلغ و ما بحاجة شي لاعطيكي اياه بدون مقابل لتعملي عملية لابنك ،انا ما سيئة ،انا ظرفي و واقعي هو السيئ بقي فكري و عقلي طول نهار مشغول بكلام نرمين ، اجا جمال المسا و فات هو و حزين سيرين:بسألك شو صار معك ولا بفهم لحاالي؟ جماال: ما ضل حدا ما طلبت منو و الكل يقلي ما معي ،لك صرت خجلان من الناس يلي دينوني و ما سديتن ،صرت اذا شفتن بالطريق بغير طريقي .. سيرين:شو يعني ؟ قعد على الصوفا و حط ايديه على وجهو و صار يبكي جماال:ما طالع بايدي شي ... سيرين:يعني هيك الولد بدو يضل مشلوح جوا ،رح يروح من ايدينا ،رح نخسرو .. جمال:قليلي شو اعمل ... سيرين:.... قعدت على الصوفا قبالو هو شارد و انا شاردة ،كنت عم احسبا من كل الجهات ،اديش ممكن اطلع كسبانة و اديش خسرانة اديش بكون عم خون زوجي و خون ربي و انسانيتي ... اذا رفضت خسرت ابني و اذا قبلت خسرت حالي . . اديش بقدر اتاقلم بحياة جديدة و انخرط بحياة انسان تاني مع وجوه و شخصيات جديدة و فكرة انو تجي وحدة ما بعرفا منيح و تحل محلي و تاخد زوجي و بيتي و تكون ام ابني هيدي الفكرة خلتني اتردد كتير ما لاني بحبو لجمال يلي كان زواجي منو عن قناعة ما عن حب و ما كان قدامي فرص او خيارات كتيرة غيرو و بوضعي بس لاني خفت ما اقدر اتحمل بعدي عن يزن حتى حسمت امري بالنهاية ...العضوة: 275918 , منذ 4 سنوات
الجزء التالت: انا مستعدة اعمل اي شي اي شي حرفيا حتى يعمل يزن عمليتو و يطيب ... جمال:بشو عم تفكري ...سيرين ...سيرين ... سيرين:ايه ...اعطيني موبايلك شوي جمال:ليش؟ سيرين:بدي احكي تلفون مع هبه يلي حكتلك عنا تامنلي المبلغ فتت على الحمام و اتصلت بنرمين ،فصلت الخط بوجهي و بعد دقيقتين اتصلت فيني و هي عم تهمس سيرين: انا ...سيرين ...هيدا رقم زوجي نرمين:ايه توقعت انت ،لهيك فصلتلك ،كان زوجي جنبي ؛شو صار معك ؟ سيرين:انا ...انا موافقة .. نرمين:عنجد ! سيرين:ايه ،جيبيلي المصاري بكرا .. نرمين:لا ما بقدر بكرا،بعد يومين رح يسافر فادي ،رح اجي لعندك و اخدك عند الكوفيرة لنعمل شوية تعديلات على شكلنا وبعدين انت بترجعي على بيتي و انا على بيتك و معي المبلغ و مباشرة رح اسعى بعملية ابنك سيرين:كيف يعني؟يعني انا ما رح كون موجودة مع ابني بعمليتو؟ نرمين:لا ،انا يلي رح كون محلك ،هادا الوقت المناسب للتبديل ،زوجك متوتر و ملتهي بابنو و زوجي مسافر ،يعني الوسط مخربط شوي و ما حدا رح ينتبه .. سيرين:...طيب ...اهم شي ابني يكون بخير نرمين:رح طمنك عليه و رح خليكي تحكي معو و تشوفيه .. سيرين:طيب انا جاهزة ،و موجودة بالبيت ايمت ما جيتي اعطيت الموبايل لجمال و انا عم ابتسم سيرين:خلص انحلت و اخيرا جمال:من وين؟ سيرين: من هبة ...قلتلي جمعتلي المبلغ كامل من رفقاتا و من جمعية خيرية بتكون لرفيق ابواالعضوة: 275918 , منذ 4 سنوات
جمال:لحمدلله ،قلت ربي ما بيقطع بحدا سيرين:ايه لحمدلله جمال:يعني تامن كل المبلغ سيرين:ايه كلو طبعا بس في شغلة ،بدي قلك اياها بس ما تعصب جمال:شو في احكي؟ سيرين:انا كنت نادرة انو اذا بيتامن مبلغ عمليتو ليزن انو اطلق منك سنة كاملة و اتفرغ للصلاة و العبادة و للشكر جمال :شو ؟شو هالندر؟ سيرين:غريب بعرف بس هيك طلع على لساني فجأة جمال:ايه خلص منفتيه ... سيرين:لا لا ما تفتيه ،ما بينفتى اصلا ،انا حابة اوفيه جمال:سيرين هاي سنة لو شهر او شهرين ... سيرين:بتمرق متل الحلم بتمرق جمال:هلأ خلينا بيزن و عمليتو سيرين:اي طبعا.... لهيك ....طلقني هلأ جمال:طلقك هلأ ؟ شو صاير معك ؟ سيرين:هلأ يا جمال بدي هلأ ،طلقني هلأ ___نرمين_____ فادي:نرمين ...نرمين طلعت من البرندا على صوتو لفادي و حطيت الموبايل بجيبة بنطلوني نرمين:ايه فادي:شو عم تعملي هون ؟ نرمين:عم شم هوا فادي:ما كملتيلي و بعد ما قلتلك الكوافيرة ما رح تستقبلك لانو ما اخدتي موعد منا شو عملتي؟ نرمين:علقت معا و بهدلتا .. فادي:انت علقتي معا ! نرمين(متلبكة): ايه انا ، و بهدلتا قدام كل زباينا و قلتلا ما بقا رح ارجع دوس محلك فادي:ولله لو بشوفك بعيني ما بصدق نرمين:ليش؟ فادي:لانو بعرفك اضعف من نملة ،يمكن هي بهدلتك و مسحت ارض الصالون فيكي و انت ما حكيتي كلمة نرمين:طيب على راحتك ما تصدقني ،هلأ دلتني هبة على وحدة شاطرة كتير ،رح روح لعندا بعد ما تسافر، يعني رح ترجع تلاقيني بنيولوك ،ما رح تعرفني ههههههه فادي:الله يستر و خاصة اذا هبة هي يلي دلتك عليا ما نمت من فرحتي بهديك الليلة ، بعد يومين سافر فادي و انا انطلقت لعند سيرين ،اخدتا و رحنا عند.كوفيرة ،صبغت و قصيت شعري متل شعرا و هي غيرت لون شعرا للاشقر و عملت اظافيرا ،كنا طول القعدة عم نحكي سوا ،انا عم خبرا عن تفاصيل حياتي و فرجيا صور الناس يلي احتمال تحتك فين و هي عم تخبرني عن تفاصيل حياتا نرمين:هيدا العنوان ،الطابق التالت ،رح تطلعي من هون هلأ و رح يكون ناطرك الشوفير اسمو ابو العز هو يلي رح يوصك على البيت و لاي محل بدك اياه طبعا بعد ما تاخدي اذن فادي سيرين:ايمت راجع ؟