بتخافي ؟!
- لأ .. أنا بنت ما بتخاف !
- بتخافي؟
- كم مرة بدي عيدها ؟ لأ انا بنت ما بتخاف ..
- شيلي نظرة هالقوة الي بعيونك .. شيلي كبريائك .. جبروتك .. كرامتك .. وجاوبيني .. بتخافي؟
- ليك رح اعطيك ياها من الأخير
أنا مرقت بأبشع شي ممكن تتخيله ..
انحطيت بأصعب مواقف ..
خسرت عالم حياتي كانت واقفة علين !
ومع هيك مشيت .. وبكيت لحالي كتير ..
كنت السند لحالي كل الوقت ..
كبرت قبل عمري بكتير .. وبعدها هالطفلة عايشة فيي ..
تحملت الي ما بيحملوه جبال و كفيت ..
ف من كل عقلك عم تسألني اذا بخاف ..؟
حبيبي
أنا كل شي خفت منو صار و خلص ..
لدرجة لو شو ما رجع مرق معي مارح يكون أصعب ولا أيّ خسارة رح تكون أكبر ..
لهيك لأ .. أنا ما بخاف ! 🖤