-1-
انا كانت حياتي كتير طبيعيه، روتينيه… و تقليديه صبيه بال 24 خلصت دراستها و قعدت بالبيت حبت ابن جيرانها و عاشو كم يوم مراهقة و تجوزو عادي جدا ما كان في اي شي بختلف عن بقية هالعالم… جوزي مهندس و وضعنا كان مرتاح… و اجا هداك اليوم و عرفت اني رح صير ام، كان عيد لهلا بتزكر احساسي.. فرحتي دموعي كتير غريب هاد الاحساس و فرحة جوزي كان متل الطفل الصغير و قال قومي بسرعه نجيب قرفه و جوز ههههه طلع معي صبي و نوينا نسميه كرم و مرت احلى ايام عمري يمكن اي ام بهيك مرحله بتخاف ع طفلها بس انا كنت بالغ بخوفي كتيرررر عطول كنت موسوسه و كل يوم نط لعند الدكتورة بدون مبالغ… جوزي كان يفوت من الشغل يلاقيني جاهزة و لابسه و ياخدني لعندا مره اجا لقاني نايمه و ارتعب يا حرام صار يصحيني و يقلي تعبانه؟ بسرعه البسي يلا بدنا نروح قلتلو لا اليوم اخي رحت الصبح بكير مع امي☺ وهيك مضيتها دلال و توتر… عشقت جوزي كتير بهديك الفترة حسيت انو حبيتو اكتر و و قربنا لبعض اكتر.. و قرب يشرف كرم بيك عملنالو غرفه كتير حلوه. لونا ازرق فاتح و جهزنا تيابو و زيننا البيت و جهزت ضيافتو… كنت كأني اميرة لما رجعت ع البيت و ابني على ايدي.. كان متل الملاك صغير كتيرررر و هادي… كان ماسك باصابيعي.. فتت ع البيت و حاسه
العضوة: 378864 , منذ 4 سنوات
البيت و حاسه حالي انسانه جديده… مخلوقه جديده رهف اليوم كتيررررر مختلفه عن رهف ايام زمان.. بلشت المباركات و هالعالم ما كانو يخلصو و انا مو مسدئة ضل انا و ابنا و جوزي.. بعد اسبوع خلصو العالم و ضلو الاهل و حسسناهن انو بدنا نضل لحالنا حتى امي طلبت منا تروح ع البيت لان جوزي بساعدني بشو مابدي و هيك قعدنا انا و حسام و ابنا الحلو و صرنا نتخانئ بيشبه مين اكتر؟ عيونو متل عيوني انفو و شعراتو متل جوزي و بس يضحك يطير عقلنا… للحظة حسيتو رح ينطق و يقلنا لك مو كنت اعقلو قبل ما تجيبو ولد ما كنت خليه يبعد عني ابداااا ما كنت اشبع من ريحتو.. هديك الليله كان كتير يبكي و ضليت انا و حسام نتمشى فيه و نلاعبو ليسكت… عزبنا كتير بعدين حسام نام من التعب ضلست عم لاعبووو لتعبت قلت خليني طعميه يمكن جوعان الولد.. اخر شي بتزكرو اني كنت عم العب بشعراتو و شايفتو هدي و عم يغفو عيونو و كان عم يرضع… و من التعب نمت… و ما حسيت…العضوة: 378864 , منذ 4 سنوات
-2- رهف رهفففف رهف قومي… رهف الولد لك رهف --- لك شبك يا الله اتركني نايمه لك الولد راااااااح الولد راااااااح يا يابي قوووم حبيبي كرم قوم ابني رد ع ابوك قوم ابكي… قوم حبيبي لك يا بابا قومي يا عمري انت.. اخد معي وقت لاستوعبت شو الي صار… بس اخد معي وقت اكتر لسه لاتقبل الي صار… محدا لامني او عاتبني على الي صار بس انا النار كانت عم تاةلني و فتت بحاله عصبيه يمكن طبيعي هيك بس مو طبيعي ضل 4 شهور هيك.. ما كنت طيق حدا ابدا… صرت عصبيه و عدوانيه و الكل حاول يساعدني بس انا ما كنت رضيانه ساعد حالي… لحد ما الكل يئس مني… و بطل حدا يزورني حسام بعد شهر تحسن و قوى حالو و كمان ضل جنبي.. تحمل مني شي مافي مخلوق بتحملو كان يعمل الاكل و يجيبو لعندي ع التخت و يضل يقنعني لاكول ينظف و يغسل و يكوي و يمزح معي و يحاول يلعب معي و يفتح احاديث… بس انا كنت متل الحيط بالعكس كنت انزعج منو و ضل قلو بس اتركني بحالي.. اجا يوم من الايام و قلي.. حسام: ليكي يا بنت الحلال لهون و بكفي الله اعطى و الله اخد مين انتي لتعترضي ع حكم ربك، بكفي والله مليت مليت من دموعك و عصبيتك… لك اتطلعي بحالك صايره متل الامواتالعضوة: 378864 , منذ 4 سنوات
صايره متل الاموات بالعاده بضل ساكته و ما برد بس هالمره رديت.. رهف: هه… و لا كأنو ابنك الي مات مو هيك؟ حسام: نعممممم!!!!! هلا هاد الي طلع معكككك؟!!! هيك بتقليلي؟؟؟ هي جزاتي يارهف العمى بئلبك شو بدك انتي شو بدك رهف: بدي؟ … بدي تحلو عني و تتركوني بحالي حسام: لك انا جوزك…. انا جوزك تحملت كل شي و طولت بالي بس و بعدين؟ ع شو ناويه فهميني والله قرفت هالحياه رهف: ازا مو عاجبك محدا جابرك تتحمل حسام: كمااااان؟؟ … سكت حسام و حكى كلمه يمكن كان قصدو فيها يصحيني ع حالي… بس اعطت معي نتيجه غلج،، قلي ليكي اةا بدك تضلك هي انا بدي طلق.. لفيت وشي عالحيط و حطيت راسي لنام و قلتلو ايه طلق شو يعني ما عادت فارقه.. مابعرف كيف طلع من تمي هيك حكي و كيف كنت اتصرف… بس ما حكيت كلمتي الا و فتح باب الغرفخ و فكرتو رايح… وقف و قلي انتي طالق…. وطلع و سكر الباب و انا ما سدئت حالي شو سمعت.. اتطلعت وراي و ضليت اتطلع ع الباب بدون و لا كلمه…العضوة: 395385 , منذ 4 سنوات
😢😢😢😢😢العضوة: 378864 , منذ 4 سنوات
-3- انصدمت بس ما كنت طايقه حدا، حملت حالي و رحت ع بيت اهلي و زادو همي و هن يسالوني شو القصه و ما كنت رد ع حدا ضليت هيك كمان اسبوعين و بعدا بلشت حن لجوزي بس كنت زعلانه منو و ناطره يجي يرجعني اجت حماتي و قعدت معي و قلتلي قومي ارجعي معي و جوزك رح ينبسط فيكي و انا راسي و الف سيف ما برجع ليجي يعتزر و يطلب السماح و بدي جاهة و ما بسامحو كيف طلئني و انا بعز حاجتي!! حماتي انصدمت من حكيي و اخدتها ع خاطرها انو ما عملتلها كرامه و انا مو شايفه شي قدامي الا انو انا خسرت ابني و لازم الكل يعملي الي بدي ياه و محدا يزعلني…. كان محروق قلبي و ما عم فكر صح طبقت الشهر عند اهلي و هون طلعت من ازمة خسارة ابني و صار بدي ارجع لجوزي بس كرامتي ما عم تسمحلي احكي معو و محدا رجع لعندي بعد زيارة حماتي… صارو اهلي يقنعوني يرجعوني هن.. و ما كنت اقبل بنوب و بعد فترك ما عاد جابولي هالسيرة انو هن يرجعوني و كنت رح ارضى لو حدا منن يحكي بس كنت خجلانه.. ومابدي ينكسر عودي هيييييك لوقت ما زارتني مها رفيقتي من ايام الجامعهالعضوة: 378864 , منذ 4 سنوات
زارتني مها رفيقتي من ايام الجامعه مها: يعلي عليكي قالبه على نصك رهف: شفتي شو صار فيني، مابكفي مصيبتي راح مني ابني لا و حسام هيك عمل فيني الله لا يسامحو مها: لا تزعلي ياعمري يضرب هو وياها ان شاء الله ما بيتهنو ببعض و لا يفرحو بيوم ياااارب رهف: لك مين هن؟ مها: هو وياها لهل حربايه، لك يبعتلها حمى ما انو استحت ع حالها بعد ما تركها و حبك و تجوزك رجعت لفت عليه… بس يلا تئبريني ما اخدتو الا من فضلتك و لا تزعلي انا ما عاد فهمت شي و صار البي يرجف رجف رهف: مين الي اخدتو شو عم تحكي انتي؟ مها: كيف يعني.. عبير… مو قلتيلي كانو يحبو بعض و هي جوزك و تركها و حبك الك ؟ والله ما عدت فهمانه عليكي رهف: طيب و شو دخلها عبير؟ مها: اه؟ انتي كيف يعني ما بتعرفي؟ رهف: مشان الله تحكي لك شو القصه وضليت ساعه اترجاها تفهمني شو في و شو قصدها… اخر شي قالتلي انو حسام خطب عبير و بدهن يتجوزو طيب و انا؟ و انا شو بدي اعمل!! لك انا بحبوووو و هو بحبني كيف عمل فيني هيك كيف عمل فينيالعضوة: 378864 , منذ 4 سنوات
-4- الكل قلي احكي مع جوزك و حاولي تكسبيه قبل ما يتجوز و تقع الفاس بالراس بس ما كنت متقبله الفكرة ابدا ر حسيت بالخيانه و صارت افكار تاخدني و تجيبني انو كان بعدو على علاقه معها كل الوقت و انو ما حبني ابدا و كان يكزب علي و ما قدر يينساها.. هيك لوقت ما قررت انو خلص يطلع هالبني ادم من حياتي… و وصيت الكل ما عاد حدا يجيبلي سيرتو حتى لو مات ما بدي اسمع عنو شي و لا بدي اعرف عن عرسو و لا شي عن مرتو و صرتي ادعي عليه بقلب محروق… و صارت الايام متل السم كل شي راح مني فجأة يا الله مين بسدء اني كنت عايشه احلى حياه بالكون و بغمضة عين بس بغمضة عين!!! صرت هيك… وحده يائسه محدا بتحملا و لا بحب يقعد معا… ابني راح و جوزي راح و بيتي راح… صرت حس حياتي بلا معنى، قررت اتوظف بمدرسه و اشتغل انسه يمكن بس شوف الاولاد قلبي يرتاح.. و فعلا صحتلي وظيفة بمدرسة خاصه كان الراتب يادوب يغطي مواصلاتي و مصروفي بس كان امل بالنسبه الي.. بلشت داوم… مرت سنه و ما بعرف شي عن جوزي او… طليقي مو جوزي يمكن صار عندو ولد كانت هالافكار تموتني خلال ايام دوامي تعرفت ع صبي اسمو محمد… كان بالروضه مع اني ما بدرس روضه بس شفتو و لهفلو البي صغير و حكياتو حلوين و ضحكتو بتجنن كنت كل فراغ عندي روح لاعبو و شمو و يطير عقلي عليه…العضوة: 378864 , منذ 4 سنوات
و يطير عقلي عليه… مع الوقت حبيت اتعرف ع امو و اخدت رقم ولي امرو من السجلات و رنيت رد علي رجال… حكينا شوي و انصدمت انو محمد امو ميته من وهو بيبي و ما بيعرفا.. و استغرب ابوه من سؤالي و فكر في شي و اصر يجي يقابلني و يفهم شو القصه و ما عاد عرفت اخلص منو و خفت من ادارة المدرسه يعملولي مشكله لهيك طلعت قابلتو برا المدرسه و فهمتو سبب اتصالي و انو كل وقتي بقضيه مع محمد و بحبو كتير و هو ما استغرب قلي انو هو كان يلاحظ انو محمد صار يحب الروضه و كان يرجع مرتب و شبعان و احيانا معو اكلات...و حكينا شوي و بعدا صرت اهتمامي بمحمد اكبر لان كنت ازعل عليه انو بلا ام… صار كأنو ابني روحي تعلقت فيه و ابوه صار يأمني عليه و يجبلي ياه… تغيرت كتيررررر رجعت متل اول و احسن اضحك و امزح و اطلع و فوت و كان كل شي منيح الا لما اتزكر حسام كان يوجعني البي لان لسه بموت فيه.. و بيوم من الايام دقلي الساعه 11 بالليل و انا متت رعبت فكرت صاير شي لمحمد رديت و قلتلو شو في محمد منييييح؟ ضحك و قلي لا بس حابب احكي معك استغربت و انزعجت منو كتير… يعني مفكر ماسكني من ايد الي بتوجعني انو بحب محمد قلت خليني شوف شو بدو.. و ضل سحكي مقدمات و يلف و يدور لوقت ما فاجئني و طلب ايدي!!!! -العضوة: 444896 , منذ 4 سنوات
تكملهالعضوة: 378864 , منذ 4 سنوات
5- طيب و حسام؟ انا لسه بحبو بحبو كتيرررر و روحي معلقه فيه.. بعد ما حكيت ت مع اهلي و اخدت رأي الكل… شفت انو معهن حق صار لازم كمل حياتي… و الاكتر من هيك انو حبيت ينقهر حسام…. كان بدي احرق قلبو متل ما حرق قلبي و ما كنت فهمانه شو عم اعمل سألت عنو لاعرف ازا وصلو الخبر و لا لا… و عرفت انو مسافر!! شكلو اخد حبيبة القلب و هرب… و انا ما عندي كتير خيارات… و للاسف وافقت ع كريم ( ابو محمد) و بعد ما وافقت و مشي الحال بلش الخوف و صرت حس اني عملت مصيبه… بس شو الحل!! ما عاد طالع بايدي شي و ما كنت متجرئة احكي لاهلي انو ما عاد بدي غير محمد الي كنت فرحانه فيه كتيررر… دست على كل مشاعري… جبرت حالي اتقبل كل شي… كنت ابكي كل الليل و ما تهنيت بشي حتى ما رضيت البس فستان بحجة انو خلص نحنا تنين كبار و مو بوارد هالقصص و كريم ما كان عاجبو هالشي و كان حاسس اني مو مبسوطه بس كنت لفلف الموضوع.. لوقت ما اجا هداك اليوم الاسوود و تم العرس… تركت شغلي لاتفرغ لبيتي… ما قدرت حبو ابدا حسام كان بكل زاويه بكل مكان بلشت راجع كل شي صار بلشت حس اديش كنت انانيه و مجنونه و صرت شوف كل اخطائي… صرت اتزكر كل التفاصيل.. انا شو الي عملتو بحالي يارب..العضوة: 378864 , منذ 4 سنوات
الي عملتو بحالي يارب.. كريم كان شخص عادي همو انو ابنو يكون مرتاح… حاول يتقرب مني و نحب بعض بس ما تركتلو مجال بنوب… ورد و مشاوير و فساتين و غزل…. بس شو الفايده و انا قلبي بمكان تاني… بعد كل هالعزاب و الوجع قررت احكي مع حسام بس بأي عيييين!!! عنجد بأي عين… و كيف و انا ست متجوزه كل ما تجي عيني بعين كريم اخجل و اتهرب… اخر شي لقيت حل انو اعمل حساب وهمي عالفيس و ابعتلو و هيك بتطمن عليه لان نشف قلبي بس نفسي احكي معو كيف ما كانت الطريقه… و هاد الي صار..العضوة: 444896 , منذ 4 سنوات
كمليالعضوة: 444896 , منذ 4 سنوات
رفعالعضوة: 444896 , منذ 4 سنوات
احب قصصك حلوينالعضوة: 378864 , منذ 4 سنوات
ان شاء الله عمري❤