كتبتهم لصحبتي و قولت أنزلهم هنا يمكن يفيدوا حد
احنا هنولد في الصيف بإذن الله لو واحدة هتولد في الشتا ممكن تزود ليها روب و للبيبي فالنات كم و بورت شتوي بدل الكوفرتة
بصي بالترتيب كدة
أولاً النونو :-
١-طقم المستشفي ( السلوبيت و الكوفرتة)
٢-طقم داخلي (سلوبت كات او نص كم)
٣- خمس حفاضات احتياطي
٤-طقم احتياطي للطوارئ(سلوبت كات و سلوبت خارجي)
٥-ساتر الرضاعة عشان لو حد هيزورك في المستشفي مترضعيش قصاد حد
٦- لو بيبي بنت حلق طبي
٧-ببرونة صغيرة لو بتولدي قيصري
ثانياً الأم:-
١- جلابية أو بيجامة
٢-طقم داخلي مريح ( براه و بانتي)
٣- بندانة او طرحة سهله اللف و خفيفة
٤- توكة للشعر و مشط أو فرشاه و صابونة و كيسين شامبو
٥- فوط الولادة
٦-شبشب مُريح
٧- اسدال خروج أو عباية أو فستان مُريح
٨-فوطة تنشيف
٩-طقم ملاية سرير و كيس مخدة عشان لو بتقرفي من المستشفيات
١٠-مزيل عرق
ثالثاً الأوراق:-
١-صورة بطاقة الأم و الأب
٢-قسيمة الزواج
٣-فلوس المستشفي😅
رابعاً
١-تُرمس فيه أي مشروب سخن
٢-زجاجة لبن بالتمر
٣-فينو و جبنة أو أي أكل خفيف ليكي و لجوزك
٤-زجاجة ماية و كوباية بلاستيك
٥-عصاير و بنبوني
٦-شاحن الموبايل
اللي عنده اضافة تاني يقولها يا جماعة يمكن اكون نسيت حاجة و اللي هتولد قيصري تعمل حسابها انها مش هتاكل لحد لما يقولك الطبيب
العضوة: 1284803 , منذ سنة
جزاك الله خير كمان فيش ثلاثي علشان ما تضمني المستشفى كيف تكون كهربته موافقه لشاحن جوالك أو لاالعضوة: 1205007 , منذ سنة
من أي دولة؟ الحلق الطبي عنا بتركيا ما يقبلوا يحطوه لطفلة قبل عمر السنة انتو من يوم الولادة؟العضوة: 966802 , منذ سنة
من مصر دي زينا 😅🙌العضوة: 1325960 , منذ سنة
ماهو الحلق الطبي ؟؟العضوة: 966802 , منذ سنة
ممكن ترودي ع تعليقاتي ياقمر ف بوستاتكالعضوة: 558319 , منذ سنة
وعنا بلبنان كمان هيكالعضوة: 1243596 , منذ سنة
شكراااالعضوة: 177517 , منذ سنة
في مصر الكهرباء موحدة جزانا الله الخير و إياكم حبيبتي ❤العضوة: 177517 , منذ سنة
من مصر و عادي عندنا من اوي يومالعضوة: 177517 , منذ سنة
أم الدنياااا 😍😂العضوة: 177517 , منذ سنة
حلق من الصيدلية بيكون مناسب لحديث الولادةالعضوة: 177517 , منذ سنة
عنيا ليكي ياقلبيالعضوة: 177517 , منذ سنة
بيكون قماش بنلبسه في الرقبة يشبه لمريلة المطبخ و بيكون فيه جزء للتهوية للطفل