الجزء_الاول ..
نور .. مشان الله يا زينب الحقيني ابوي بدو يزوجني لواحد سعودي واكبر مني بكتير ومتزوج مشان يستر علي انا رح جن رح يوقف قلبي
زينب .. يا روحي انت اهدي والله حاسة فيكي صلي عالنبي شو رأي خالتي ؟
نور .. امي مو طالع بايدا شي ابوي مصر يزوجني حتى يستر على فضيحتي قبل ما يموت لانو ما حدا من يلي تقدملي رضي فيني بعد ما عرف قصتي
زينب .. ياربي دخيلك طولي بالك الا ما ربنا يحلها انت مظلومة واهلك بيعرفو بس طولي بالك ..
زينب قعدت تفكر هي بتحبها كتير لنور بتكون بنت خالتها وعلى كتر محبتها كانت بدها تزوجها زوجها وتنزلها ضرة عليها بس لحتى تسترها بس ما حدا من العيلة رضي
نور بنت حلوة كتير بيضا طويلة عيونها سود وشعرا أسود كانت طموحة اعتقلوها بحلب لانو كانت تسعف الجرحى واغتصبوها بالسجن وبعد ما ابوها دفع مبلغ كبير طلعت بس طلعت وحدة تانية عندها رهاب وخوف من كل الرجال لهيك قررت تدخل جامعة وتشتغل لحتى ما بيوم تحتاج حدا بس ابوها كان مصر يأمن عليها قبل ما يموت ..
زينب .. انا بالمانيا وهي بسعودية كيف بدي ساعدها ياربي دخيلك يارب وقف معها يااارب
العضوة: 378864 , منذ 4 سنوات
ياربي دخيلك يارب وقف معها يااارب كانت زينب عم تتصفح عالفيس شافت مجموعة لمساعدة السوريين في السعودية انضمت الها وشافت الادمن يلي فيها اديش بحب يساعد الناس وشهم والو لهفة ع ولاد بلادو ترددت كتير وبعدين بعتللو رسالة .. زينب .. مسا الخير حمزة .. اهلين مسا النور زينب .. كيف اخي حمزة .. الحمد لله بخير كيف بقدر ساعدك ؟ زينب .. انا بصراحة .. زينب ترددت كتير شو عم اعمل انا ؟ عم افضح بنت خالتي لواحد ما بعرفو ياربي ساعدني خلص رح احظرو وكأني ما حكيت معو حمزة .. اختي احكي لا تخافي انا بساعدك ان شالله على قد استطاعتي زينب .. اتشجعت وقالتلو انا مو بسعودية مالي بحاجة لشي بس بنت خالتي .. حمزة .. شبها بدها شغل ؟ زينب .. يعني ازا بدها شغل بتدبرلها ؟ حمزة .. هي زيارة ولا اقامة ؟ شو شهادتها ؟ زينب .. زيارة معها بكالوريا وهلا سجلت بمنحة بالجامعة للزائريين بس هي ما بدها شغل هي بنت عيلة ومو بحاجة حمزة .. لكن ؟ زينب .. انا بدي منك خدمة انت باينتك ابن حلال ممكن تسمعني وتفهمني ؟ حمزة .. اي اتفضلي زينب .. بعد ما دخلت ع بروفايلو وشافتو انو هو معارض وبخاف الله ومثقف حست انو ممكن يتعاطف معها ويتفهمها كتبتلو .. بنت خالتي بنت كتير زكية وحلوة وبتخاف الله وما بتقطع فرض بس لما كانت بحلب اعتقلوها واغتصبوها وبحلفلك يمين انو هي اطهر من مية الندى وانا عندي وراق السجن ايمت دخلت وايمت طلعت وعندي ورقة طبية بتثبت انو الي صار معها صار بفترة ما كانت بالسجن .العضوة: 378864 , منذ 4 سنوات
معها صار بفترة ما كانت بالسجن .. انتظرت زينب ردة فعلو بس هو ضل ساكت خافت كتير وصارت ترجف لانو عم تحكي معو واسمها الحقيقي موجود عالصفحة اجت لتحظرو شافتو عم يكتب .. يتبع بالجزء الثانيالعضوة: 378864 , منذ 4 سنوات
-2-لجزء_التاني .. حمزة .. حسبنا الله ونعم الوكيل الله ينتقم من الظلام شو المطلوب مني ؟ زينب .. ابوها بدو يزوجها لواحد سعودي ومتزوج ازا بتعرف انت شي ابن حلال ممكن يتزوجها ويستر عليها بس ما يكون كبير ومتزوج ويكون سوري واهم شي عايش بجدة بنفس المدينة يلي اهلا فيها لانو بتخاف تتركهن ياريت تخبرني انا والله لو بعرف حدا بسعودية ما كنت لجئت لهالطريقة بس انا بحبها وهي مظلومة مابدي تنشلف هالشلفة واهلها اكابر ومو بعينن شي يعني ما تاكل هم لا متقدم ولا متأخر بدهن السترة لبنتن وبس حمزة .. ماشي ان شالله خير انا بعرف كتير شباب بجدة رفقاتي رح اشوف واحد ثقة واخبرو والله يقدم الخير زينب .. ماشي عم انتظر ردك شكرا كتير .. زينب .. نور شو صار معكن ؟ نور .. مافي شي لسا عم أجلو لبابا مشان هاد السعودي عم قلو انتظر لتطلع نتائج المنحة وبعدها بنخطبلو بس انا رح اموت كل يوم بكا ما بعرف لايمت بحسن أجلو رح انتحر وخلصن مني زينب .. مجنونة انت حرام هالحكي انت مؤمنة بربنا وهاد امتحان الك لا تفشلي خلي ايمانك بربنا كبير زينب كانت بدها تخبرها بس عم تنتظر جواب الشب حمزة وهو عم يفكر .. بكرا رح أخبر أحمد. أحمد شب بخاف الله ومتأكد رح يوافق حتى قبل ما أخلص كلامي وصلى الصبح ونام .. شاف بمنامو بنت حلوة كتير عم تطالع لولو من البحر وتشكو بالفستان كانت طاهرة وعم تشع نور بس كانت قريبة كتير من البحر قرب منها وقلها انتبهي لتغرقي قالتلو مارح اغرق وانت معي .. فاق حمزة كان عرقان كتير وقلبو عم يدق وجسمو عم يرجف وفسر المنام فورا على انو لازم هو يلي يخطبها بس هي بجدة وهو بالمدينة ومع ذلك بعتلها رسالة لزينب ..العضوة: 378864 , منذ 4 سنوات
حمزة .. صباح الخير زينب كانت عم تنتظر رسالتو باللحظة .. صباح النور حمزة .. فيكي تعطيني رقم امها للصبية ؟ زينب .. لاقيت شب ؟ بهالسرعة ؟ حمزة .. اي .... انا ! زينب .. انت شو ؟ حمزة .. انا بدي اخطبها زينب ما توقعت ابدا بس فرحت كتير وقالت فرجت الحمد لله وعطتو الرقم زينب .. انا رح قول لنور انك من معارف زوجي وهو دلك ما بدي قلها انا حكيت معك عالنت لحتى ما تتحسس حمزة .. اسمها نور ؟ زينب .. اي وعمرها 21 بيضا عيونها سود وشعرها اسود حلوة وطويلة حمزة .. ماشي بس انا كمان بدي قلك شي زينب .. شو ؟ حمزة .. انا ما رح خبر امي بوضع البنت ياريت تنبهي على اهلها بس امي راحت زارتن ما يحكولا شي حمزة شافها ساكتة وكمل .. انا وحيد امي وبعرف كيف بتفكر ما رح ترضى تاخدلي بنت بوضعها اسف عهالكلمة بس انا بعرف امي كتير منيح هي ما تزوجت بعد وفاة ابي حتى تتفرغ لتربيتي وانجح وتفرح فيني ما رح ترضى والزواج قراري والموضوع بخصني لوحدي لهيك مافي داعي تعرف زينب .. ماشي مو مشكلة الله يسعدك ويجبر بخاطرك ويجزيك الجنة انا مالي عرفانة شلون اشكرك حمزة .. مافي داعي للشكر انا عم اعمل واجبي واقل شي ممكن ساويه تصبحي على خير زينب .. وانت من اهلو زينب ما حسنت تستنى للصبح بعتت لنور فورا عالواتس زينب .. فايقة وليه ؟ نور .. اي ما عم يجيني نوم زينب .. هاتي البشارة لكن نور .. بشارة شو ؟العضوة: 378864 , منذ 4 سنوات
نور .. بشارة شو ؟ زينب .. زوجي بيعرف شب كتير منيح رفيقو هو بسعودية وحكالو عن وضعك ووافق يتزوجك وامو رح تحكي مع خالتي نور .. والله صرتي يا نور سيرة عكل لسان والناس عم تركض لتداري فضيحتك زينب .. ليش هيك عم تحكي تضربي اسكتي احسن ما احظرك ها نور .. هههههههه ماشي وشو مواصفاتو عريس الهنا ؟ زينب .. بتصدقي ما بعرف نور .. هههههه ستي شو ما كان احسن من يلي رح يجوزني ياه ابي زينب .. صعيه بدي قلك امو ما بتعرف بوضعك بس هو نور .. ليش بقا ؟ زينب .. قال بجوز ما ترضى بتعرفي انتي الامهات بدن الكاملة المكملة لولادن نور .. اي انا يلي بعرف جننوني وهنن يكسرو بخاطري كل ما يعرفو بوضعي تروح الام وما ترجع زينب .. يا روحي انت ان شالله ربنا رح يعوضك بس اصبري نور .. ان شالله يارب حمزة .. امي ايمت بدك تخطبيلي ؟ ام حمزة .. يا عمري انت هاد يوم المنى اني افرح فيك من بكرا رح دورلك على عروس بيضا شقرا وعيونها زرق وطويلة وبنت عيلة ودارسة جامعة كمان انت بيلبقلك ست النسا حمزة .. يخليلي ياكي يا امي رفيقي عطاني رقم جماعة وقلي اكابر كتير وبنتن حلوة ومرباية هنن بجدة رح اعطيكي رقمهن ام حمزة .. لك ابني خلينا ندور هون انا مريضة اش بياخدني على جدة حتى اخطبها ؟العضوة: 378864 , منذ 4 سنوات
حمزة .. امي لو ما مدحلي منن كتير انا كمان ما كنت برضى بس منشوفها مو خسرانين شي ام حمزة .. وشو مواصفاتها ؟ حمزة .. بيضا وعيونها سود وشعرها اسود عمرها 21 ولسا ما دخلت جامعة ام حمزة .. بالله شو ؟ يعني لو شقرا وعيونها زرق كنت مرقت قصة الجامعة بس لا هيك ولا هيك على شو بدنا نروح نشوفها لكن ؟ حمزة .. يا امي مو كلشي شقار وزراق الله يخليلي ياكي شوفيها وبعدين منحكي وانا اصلا ما بدي شقرا ما بحب الشقار صلي عالنبي وخدي هي الرقم احكي معن حكت ام حمزة مع ام نور وقالتلا اني رح انزل على مكة اعمل عمرة وبعدين اعدي على جدة اشوف الصبية قالتلا اهلا وسهلا .. ام نور .. نور ماما جاييكي خطابين نور .. يا فتاح يا عليم ايمت جايين ؟ ام نور .. بعد بكرا الظاهر هدول نفسن يلي باعتن بنت خالتك بس كأنو الشب عايش بالمدينة مو هون نور .. شوووو؟ ام نور .. شبك شو صرلك ؟ نور .. امي انا بدي عيش هون جنبكن ما بتركن بخاف ام نور .. لك امي صلي عالنبي لسا ما صار شي خلينا نشوفن بالاول نور .. ماشي نور .. زينب ليش ما قلتيلي انو الشب بالمدينة ؟ زينب .. ما كنت بعرف نور .. شو اعمل هلا ؟ زينب .. خلص شوفيه وشوفي ربنا شو كاتب نور .. خير ان شالله اجت ام حمزة وطلعت نور متل الأميرات فلتت شعرها الأسود الطويل ولبست فستان ناعم وما حطت مكياج لانو اصلا مو بحاجة لما شافتها أم حمزة صلت عالنبي وحبتها كتير حكت معها وشافتها شقد راكزة واكابر وبعدين طلعت بام نور وقالتلها .. ام حمزة .. ما شالله عليها متل القمر ام نور .. تسلمي هاد من زوئك ام حمزة .. ايمت ممكن يجي حمزة مشان يشوفو بعض بتعرفي نحن بالمدينة وقاعدين هلا بفندق ياريت يكون الموعد قريب ؟العضوة: 378864 , منذ 4 سنوات
الموعد قريب ؟ نور صار قلبها يدق ام نور .. بكرا منيح ؟ ام حمزة .. اي تمام الله يقدم الخير يالله عن اذنكن ام نور .. نورتينا يا مية السلامة نور ما نامت بليلتها كانت عم تخبر زينب كلشي اول بأول وقلبها عم يدق بسرعة عم تستنى بكرا بفارغ الصبر وهي عم تتخيل شكل حمزة نور .. شبك يا نور ؟ لا تحلمي كتير وتحطي آمال وتعيشي بالوهم لا تنسي انو هو رح يتزوجك شفقة بس ولحتى يستر عليكي قومي نامي وسلمي امرك لله والصباح رباح واجا يوم الشوفة .. يتبع بالجزء الثالثالعضوة: 370047 , منذ 4 سنوات
وين الكمالةالعضوة: 216202 , منذ 4 سنوات
@user-378864 حلوة.. كمليالعضوة: 158470 , منذ 4 سنوات
كمليالعضوة: 445910 , منذ 4 سنوات
كمليالعضوة: 378864 , منذ 4 سنوات
ضاع عمري .. الجزء_الثالث .. واجا يوم الشوفة كانت نور واثقة من نفسها كتير بس من جوا مكسورة بس ما كانت تحب حدا يشوفها هيك مشان ما يشفق عليها كانت طالعة أميرة عن جد ساوت القهوة ودخلت سلمت وضيفتن .. وصلت لعند حمزة ضيفتو وما طلعت فيه ولا حكت طلع فيها بهدوء وابتسامة صغيرة اخد القهوة وقلها يسلمو ايديكي طلعت فيه صار يدق قلبها قالتلو الله يسلمك وقعدت حكو شوي الاهل وهو ما شال عينو عليها حمزة .. يالله ما احلاكي يا نور سبحان الذي خلقك وبعدين ام نور وام حمزة قعدو بغير غرفة حتى يحكو شوي لحالن حمزة .. كيف نور نور .. الحمد لله بخير حمزة .. مابدك تطلعي فيني طيب ؟ طلعت فيه نور كان حمزة شب بياخد العقل عمرو 28 حنطي طويل عيونو خضر ودارس هندسة بتتمناه أي بنت نور .. بدي قلك شي ممكن ؟ حتى اختصر الطريق علي وعليك حمزة باستغراب .. اتفضلي تشجعت نور وحكت يلي بقلبها .. انا بدي نتزوج كم شهر بس وبعدها بطلقني لحتى بابا يرتاح بس انا ما بدي اتزوج ومستحيل اتقبل اي رجل لهيك بدي زواجنا يكون حبر على ورق ووقت الطلاق ما رح اطلب منك شي لا متقدم ولا متأخر ورح رجع المحبس والدهب وكلشي وحط انت السبب يلي بدك ياه للطلاق وخلي هالشي بيناتنا ما بدي اهلي يعرفو وبدي ضل هون جنب اهلي موافق ؟ حمزة.. ما استغرب ابدا يلي عم يسمعو لانو بيعرف وضعها ووافق وقال شهرين تلاته وبيمضو ومنطلق بس بعدين تغير كلشي ..العضوة: 378864 , منذ 4 سنوات
بعدين تغير كلشي .. حمزة .. زينب ممكن تحكيلي شوي عن نور ؟ زينب .. انا حكيتلك عنها كلشي هي بتحب الخير كتير وطيبة بس بعد يلي صار معها ما عاد توثق بحدا وبتجيها كوابيس كتير بالليل وبتفيق عم تصرخ لهيك قالتلك تبقى جنب اهلها عندها رهبة وخوف تبعد عنن حمزة .. وشو كمان ؟ زينب .. طموحة وبتحب العلم وشاطرة بالطبخ حمزة .. هههههه هي اهم شي ماشي شكرا الك زينب .. عفوا الله يختار الخير خطبو فترة كم شهر كانو احلا ايام حياتها لنور كان يعاملها متل اي مخطوبين يتغزل فيها ويجبلها هدايا ويحكي معها كتير هي كانت خجوله وكل ما تفكر فيه ك حبيب كانت تمنع حالها وتقول لا تتعلقي بشي لأنو كلو وهم وطلعت النتائج وقبلت نور الجامعة ونقل حمزة شغلو على جدة طبعا بدون ما يقول السبب لامو قلها الشركة هي نقلتني وهي رفضت تروح معو قالتلو ما رح اترك جوار الرسول هي اختي وابنها ساكنين تحتي وكل يوم بتطلع لعندي وبعد كم يوم صار العرس .. مع انو كان زواجن حبر على ورق اصر حمزة انو يصلو ركعتين سنة الزواج كانت هي خايفة كتير يخلف وعدو بس بعد ما خلص الصلاة اخد المخدة والغطا وطلع نام برا عالديوانة هي ارتاحت كتير غيرت لبسها بس ما حسنت تنام خافت يفيق بالليل ويدخل على غرفتها كانت بتعرفو منيح بس ما بتوثق بحدا وما نامت ليلتها وهي تطلع وتدخل لحتى تتأكد انو نايم لحتى حس عليها وتاني نهار .. يتبع بالجز الرابعالعضوة: 378864 , منذ 4 سنوات
ضاع عمري .. الجزء_الرابع فاقو تاني نهار ساوا قهوة ودق عليها الباب حمزة .. صباح الخير نور .. صباح النور انت عامل القهوة ليش معزب حالك حمزة .. لا ابدا لا عذاب ولا شي كأنو امبارح ما نمتي ؟ نور .. اي كنت تعبانة حمزة .. في قفل لباب الغرفة ازا بدك اقفلي على حالك بالليل نور خجلت كتير منو وحست انو حس عليها انو خايفة وسكتت حمزة .. انا ما باكل حدا نور احمرو خدودها وقالتلو لا مو هيك .. حمزة .. يالله ولا يهمك شو بدك نتغدا اليوم ؟ نور .. اي شي متل ما بدك وهيك مرق اسبوعين صارت تداوم عالجامعة وتلتهي بدراستها وتحاول تتجنب تلتقي فيه بالبيت هو كان كتير منيح معها وما قصر عليها بشي كان يراقبها وهي عم تدرس وتاكل وكان يوصلها عالجامعة وقلبو يدق كل ما يشوفها وهي تحس بالامان طول ما هو معها هو ينام برا وهي تقفل على حالها الباب بالليل وبيوم .. نور .. شو بتحب اساوي اليوم ؟ حمزة .. بدك تطبخي ؟ نور .. اي حاج اكل جاهز حمزة .. متل ما بدك كلشي من ايدك طيب نور .. طيب هات عنك انا بكمل القهوة اخدت منو ومسكلها ايدها صارت ترجف وبعدت فورا وكملت القهوة وبالليل نام كالعادة برا هو وهي قفلت على حالها الباب وفجأة فاق على صوتها وهي عم تصرخ بعدو عني بعدو عني حاول يفتح الباب ما فتح حمزة .. نور شوفي افتحيلي ما كان يسمع غير انها عم تبكي وتصرخ وبعدين فتحت الباب وهي عم ترجف نور .. كانو هون كانو بدن يقتلونيالعضوة: 378864 , منذ 4 سنوات
نور .. كانو هون كانو بدن يقتلوني حمزة وبدون ما ينتبه .. حبيبتي مافي حدا لا تخافي انا جنبك وضمها وهي صارت تبكي وتقلو لا تتركني بدن ياخدوني حمزة .. خلص هي انا معك اتركي الباب مفتوح وبعدها ما عاد قفلت الباب على حالها ابدا كان كل يوم يكبر حبها بقلبو وهي تحبو اكتر واكتر نظراتن حركاتن واهتمامن كلشي كان عم يقول انو هو وهي بحبو بعض بس هي كانت تخاف انو يغدر فيها وياخد يلي بدو ياه ويطلقها وهو كان متردد وخايف من ردة فعلها ازا بادر بشي ولما خافت يكبر هالحب وتنصدم بعدين قررت تحكي معو .. نور .. حمزة ممكن احكي معك بموضوع ؟ حمزة طفا التلفزيون وطلع فيها وعيونو عم تلمع قلها انت بتأمري هي خجلت وتلبكت وبعدها تشجعت وقالتلو ايمت بدنا نطلق ؟ كان قلبها عم يتقطع وهي عم تقول هالشي هو اطلع فيها بخبث وابتسم حمزة .. ليش لنطلق شفتي مني شي ؟ قعد جنبها وكان نفسو قريب عليها كانت متلبكة وقلبها يدق وعم تقول عكس يلي جواتها تماما نور .. لا ابدا ما شفت منك شي بالعكس انت مافي منك وما بعرف شلون بدي اشكرك ع يلي عملتو حط ايدو على تمها وحضنها حمزة .. هسس انا ما عملت شي كانت عم تدوب كانت مشتهية تضمو وتقلو بحبك بس .. نور .. بس نحن متفقين عالطلاق حمزة .. ما اتفقنا على شي اتفقنا اني ما المسك حتى ترضي وانا عند وعدي ومستعد انتظرك العمر كلو بكفيني عايش معك بنفس البيت وعم اتصبح كل يوم فيكي