ولادتي 20/1/2021 الساعه 8:20 صباحا يوم الاربعاء رحت للمستشفى يوم الاتنين مراجعه عاديه وما كنت حاسه بحركه البيبي نهائي فحصتني الدكتورة كل شي منيح والتوسع 1 حكيت ما بحس بالحركه ف حكتلي ادخلي اعملي تخطيط .. عملت تخطيط لمده ساعه وما تحرك البيبي نهائيا 🙂💔 ع طول حولوني ولاده 😣💔 كتبتلي اخد طلق صناعي .. رحت البيت جهزت حالي والشنته وبعتت ابني عند حماتي😭💔 ورحنا المستشفى دخلت ع قسم الحوامل وبدو يعطوني طلق صناعي حبوب 🙂💔 كل 6 ساعات حبه .. اول حبه ما عملت اشي ولا أثرت .. والتوسع 1 .. تاني حبه اثرت شوي وصار التوسع 2 .. ما رضيو يعطوني الحبه التالته لانو صار معي وجع .. زاد التوسع ل 2 ونص بسسس😣💔 المهم ضليت أطلق واتوجع واتعذب وفحص داخلي كل شوي تعذبت والتوسع 2 ونص مش زايد .. اجا الدكتور حكالي الليله ازا ما ولدتي بطلعك ع الساعه 6 الصبح تلدي بعطيكي طلق صناعي ف الوريد .. فعلا ما ولدت وع الساعه 6 طلعت ولاده 😣😣 دخلت الدكتورة تجهزني فحصت داخلي ونزلت مية الراس .. طلبت أبره الضهر .. حطت الي طلق بالوريد قبل الإبرة تاعت الضهر وللأسف دكتور التخدير المفروض يعطيني الابره تأخر لاجا .. وبدأ الطلق وبدأ العذاب شفت النجوم بعز الضهر .. ربي ما يورجيكم ولادتي يا الله .. تعذبت ساعه ونص والدكتور لسا ما اجا .. صار التوسع 6 واجا الدكتور .. خلال ما كان يحضر بالابرة اجاني 3 طلقات طبعا صعبات جدا لانو صناعي ف الوريد .. ما كنت قادره امسك حالي مع الطلق ضربني الإبرة 7 مرات لحتى زبطت وانا اتعذب متت 😣💔 .. زاد التوسع وقرب راس الجنين ينزل .. وحكت الي اثني رجليكي وامسكيهم لجهة صدرك وادفعي لتحت 😣💔 يا الله شو تعذبت يا الله الوجع .. ضليت ادفع لقرب الرأس ينزل .. والدكتوره توسع بايدها لحتى. ينزل البيبي وانا حسيتها مزعتني .. حكيت الها مزعتيني وهي تحكي لا ما مزعتك .. المهم ربنا قواني ودفعت وطلع الرأس .. ودفعت مره تانيه طلع الولد 😭💔 كل هذا يهوووون عن المشيمه 🙂💔 ابدا ما رضت تطلع .. والدكتوره تسحبها بدون نتيجه .. اجتمعو كل الدكاتره تقريبا 9 عندي بالغرفه كنت رح اعمل عمليه لحتى يطلعو المشيمه لأنها ملتصقه ومنفجره ف بطني 😭💔 .. كانت الدكتورة مخيطتني وخالصه تقريبا 25 قطبه او اكتر .. اجا الدكتور دخل ايدو ويا الله الوجع عذاااااب وصار يحرك فيها يحاول يسحب المشيمه وايدو التانيه ضاغط ف بطني .. يا الله عذاب زياده فوق الولاده .. المهم بعد شوية وقت طلع المشيمه .. وارتحت .. خلوني ساعه بالتخت ما قمت بعد الولاده وانا ارجف وما اقدر اتحرك من الوجع .. بعدها نزلت الحمام مع امي وتحممت ولبست ونزلت لغرفتي .. وللان احس بوجع والله يهونها علينا جميعا