اخر دورة ٢ / ٢ / ١٤٤٢ هجري ميلادي: 19 / 9 / 2020 الفرق بين حملي الاول والثاني وجنس كل واحد منهم حملي الاول: خفيف جداً ما كرهت شيء غير القهوة العربي ، كنت اطبخ وعادي مايجي غثيان قوي، احس نفسي خفيفة وماثقلت ، مانحفت ولا سمنت اثناء الحمل ، بطني صغير وجاية على قدام بالطول يعني، الحركة حقت البيبي كانت خفيفة نوعاً ما ، وجبت ولد .. حملي الثاني: متعب جداً خمول مع كسل ورغبة بالنوم ، فقدان الشهية كبير ، غثيان قوي خصوصا من روايح الطبخ ، نحفت مايقارب ٣ كيلو بالاشهر الاولى، حسيت بالثقل من بدري من الشهر السابع صارت حركتي ثقيلة ، بطني صغير وجاية على قدام بالطول الحركة: كانت كثيرة وحسيت فيها بدري، كان توقعي بجيب بنت عشان اختلاف الحمل وجبت ولد… الخلاصة انه دكتورتي تقول مالها دخل الفروق بين الحمل بجنس الجنين، قصة ولادتي: بالاسبوع ٣٩ بصراحة مليت من التعب والثقل وسمعت عن كبو الهدب>شوفوه بقوقل يوم الخميس الساعة ١٢ حطيت جمرة بعد ماشغلتها بمبخرة وحطبت فوقها الهدب ولبست جلابية عشان مايروح البخور واستنشقته من تحت وبالغت بالاستنشاق بدت تنزل لي افرازات خضراء مع شوي حمار وانا واقفة ماشاءالله جاب مفعول قوي 😂 نمت وصحيت الجمعة بدت تنزل لي الافرازات الحمراء والبنية اللي هي سدادة الرحم يوم الجمعة كله بدت تنزل لي الافرازات البنية والحمراء مع طلوق خفيفة محتملة بدت تشتد الطلوق بعد العشاء الجمعة جبت هدب من جديد وتبخرت فيه وحمدلله بدت تشتد الطلوق بعد الساعة ١ وصارت غير محتملة الطلق يروح ويجي استغليت الوضع بالوقوف ورحت اغسل البيت تجهيزاً لزوجي يجلس والبيت نظيف ١٠ على ١٠ 😂 وهذا افضل شي لتسريع الولادة عشان الجاذبية تسحب الطفل اخذت دش حار يريح اعصابي الساعة ٣ الفجر وللان الطلوق تجي وتروح كل ٢٠ دقيقة وتجلس ٤٠ الى ٢٠ ثانية تقريباً ببرنامج حساب التقلصات وكانت غير محتملة وطلق حار الساعة ٥ الفجر رحت اسوي لي كوب حليب حار يريحني صرت امشي بالبيت افضل لي اثناء الطلوق الساعة ٧ رحت للمستشفى وكشفت علي قالت ٥ سم ي ألله ي الفرحة يوم قالت لي الحممدددلله ❤️❤️ نقلوني لغرفة التوليد وربطوني بالسرير وحطوا لي جهاز الطلق وكان يشتد ويقصررر كنت انتف شعري واضرب راسي 😭 وكان معي خاتم استعفار استغفر واحوقل الساعة ٨ ونصف حسيت بدفع ورغبة بالتبول دفعت ثلاث دفعات وولدت حمدلله وجاء ولدي ربي يحفظه ويبارك لنا فيه وسبب لي تمزق ماقصت الدكتورة العجان بس خيطتني وخمسة ايام والام الخياطة مررة خفيفة اللهم لك الحمد لدرجة خفت ان الخياطة فتحت بس شفت بالمرايا ما انفتح الجرح❤️ بطفلي الاول هم قصوني وتأخرت بالشفاء مرة وفوق هذا الام شديدة بسبب الخياطة وجاني عدم قدرة بالنحكم بالبول عنايتي بالنفاس : اول ماولدت صرت اخذ ملين غني بالالياف حبوب عشان لايصيبني امساك مبتعدة عن النشويات اكلي كله من القرصان البر واللحم يومياً اكله مشروبات دافية كوب زنجبيل يومياً وقت العصر اكل لي خيار وطماطم مع بقدونس او جرجير عشان تروح الدوخة اللي تجيني لتر ماء يومياً عشان الرضاعة الطبيعية ثلاث ملاعق يومياً حلبة = اول ما اصحى من النوم والمغرب ووقت النوم البس بنطلون وشراب اخاف لايدخلني هواء😟>مدري هذي اشاعات الحريم او لا بس تفادياً لأي شيء 😂 الخياطة اغتسل بماء دافئ مطهر الجروح بيتادين اغتسل فيه وامسح على الجرح والكريم (سيني ميب بلس) احطة ع الغرز مرة باليوم عشان مو زين يكون المكان دايم رطب لانه يأخر بالشفاء ناوية بعد ١٠ ايام من الولادة واذا لاحظت ان الجرح بدا يقرص ويلتأم ببدا اغتسل بملح ومرة عشان ينشف الخيوط وتنزل استودعكم الله استفدت من التطبيق مرة وافدت الله يجعلها في ميزان حسناتنا جميعاً (خير الناس أنفعهم للناس) دعواتكم لي ربي يسخر لي زوجي واطفالي ولكم بالمثل❤️❤️