العضوة: 81671 , منذ 6 سنوات

حمدالله ع سلامتك عقبالنا ان شاءالله

العضوة: 56868 , منذ 6 سنوات

كملي

العضوة: 58985 , منذ 6 سنوات

نزلت قسم الولاده وجت دكتوره وحده ثانيه وقاست وسوت تحريض وراحت جت بعدها وحده ثانيه وكشفت وسوت تحريض وكانت مؤلمه بشكل وقالت مفتوح 5 ونص والراس نازل تحت ولحد هذا الوقت كان يجيني طلق منتظم لاكن خفيف لمتوسط الالم واحيانا يشد بمجرد ما اروح دورة المياه اتبول يروح الالم اجلس ساعه نص ساعه ويرجع اروح دورة المياه ويختفي ثاني 🙁 تعبت كثير لانه الطلق كان يشد وبمجرد ما اروح اتبول او اتبرز يروح طبعا كان عندي امساك ماعالجته واعطوني حقنه شرجيه واتعبتني طول الليل وانا اعاني وفيني نوووم فضيع ومو قادره انام بمجرد ما اتسطح يجيني الطلق قوي جلست للساعه 2 ورحت امشي والدكتوره تشجعني وقت المشي مايجيني طلق ابدا بس احس بطني مشدود واذا نمت على السرير الطلق يرجع لحد ما اروح دورة المياه وبعدها يختفي تماما 😔 تعبت من هذا الحال لاني احس بألم من المغرب والطلق انتظم كل 5 دقائق لاكن يروح فتره ويرجع بنفس القوه والفاصل الزمني والدكتورات والقابلات كل وحده تجي مره تكشف من تحت وتقيس التوسع اتعبوووني والالم اتعبني والارهاق والجوع والملل والتوتر كلها اجتمعت في وقت واحد اخر وجبه اكلتها اول ماصحيت من النوم ومن بعدها ماعد اكلت شيء وهذا الشيء اتعبني وكنت احس بألم في ظهري من بين الاكتاف مثل البرق ينزل على تحت من غير الم الطلق كان يجي في بطني وظهري وهذا الشيء استغربته لانه اول مره يحصل معي في طلق بناتي لدرجة شكيت اني حامل في ولد لانه طلق نفس اولادي الذكور وكان يشد مرره ويستمر ساعه مثلا ويروح بمجرد ما ادخل دورة المياه وهذا الشيء استغربته ليش يحصل معاي بذات ان الطلق يستمر كل 5 دقائق طلقه قويه لمده ساعه وبعدها يختفي نص ساعه او اكثر شوي ويرجع بنفس النمط " واللي وترني ان كثيييير حوامل يجوا يولدوا ويطلعوهم التنويم واغلبهم بكريات وانا لسى على حالي لدرجة القسم مابقى فيه الا انا 😩 كنت مقهوره على حالي

العضوة: 58985 , منذ 6 سنوات

لحد ماجت وحده الساعه 3 الفجر وكنت اشوف جهاز التخطيط عليها وقت ماتكشف عليها الدكتوره يصير قوة الطلق 87 وبعدها ينزل لحد 60 او 70 ويزيد بسرعه واشوف الجهاز اللي حاطينه على بطني الطلق يوصل لحد 35 مع انه مؤلم بشده ومتعب وكنت اتعب نفسيا زيااااده اخذوها على الولاده وجلست اسمعهم وهم يشجعوها تدف مثل مثل اللي قبلها لحد ماسمعت صوت البيبي مشاء الله وفي نفس الوقت وحده ثانيه كانت تولد سمعت اصوات اطفالهم مشاء الله وانا لسى على حالي رحت دورة المياه واختفى الالم وكنت اجلس القرفصاء واحاول اسويها قد مافيني وقبل كنت اتحمم بمويه دافيه شافتني القابله وقالت لا اطلعي ماينفع كذا طلعتني طبعا اول الليل بس بعدين رحت اغسل بطني وظهري ومن تحت بمويه شبه ساخنه وكنت اتمشى شوي وجاني طلق قووووي وكنت احسبه لسى البدايه بمجرد ما اتسطح الالم يزييييد ومدة الطلقه تزيد واذا وقفت وتمشيت احس نفسي احسن بس تجيني الطلقه اوقف واجلس اتنفس لاكن ماعد تنفع طريقة شمي وره طفي شمعه صرت الهث بقوه والطلقه تروح بسرعه جلست ساعه ونص تقريبا وجت الدكتوره فحصتني قالت مشاء الله مفتوح 7 او 7 ونص بعد نصف ساعه راح نفتح كيس الجنين وانا اذا تعبت اتسطح بس مدة الطلقه تكون اطول ومتعبه اكثر ارتحت على الوقوف اكثر وكنت احس الجنين يشد على تحت مع الطلقه فادتني الجاذبيه الارضيه في هذا الشيء وقتها جلست القرفصاء شوي ووقفت وكنت امشي ادور في مكان معين واذا جت الطلقه امسك الطاوله او طرف السرير وانحني للامام شوي وتنفس بسرعه من فمي فقط وتروح الطلقه بسرعه ممكن 6 او 7 طلقات على هذا الحال بعدها صار ينزل مني نقط بول وقت الطلقه وانا واقفه وصرت امسح المكان بسرعه واوقف خوف من الالم يجي وانا امسح 😓 بس ماحبيت اخلي البول على الارض كم طلقه جتني ماطولت فيها حسيت بضغط تحت والالم صار قوي مره تسطحت على السرير وكنت احس البول ينزل مع كل طلقه نقط بول وفجأه حسيت برغبه في التبرز بس راحت بسرعه وانا انادي الدكتوره والسستر مافي احد خلاص بديت اصرخ لاشعوريا اتنهد بصوت عالي احسه يخفف عني الضغط وشدة الالم جت القابله وفحصتني قالت يلا يلا ولاده مسكت يدي وخلتني امشي بمجرد ماطلعت من الغرفه صارت تركض وتسحبني معاها 😭 وانا اترجاها تخفف السرعه شوي وماكانت ترد مشتني لاخر غرفة ولاده في القسم تعدت ثلاث غرف ولاده فاضيه واخذتني على ابعد وحده ركض طلعتني على السرير وحسيت البيبي يدفع بقووه

العضوة: 52926 , منذ 6 سنوات

الحمد لله على سلامتك العاقبة لنا ان شاء الله

العضوة: 92604 , منذ 6 سنوات

كملي انسجمت مع قصتك ماشاء الله عليك تصلحين روائية مفصله تفصيل كامل.

العضوة: 82988 , منذ 6 سنوات

@user-58985 الحمد لله على سلامتك الف الف مبروووك بس بصراحه ما حبيت طريقة في ذكر ادق تفاصيل ولادتك والله خوفتني في بنات يكتبون قصة ولادتهم بطريقه مختصره تجيب تفاؤل حتى لو تعبوا فيها وتعسرت

العضوة: 97595 , منذ 6 سنوات

تحمسنا كملي 😅

العضوة: 95254 , منذ 6 سنوات

@user-58985 الحمد لله ع سلامتك وسلامة البيبي والله يسهل وييسر لنا يا رب

العضوة: 58985 , منذ 6 سنوات

كانت تصرخ فيني ضمي رجلينك وتنفسي لاتدفعي وكانت تسكر رجليني وانا مافيني خلاص البيبي يدفع بقوه وصرت احس بتشنج وادفع غصب عني وهي تصرخ لا تدفعي وانا مافيني غصب عني البيبي يدفع نفسه لمست من تحت وحسيت في كيس الجنين وحسيت فيه راح يطلع من خوفي تحسست نفسي من تحت وهي لسى تلبس وتجهز الطاوله والادوات وتراقبني تقول نفس نفس مافي ادفع 😩 هي كل خوفها ينفجر كيس الجنين والسائل يوسخ المكان بس جت ومزقته قالت خلاص ادفعي انا ماعد قدرت استحمل حسيت نفسي في عالم ثاني خلاص تفكيري وقف كل همي اتخلص من الالم المبرح مسكت رجليني لاشعوريا واخذت نفس طويل ودفعت بكل قوتي وكنت احس الالم يقوى اضعاف مضاعفه بس مافيني اوقف دفع من قوة الالم ودفع البيبي وطلع الراس وقالت الحين ادفعي على تحت اخذت نفس سريع وكملت دفع وطلعت الاكتاف وقت الدفع حسيت بألم فضيييييع في المهبل وفتحت الشرج المهم طلعت بنوتي وخروجها كان مزعج بالنسبه لي وكنت احسها حاره بزياده حرارة جسمها ازعجتني كثير حطتها على صدري وحضنتها وكنت احس حرارتها مره عاليه اخذتها بعد ماقصت الحبل السري اخذوها ورى ستاره ما اشوفها وجت اخذت دم من الحبل السري الموصل في المشيمه قبل خروجها وفي هذا الوقت كنت لسى احس بألم قوي وقالت ادفعي معي وهي تسحب المشيمه وطلعتها وكنت احسها حاره نفس البيبي حرارتها قويه ومزعجه وبعدين جلست تفرك بطني هنا اتعبتني بجد ورجعت اصرخ وابعد يدها تقول لازم اسوي كذا وصارت تاخذ شاش وتدخله فيني وتسحبه ومره تدخل يدها وتحرك الرحم من جوى وتقول كويس كويس دم كثير وانا اصرخ الم خلاص مافيني حيل اكثر بدلت الفوطه اللي تحتي وجابت وحده ثانيه ورفعت السرير وركبته ومددت رجليني هنا قلت خلاص فرجت وانتهيت بس الم من تحت ماراح كنت خايفه يكون تمز

العضوة: 58985 , منذ 6 سنوات

ق في العجان بس الحمدلله ماحصل معي تمزقات كبيره جروح خفيفه بعد نصف ساعه جت قابله ونزلت الجزء السفلي من السرير وقالت فحص انا اشوف انتي وسوت نفس الحركه تفرك بطني بقوه وانا موجوعه من هذي الحركه سوتها مرتين ودخلت فيني شاش مره ثانيه عادتها اكثر من مره ونظفت رجليني ومن تحت من بقايا الدم وبدلت الفوطه وقالت يلا تروحي حمام سوي بول وغسلي جسمك انا رفضت بحجة التعب بعد ربع ساعه رجعت وقالت يلا قومي غسلي وبدلي ملابس نظيفه كذا احسن ترتاحي وقفتني ونزل مني دم كثير على الارض وساعدتني لحد مادخلت غسلت نفسي وتبولت وجهزتلي فوطه كبيره مسكتها على جسمي ومشيت شوي حسيت بدوخه هي راحت وتركتني وقفت مكاني اصرخ عليهم حسيت نفسي راح يغمى علي جت بصعوبه وجلست تضربني في اعلى ظهري وتصرخ خذي نفس نفس طويل وانا اتنفس بس تنهدت وقالت يلا بدلي ملابس لبستني وقالت ارجعي على كرسي ولاده نمت عليه ورجليني نازله على تحت شوي وراحت ماغطتني ولا شيء وانا تعبت من البرد ومن هذه الوضعيه ظهري وجعني كثير بعد نص ساعه جت قالت معليش مدام انتظري شوي مافي سرير في قسم التنويم 😰 وتركتني على حالي سحبت البطانيه وغطيت نفسي من فوق ماقدرت اغطي رجليني تركتني فتره ورجعت قالت يلا غرفه تنويم شوي قالت مرافق وين وراحت تدور اختي لانها جت معي مرافقه نادتها وجت واخذتني على الكرسي وطلعتني غرفة التنويم وانا نفسيتي مره متدمره من معاملتهم ومن الطلق المتقطع ومن طول المده كنت مكتأبه على الاخر ودي اصرخ وابكي طلعت غرفة التنويم ولسى فيني الم حاولت ارتاح ماقدرت احس جسمي مشدود ومتوتره رحت تحممت بس ماقدرت اوقف كنت احس جسمي راح ينكسر ظهري حسيته هش وكان جسمي من خصري و فوق يميل على ورى طلعت بسرعه ورحت تسطحت ومع رضاعة بنتي الالم يزيد ويزيد ولسى للحين ماراح بس خف عن قبل الحمدلله وللحين انا في المستشفى

العضوة: 97595 , منذ 6 سنوات

الله ييسر علينا ولادتنا والله اني خايفه بس الله يسهل لي ولكم 😞

العضوة: 58985 , منذ 6 سنوات

والبيبي تعبانه ترجع على طول وتختنق فيه وبس تبكي طول الوقت تعبت معاها ورجعتها الحضانه حتى يشوفوها ويكشف عليها دكتور كل المواليد اللي انولدوا امس عندهم نفس المشكله لاكن بنتي زياده مره وهذا الشيء مخوفني عليها كثير حديثي الولاده نادر جدا يستفرغوا يبداء الاستفرغ عندهم من ثالث يوم او رابع يوم مو من بعد الولاده بثلاث ساعات بنتي كذا من اول رضعه وهي تستفرغ مع اني اكرعها وارضعها كميات قليله كل ساعتين 15 ملي حسب كلام السستر تبع الحضانه لاكن مافي فايده الاستفراغ مستمر عندها ادعولها تكون بخير ونطلع اليوم بالسلامه😔

العضوة: 73751 , منذ 6 سنوات

ياحبيبتي فكري بالتفريج بعد هالكربه .. واستمتعي فيه . حاولي تشكرين ربي ع النعمه وتستشعرينها عشان تطلعين من هالجو.. والف حمدلله على سلامتك ومبروك البنوته .. 🌸

العضوة: 66076 , منذ 6 سنوات

@user-58985 ي قلبي. عليكك الله يجعل لك اجرر اقسم بالله اقرا قصتك وابكي الله يحفظ لك بنوتكك وترجع صحتك احسن من اول. 😘😚