منذ 3 سنوات
  • ما قبل الحمل
انا قصتي غريبه اشوي انا كنت انتظر احمل من وقت الي كان عمري 18 سنة والحين عمري 35 سنة يعني صار الي الحين 18 سنة انتظر هالحلم قبل لا ادري اني حامل سبحان الله كنت شاكة اني حامل حسيت بشي غريب داخلي واحساسي يقول الي اني حامل بس كنت مكابرة خفت اروح اسوي تحليل حمل في المستشفى وتتكسر مجاديفي وخفت اقول الى زوجي يجيب الي تحليل الحمل من الصيدليه وبعدين اطلع مو حامل واخيب ضنه قلت خلني اصبر باقي على الدورة 4 ايام بنتظر وبشوف وقتها حلمت حلم كاني بوسط جماعه كبيرة جالسين وانا حولهم وكانوا يجهزوا حق عرس قلت بداخلي وانا اناظر فيهم انا بعد عروس ليش مالبس حق المعاريس اشوي واشوف نفسي في شقتي فتحت الدولاب وطلعت ثوبين والاثنين نفس اللون اخضر وكانوا جدد وقلت خلني البسهم ومسكتهم الاثنين وبعدها صحيت صحيت وحكيت الى اختي الحلم وقالت ان شاء الله خير ليلة ثاني حلمت كاني في السوق وكنت امشي واتفرج على الاغراض وشفت عند وحدة ثوب وعجبني طار عقلي من جماله وقلت لها ابي اشتريه من عندك قالت هذا مو الي الى اهلي ودخلت معاها بيتهم ومااشفت نفسي الا مجلسه على كرسي بوسط البيت وانا لابسه ثوبين واخضر لونهم بعدهم وصحيت الحلمين تقريبا مشابهين لبعض المهم مرت يوم الدورة ومانزلت صار زوجي يتصل عليه بالدوام ها نزلت عليك الدورة ولا لا قلت له مانزلت قال ان شاء الله خير يوم ثاني مانزلت يوم ثالث قلت يمكن متاخره قلت خلني انتظر قال الي زوجي اروح اشتري حق تحليل الحمل قلت له انتظر اشوي يمكن متاخره قال الي انتي متعودة عليها تتاخر كذا قلت له لا اول مرة تتاخر الي كذا قال الي ان شاء الله خير صار يعاملني بحذر ومايرضى اشيل شي كل ماقلت له يمكن تكون متاخره ترى الامر مو اكيد قال انا متفائل خير ومرت 10 ايام على تاخر الدورة وقتها كنت في بيت اهلي يوم الجمعه اختي قالت الي سويتي تحليل قلها لا قالت شو تنتظري قلت لها مدري خايفه قالت اتصلي على زوجك وقولي له وهو جاي يجيب لك معاه اتصلت له وانا مترددة وقلت له يجيب وبالفعل جاب الي طول الطريق وحنا في السيارة وانا احس نفسي ارتجف وخايفه اسوي التحليل اول ماوصلنا الشقه قال الي زوجي يالله روحي سويه جلست ع السرير وانا خايفه اقول له خليها لبكرة قال شنو الفرق بين اليوم وبكره يالله روحي مدري ماحسيت ب عمري الا جلست ع السرير ابكي وانا اقول له بس انا خايفه اسويه واتحطم اذا ماطلع فيه حمل قال الي توكلي علي الله وروحي صراحه اول ماسويت التحليل ع طول طلعوا الخطين ولونهم احمر غامق وقفت بوسط الحمام احس كاني انشليت ماعرفت اتحرك او اتكلم مدري اشقد ضليت واقفه وانا اناظر التحليل مو مصدقه ان الحلم اخيرا اتحقق ماحسيت بعمري الا زوجي فاتح الباب ويقول الي شنو فيك اتاخرتي وقفت اناظر فيه ولساني مربوط من الفرحه المفاجئه مدري كيف اوصف احساسي ع طول زوجي من شافني كذا جاء جنبي بدون شعور يقول الي شو طلع حدي بس رفعت عيني عن االتحليل وقلت له خطين طلع الي خطين ماشفت نفسي الا بحضنه وجلسنا نبكي انا وهو من الفرحه بوسط الحمام وبعدها بيوم ثاني نزل مني دم وتفاجات خفت كل هم الدنيا جاني ع طول استاذنت من الدوام واتصلت ع زوجي ووداني المستشفى وقالت الدكتورة لازم اسوي لها تحليل حمل دم اتاكد من حملها واسوي لها اتراساوند وبالفعل اخذت عليه تحليل وطلعت حامل ب شهر واسبوعين واخذت عليه اتراساوندوقالت كيس الحمل واضح عندي بس يبي الي راحه وماتحرك ومااشيل شيى ثقيل ابد وطبعا زوجي من اتصلت عليه وقلت له نزل الدم خاف على طول وجاني وبالشهر الثاني نزل عليه دم من جديد وبالشهر الثالث وتنومت واكثر من مره اياخدو عليه سونار بس الحمد الله قالوا الي ان الجنين بخير ونبضه اوك بس محتاجه راحه في بدايه الشهر الثالث تعبت وار الغثيان عندي مو طبيعي بزيادة والوعه طول اليوم وانا داخله الحمام اكرمكم الله ماشفت الا نزلت مني قطته دم كبيرة خفت وماحسيت الابالله بظهري ماسك الي اسف الظهر طلعت المستشفى ع طول وزوجي كان مسافر وع طول الدكتورة قالت الي تنويم المفاجئه ان اول ماخذت الدكتورة علي السونار الا تقول الي الاثنين بخير مافيهم شي ونبضهم اوك ودقات قلبهم منتظمه انا تفاجات بقوة شوواثنين الا تقول الي التوائم بخير انا وقتها جلست ع طول من المفاجئه اقول لها توائم بس محد قال الي فيني توائم قالت معقوله محد قال لك حسيت وقتها بفرحه مو طبيعيه صعدت الغرفه وع طول اتصلت ع اختي وانا ابكي وانا اقول لها فيني 2 واختي مو مستوعبه معاي تقول الي شنو 2 قلت لها الدكتورة تقول فيني 2 مو واحد وسمعت نبضهم وجلست ابكي واضحك بنفس الوقت مو مصدقه ربي جبر بخاطري بعد هالانتظار وخليتها مفاجئه الى زوجي وانتظرت لين رجع من السفر اول مارجعت الشقه وتعشاء وجاء بينام ع السرير جيت جنبه الا اقول له عندي لك مفاجئه لف جهتي الا يقول الي شو هي اقول له انا حامل ب 2 مااشفته الا ع طول قام من السرير ووقف يقول الي تمزحين اقول له قسم بالله الدكتورة قالت فيني 2 وسمعت النبض حقهم قال لا اكيد مزحه حسيته ماقتنع يوم ثاني كان موعدي بالمستشفى واخدت عليه الدكتورة السونار وقلت لها وقتها ابي صور حق التوائم مع بعض بوريها زوجي قالت الي ان شاء الله وعطتني صورة كان فيها التوائم مع بعض جنب بعض وواضحين اول ماوصلت الشقه طلعت الصور من الشنطه الا اقول الى زوجي بوريك شي قال شو عطيته الظرف اقول له شوف اول ماشاف الصور حسيت فرح ماعرف كيف يعبر عن مشاعره هو يجلس هو يوقف وع طول قال بروح اخبر امي واهلي كان فرحان بشكل موطبيعي وهذا انا الحين دخلت الشهر السادس اول اسبوع منه وقال يارب الله يتمم حملي واشوفهم بعيوني واضمهم واشمهم مشتاقه لهم والله يرزق كل محرومة من الذريه بالدريه الصالحه يارب منقووووووووول

23 تعليقات

العضوة: 500792 , منذ 3 سنوات

ي قلبي انتي والله اتأثر بقصتك انا بقراء😭😭😭😭😭😭😭😭 وببكي والله ربنا يتمم ليكي على خير حبيبتي وتشوفي توأمك بخير وسلامة صبرتي ونلتي 😘😘😘😘😘😘😘😘😘 وراء كل ضيق فرج الحمد لله رب العالمين انتبهي على نفسك ي عمري وفرحت لك من قلبي ورح ادعلي لك تولدي بالسلامة

العضوة: 459083 , منذ 3 سنوات

انشالله تشوفيهم متل ما تتمني

العضوة: 723795 , منذ 3 سنوات

حبيبتي فرحت كثير لك الله يتمم لك يارب وكل حامل عقبال تبشرينا بالولادة نصيحة حصني نفسك كل يوم استودعي الله نفسك والبيبيات ودعواتك لي 💕

العضوة: 708000 , منذ 3 سنوات

سبحان الله مافي شي مستحيل على الله .. بس القصة منقوولة ولا هي قصتج انتي ؟

العضوة: 567343 , منذ 3 سنوات

مو قصتها ناقلتها من موقع ثاني

العضوة: 708000 , منذ 3 سنوات

ايه اقوول لان شفت البنات يباركون لها شكلهم ما يدرون انها منقولة

العضوة: 708000 , منذ 3 سنوات

كاتبة تحت القصة منقووول

العضوة: 688035 , منذ 3 سنوات

طبيعي اني دمعت😢😂

العضوة: 723698 , منذ 3 سنوات

اي القصه نقلتها من اخت معاي ف الموقع وفعلا انا نفسي تاترت كتير وربي يجبر بخاطري ويعطيني ع قيس نيتي يارب

العضوة: 536481 , منذ 3 سنوات

الله يتمم لها ولاطفالها بألف خير وصحة وسلامة

العضوة: 548864 , منذ 3 سنوات

الله يتمم لها على خير ويحفظ اطفالها يارب ان الله اذا أعطى أدهش سبحانك يارب