علاج لتكيسات المبايض (عن تجربه )حبيت اثبته عندي كموضوع لان صرت اعيد وازيد وانا اسجل الطريقه.... واذا ماكتبت حل للي محتاجه يأنبني ضميري فافضل شي اثبته عندي.... المهم دا علاج التكيسات ولتعديل الهرمونات بالخصوص هرمون الحليب (عن تجربة) بإذن الله تعالى من اول شهر بانتظاااااام تام باستخدام فقط عشبة المريمية / وعشبة المرقدوش الطريقه : اهم حاجه تكون العشبه الطبيعيه رجائن مش مشروب الي ينباع مثل المويه ،،او اللي تجي فاكياس مثل الليبتون... لا لا أبدا عن تجربتي كلهااا فاشله... يمكن تاثيرها خفيف بس لتعديل هرمونات وعلاج تكيسات لا طبعا ابد... جربتهم 3شهور مافاد توقفت وصرت استخدم العشبه نفسها من العطار مجفف المهم.....الطريقه هي انك تعمليهم مثل منقوع يعني ماء مغلييي تحطيه فكوب وتحطي ملعقتين مرقدوش وتخليه ينقع ضروري ربع ساعه اقل شي عشر دقائق ويكون مغطى تماما عشان الزيوت الطياره على قولتهم لاتطلع لازم مسكر ... وبعدها تشربيه لما يصير دافي مش مار دافي احسن بامكانك تنتظريه نص ساعه ( انا انتظره نص ساعه واشربه اشيل الغطا واشربه يصير لان دافي... بنفس الطريقه تسوي المريميه يعني ماأ مغلي منقوع الفرق ان المريميه قووووي طعمها انا كنت احذ بس ملعقة وحده يعني عود واحد صغير وتخليه ينقع نفس الشي ونفس الوقت ونفس الطريقه تماما... المريمية كوب واحد فاليوم فقط نجي للكميات ///// مرقدوش كوبين باليوم واحد الصبح اذا كنتي جالسه ورا الفطور ممتااااز لان يرخي الاعصاب اصلا... والمريمية يكون بعد الغذاء بساعه واحده يعني بعد الغذا بنص ساعه سويه . بامكانك تغيري الاوقان براحتك بس المريميه بشكل عام الي نصحني يفضل بعد الغذا والمرقدوش بتكون مرتين باليوم الافضل يكون فرق وقت بينهم ثمان ساعات مثلا او شي ست ساعات... عشان يفيد جسمك كووويس.... اني ماكنت اجلس الصبح فكنت اشرب ورا الغذاء علئ طول كوب مرقودش😿 وبعدها بساعه اشرب المريميه كوب.... وبالليل قبل النوم اشرب جوب مرقدوش كنت اسهر انام الفجر فكان كوب المرقدوش الثاني اشربه بالعاده عالساعه 1 الفجر، 😹.. المهم والاهم تركزوووو فالنقطه دي كثيرررر كثسر مهمه واحفظوووها رجااائن تبدو تسوو النظام دا من اول يوم نزول دوره ليييييين قبل يوم تبويضكم توقفو يعني يوم تبويضك 14 ؟؟....وقفي يوم 13 او 12 براحتك. ..المهم يعني ماتستمري بعد التبويض تاخذي.... لان يسبب اسقاط لو حصل الحمل ...برررضو عن تجربه لاني حملت وضليت مستمره عليهم لان الي عطتني الطريقه ماخبرتني للاسف متئ اوقف عنهم 😿😿💔 فكنت فرحانه بحملي وكنت اظن عشان يستمر لازم استمر خلاص عالمرقدوش والمريمية... بس لما اجهضت سالت الدكتوره قالت لي اعشاااب طبيه مفترض ماتستخدميها وقت الحمل خصوصا انها تعمل تنظيم هرمونات وتنشيط للمبايض.. بعدها كلمت الي علمتني الطريقه واعتذرت مني لانها مانتبهت انها ماوصتني متى اتوقف عن استخدامهم... لذلك انتو احفظو هالنقطه ضروري.. يعني نص شهر تستخدمو هالمشروبين ونقطه ثانيه مهمه بعد لاتخلطو المريميه مع المرقدووووش غلط غلط غلط. ..لاتحاولو يس تفكو نفسكم وتخلصو بسرعه وتنقعوهم سوا.... ... وارجو منكم دعوه بظهر الغيب لي بتمام ححملي وسلامته وسلامتي والله يفرج همي وهمكم يارب ولكم بمثل ماتدعون لي والله يرزق كل محروم من الذريه وربي يتم على كل حامل حملها ويسعد قلبكم يارب ياكريم