منذ 11 شهر
  • مرحلة الولادة
السلام عليكم ولدت الحمدلله قبل اسبوع في قوى الامن الرياض ولادة قيصرية ال 2 وبكتب تجربتي بحكم مالقيت تجارب قبل الولادة عن القيصرية عندهم اول شي تنومت قبل العملية ب يوم كان يوم الاربعاء واخذو تحاليل وصوموني الساعه 11 الليل وكانت العمليه الخميس الظهر + بيوم التنويم طلبو 2 يتبرعون لي بالدم قبل التنويم ولا ماينومون بدون متبرعين وهذا الشيء مزعج لان ما ارسلو الا فجر يوم التنويم اخذت بنج نصفي كانت تجربة النصفي افضل بكثير من الكلي بالنسبة لي، طاقم التمريض بغرفة العمليات كانو حنونات ومبتسمات طول الوقت الحمدلله ♥️ وطبيب التخدير كان جدا كويس ويطمن والابرة كانت خفيفه الحمدلله ولدني دكتور عبدالله بوجود الاستشاري هثيم بدر والخياطة كانت دبابيس، طلعت الغرفة بعد نص ساعه من العملية بدون مضاعفات الحمدلله واعطوني ابرة مسكنه بالعمليات قبل اطلع بعد 4 ساعات من العملية جاتني مضاعفات من البنج واستفرغت بس الحمدلله مره وحده وانتهت ع مدار اليوم الممرضات يجون يشيكون ومحلول المسكن باليد طبعا بس طلبت ابره اخر الليل ماتحملت الالم، جات ممرضه ع 11 كذا وخلتني اقوم عشان اتروش كانت القومه صعبه وبررد من بعد البنج بس اخذت الشور ورجعت ارتاح الجمعه كان الوضع اخف شوي والالم مستمر بس ماعطوني مسكن الا بالطلب وكانت كبسولات ماعطوني ابر ف اضطريت اني اتحرك شوي عشان اخفف الالم والغازات وفعلا كل مامشيت كل ماخف الالم الحمدلله السبت الظهر كان خروجي الحمدلله بشكل عام الممرضات كويسين ويساعدونك ويحنون عليك الملابس كل الايام كانت من عندهم مالبست ولا شي من اللي جبته + الفوط الصحيه موفرينها بعد البيبي عندهم وملابسه وحفاضات وحليب من عندهم ماعطيتهم ملابس الا وقت الخروج بس جابو البيبي اول يوم نص ساعه وثاني يوم 3 مرات تقريبا كل مره نص ساعة او ساعة واليوم الثالث اللي هو يوم الخروج جابوه من الصباح للظهر بعدين اخذوه وبعد لاحظت ان الدبابيس اخف من الخياطه من ناحية الالم والحركة لان الحمدلله الوضع بعد العملية اسهل من عمليتي الاولى اللي كانت خياطه تجميلي وبس اذا فيه اي استفسارات اسألوني ☝🏻

42 تعليقات

العضوة: 1536110 , منذ 11 شهر

@user-1526961 ماشاء الله الف مبروك والحمدلله على سلامتكم💕 شكرا لك لذكر تجربتك بادرة حلوة منك والله لو كل وحدة تذكر تجربتها الكل بيستفيد مشكورة💕💕

العضوة: 1526961 , منذ 11 شهر

الله يبارك فيك ويسلمك♥️♥️ ذكرت تجربتي لأني احتجت تجارب ومالقيت واكيد كثير نفسي ان شاء الله يستفيدون 🥹♥️

العضوة: 1536110 , منذ 11 شهر

@user-1526961 صح صادقة نحتاج احيانا تجارب غيرنا ولا نحصلها الله يسعدك يارب💕

العضوة: 1423710 , منذ 11 شهر

الف مبروك والحمدلله على سلامتك 🌹 ومشكوره والله على ذكر تجربتك الله يجزاك خير 🌹

العضوة: 1526961 , منذ 11 شهر

الله يبارك فيك ويسلمك 💕 اجمعين ياربي 🤲🏼

العضوة: 1513901 , منذ 11 شهر

الحمدلله على سلامتك ، ايش الابره المسكنه الي اخذتيها بغرفه العمليات ؟ وطلعتي بعد ثلاث ايام قدرتي تمشين زين 🥹

العضوة: 1526961 , منذ 11 شهر

الله يسلمك، والله ماعرف وش الابره بس اتوقع فولتارين لانها مسكن قوي! اي الحمدلله قدرت امشي اجبرت نفسي امشي ثاني يوم شوي شوي بالغرفه واروح الحمام الله يكرمك لحالي ماناديهم يودوني اقوم نفسي شوي شوي وامشي شوي شوي وارجع وكل ماقمت حاولت امشي زياده + تخف الغازات وتطلع مع المشي والحركة وثالث يوم الحمدلله تحركت اكثر وخف الالم بنسبة فضيعه بس اهم شي اطلبي مسكن كل ماحسيتي ب الم ولاتقومين تمشين الا بعد المسكن وان شاء الله ربي يسهلها عليك ♥️

العضوة: 322418 , منذ 11 شهر

انا جبت بعد قبل اسبوعين خف الالم اليوم العاشر واليوم رجع لي وبطني فيه نغزات عاد ي يصير كذا بعد العملية انا عمليتي الثانية الاولى ماصار معي كذا هل هذا طبيعي

العضوة: 1526961 , منذ 11 شهر

انا اليوم 8 ايام، بعمليتي الاولى كانت تجيني نغزات مكان العمليه الى 3 شهور تقريبا كل فتره تجي زي الدبابيس من داخل بس اتوقع كذا يعني تلتأم ومرات تجي حكة قوية بعد هذه التأم الجرح اهم شي لاتشيلين ثقيل ولا تتعبين نفسك حاولي تريحين وتاكلين كويس واشربي كمون ويانسون اشياء تخفف النفخه والضغط عالبطن ولاتاكلين اشياء تزيد الغازات 😘

العضوة: 322418 , منذ 11 شهر

@user-1526961 شكراً ياقلبي ❤️

العضوة: 1444874 , منذ 11 شهر

الف الحمدالله ع سلامتك ومبروك ماجبتي الله يسعدك ع معلومات تفيدينا 🧡💐

العضوة: 1526961 , منذ 11 شهر

الله يسلم قلبك ويبارك فيك♥️♥️

العضوة: 1396317 , منذ 11 شهر

ألف الحمدالله ع سلامتك ويعطيك العافيه على نقل تجربتك بسألك متى فكو منك الدبابيس وفيه الم ولا قبل 9 سنوات كانت عمليتي دبابيس ومره المني وقت مافكوها توقعت انهم تطورو لكن طلعو للحين يسوون دبابيس

العضوة: 1526961 , منذ 11 شهر

الله يسلمك ويعافيك ♥️ فكوها بعد اسبوع بالضبط 8 يوم من العمليه وحطو عليها لاصق والتهبت يوم فكيته امس لقيت جزء مفتوح منها وصديد لان اللاصق حطوه وقالو خليه 3 ايام لايجي الجرح شيء والحين اعالج الالتهاب مضاد وتعقيم المفروض ماغطوها :( بس ماكان في الم وقت مافكوها المنطقه للحين ميته متخدره وخز خفيف بس

العضوة: 1396317 , منذ 11 شهر

يارووحي الف سلامممه عليك فعلًا مفروض بدون لزق 😭💔💔