اليوم دخلت التطبيق تفاجئت بكمية الرسائل والأسئله اعذروني بنات خاااصه اللي كانوا متابعين معاي من البدايه ومن أول مانزلت نظام الحمل بولد أنا انشغلت جداً وصرت ما أدخل الحاسبه كثير خصوصاً مع حيرة السونار وعدم تأكيد الدكتورات لجنس الجنين ، اليوم أنا جايه أقول لكم الحمدلله ولدت وجبت .. أجمل وأحلى بنوووته💗💗💗 أخذت قلبي وقلب أبوها وفرحنا فيها فرحه كبيره وأهل زوجي وأهلي فرحوا فرحه مختلفه سبحان الله كأنها أول مولوده 💕 أكتب لكم وهي نايمه جنبي أتأمل ملامحها وأحمد ربي على هذي النعمه العظيمه وأشكره على جميل أقداره وانه يختار لنا الأفضل دائماً مهما بذلنا الأسباب حكمته سبحانه فوق كل شي وعطايا الله كلها جميله .. أقدر أقولكم عائلتي الحمدلله كبرت صار عندي أغلى ولد وأجمل ثلاث بنوتات منورين حياتي🤍🤍 وعندي أمل بإذن الله إن الله راح يرزقني بأخ لولدي بالوقت المناسب وإن كل دعواتي راح تستجاب لأن الله قال " ادعوني أستجب لكم " وأنا دعوته واختار لي الأفضل سبحانه وأنا راضيه الحمدلله لأن دعوتي ما حان وقتها لكن عندي يقين ان لابد في يوم تتحقق🩵 رساله لكل أم تتمنى ولد أو بنوته دائماً ادعي الله بما تتمنين لكن ادعي أولاً بأنه يرزقك باللي فيه خير لك .. واذا سعيتي واجتهدتي ودعيتي وشاء الله أن يكون عكس ما تمنيتي تأكدي مليون بالميه ان الخيره فيما اختاره الله كوني راضيه واستمتعي بكل لحظه مع جنينك وجهزي له بكل حب واستعدي لاستقباله أجمل استقبال سواء كان ولد أو بنوته كلهم حلوين🩵🩷 وخليك على يقين إن دعائك راح يجي له يوم ويستجاب في الوقت المناسب💕 أخيراً .. أسأل الله أن يحفظ لكم كل من تحبون ويرزقكم ما تتمنون ويسعدكم ويدخل الفرحه على قلب كل أم حملت وتعبت وسهرت وأن يبدل تعبها لراحه وطمأنينه🤍