4 years ago
  • المرحلة الأولى ( اول 3 اشهر)
هاي بنات عبالي شاركت شو صار معي من بداية الاسبوع التاسع لالبارحة انا بدخل كل اسبوع بكون يوم اربعا فالأربعا الماضي دخلت الاسبوع التاسع صار معي ثقل فقاع الحوض و شوية ألم فالظهر و المؤخرة وذا الألم ما يصيرلي الا قبل الدورة بيومين بس طنشت فكرت تعب و كأم لطفلين ما ارتاح و اللي عندو أطفال يعرف معاناتنا ما في راحة استمر للخميس بس خفيف لسا الجمعة طلعت عند أهلي و الطريق نوعاً ما طويل و كتير مطبات فشد ألم الظهر و البطن بدأ مثل ينغز و برضو ما اعرت للشي اهتمام روحت لبيتي و صار وجع الظهر مع كل حركة السبت كان عندي غسيل و شغل فالمطبخ لازم اخلصه لأن معزومة عند حماتي اشتغلت سريع سريع وكان الألم الخفيف مستمر المهم جا الشي اللي ما تعملوه وانتو فألم حملت سلة الغسيل وكانت جينزات و ثقيلة بعدها شد الألم وانا لسا ماشية عادي ولا همني لما ركبت السيارة الألم صار غريب ما عاد طبيعي فكرت يمكن نفخة وصلت بيت حماي وأخذت حصى البان بس ما اختفى الألم فبطني فقلت يمكن التهاب لأني اكلت مخلل قبل بيوم كثير فقلت اشرب بقدونس لحد ما اروح عالطبيب وانا واقفة انطر تغلي الماي قلت اروح عالحمام بعيد عنكم افضي المثانة بيمكن يخف الضغط و ما أوصفلكم كمية الألم و الحرقة ولما استعملت ورق التواليت لقيت دم أحمر بكمية تاني وثالث يوم دورة من الخوف ما عاد قدرت اتنفس حكيت لزوجي و انا ارجف و اتنفس زي اللي طالع من سباق المهم رحنا لطبيب و قالي تهديد إجهاض لأنك باين مجهدة نفسك و حاملة شي ثقيل كتبلي مثبت و قالي راحة تامة الدم الحمد لله توقف بنفس اليوم مرق الاسبوع اخدت المثبت ٣ ايام ووقفتو بقوللكم القصة بيوم ثاني ليش وقفتو و استمر ألم الظهر و الضغط فالحوض لأسبوع البارحة رحت للطبيب كل شي بخير و الأعراض طبيعية لما تتعبون نفسكم اول الثالث ما قلت القصة لخوف حد بس بدي تديرو بالكم عحالكم يا ماميات اي ألم لا تطنشوه وارتاحو الشغل ما حيخلص و تخريب الأولاد ما حيخلص و انتي اهم شي فيهم لان اذا صارلك شي لا منك ولا من تعبك

22 تعليقات

العضوة: 264680 , 4 years ago

الألم يروح و يجي لسا و يمكن يستمر للشهر الرابع فلا تعملو عملتي حبيباتي ولا تستقوي حالك انتي مهمة و صحتك أهم

العضوة: 1194758 , 4 years ago

شكرن الك والله يتمم الك على خير

العضوة: 264680 , 4 years ago

@user-1194758 لي ولك يا رب

العضوة: 264680 , 4 years ago

@user-1194758 شفتك معلقة على بوست جنس الجنين تجاوبي البنات بدي اسألك عملتي فحص كربونات الصوديوم مع البول ؟ انا جربتو ببناتي وما كان يفور جربتو اليوم كان متل الببسي

العضوة: 1194758 , 4 years ago

والله انا كمان ماجربتو بناتي بس هل مره جربتو وفار ومابعرف بس بعمل سونار بتاكد كم بنت عندك

العضوة: 264680 , 4 years ago

تنتين .. ازا فار متل الببسي اكيد ولد

العضوة: 264680 , 4 years ago

@user-1194758 شو صار معك بجنس البيبي عرفتي ولا لسا ؟

العضوة: 1216818 , 4 years ago

صح اشوف البنات خاصه اللي اجهضوا قبل يتعبون نفسهم بشغل البيت اهم شي صحتك وصحه البيبي و البيت لو ينعفس فوق تحت خلوه ، الله يثبت حملنا و يسهله علينا 💕

العضوة: 264680 , 4 years ago

@user-1216818 آمين

العضوة: 1194758 , 4 years ago

اي فار متل البيبسي ويارب يطلع صحيح ولد

العضوة: 1194758 , 4 years ago

ونتي عرفتي شو معك