الحمدلله رب العالمين انتهت رحلة حملي وربي اكرمني ببنتي ندى بعد تعب وصبر ومعاناة بنتي يلي اجتني بعد انتظار طويل لكن ولادتي رح تبقى بصمة بحياتي بصمة تغيرت بعدها تفاصيل عمري كاملة ولدت بنتي ندى بتاريخ ٢٠٢٤/١١/١٦ الساعة ١٢ وبعدها بساعتين اجاني خبر وفاة أمي وأنا ببلد وأمي ببلد ثاني كانت صدمة قوية بالنسبة إلي بعد فرحة اجتني صدمة قوية ما استوعبت يلي صار حسيت كل شي مرق حلم لحد هذا اليوم ماعم اقدر استوعبوا وتاخرت بكتابة رحلة حملي لاني لحدا هي اللحظة مو مستوعبة عم حاول شجع حالي واتقبل يلي صار معي حتى كون قوية كرمال بنتي ما عم اقدر برضعها وبلسبها وبنومها ومنتبه عليها لأخر حد تخربطت مشاعري حابة افرح فيها لعبها ناديها كاغيلها بس خايفة وضايعة وبنفس الوقت عم حاول استوعب انو أمي معد فيني شوفها ولا اسمع صوتها ولا ينشرح قلبي بدعويها كثير ضايعة وكثير تعبانة وكثير مخنوقة وحاسة حالي لحالي انا عم قضي نفاسي عند أختي بس اختي حابة تسافر وتزور اهلي بعد وفاة امي ورح تترك بناتها الأربعة عندي حتى ونسن ويونسوني وحسيت الضغط والمسؤولية زادوا علي ويلي بنتي يلي حاسة حالة مسؤولة عنها لآخر درجة اي شي بيخوفني ويلي بنات اختي كيف صربن ع غياب أمن وانتبه عليهن مابعرف يمكن كلامي مخربط بس عنجد كثير مضغوطة وتعبانة ماعم استوعب يلي صار وبنفس الوقت حابة عيش فرحتي ببنتي حاسة حالي مثل الضائعة بس يصير الليل بكره العتمة وما بحب ظل لحالي بس كون بجمعة ناس بكره الهدوء وبس يجي الليل بختنق عنجد مو عرفانة شو اعمل بتنمى امي ترجع موتها كسرني ويتمنى افرح ببنتي واعطيها حناني وما نقص عليها شي لأني تعبت لحتى شفت بنتي أنا كان عندي من طليقي السابق بنت توفت بعد الولادة بساعة وانفصلت ورب العالمين اكرمني بزوجي سند وكل حنية الدنيا فيه والحمدلله الله كمل حبنا بنتنا ندى بس اتفرج ع بنتي و زوجي بنقهر بحس حالي مقصرة معن وماعم كون الإنسانة يلي بيعرفوها كثير تغيرت وكثير ضايعة وكثير مشتاقة لأمي خسرت ابي قبل ٤ سنين وهلأ خسرت أمي انا عنجد كثير تعبانة بحاول ع طول استغفر حتى ما ظلني فكر بس غصب عني اي موقف بذكرني بأمي وبتفرج ع بنتي يلي حاسة حالي مقصرة معها بلبسها وبغيرلها وبرضعها حتى اني رفضت اعطيها حليب صناعي حتى اعطيها من حليبي وشبعها ويعطيها كل الفائدة وتظل قريبة مني بس دائما بحس حالي مقصرة وحابة اطلع من العتمة يلي أنا فيها واتغير عنجد انا كثير مخنوقة وتعبانة وخصوصا لمن يصير الليل وبختنق أكثر لمن حدا يقلي يا مسكينة بنتك اجت وامك راحت كنت رح غير اسم بنتي على اسم أمي بس أهلي رفضوا وقالولي أنتي حساسة ورح تظلي تسمعي اسم بنتك وتتذكري أمك وتظلي حزينة وماخلوني غير الأسم يمكن حكيت كثير وكلامي مخربط بس عنجد انا كثير تعبانة بسبب وفاة أمي وبنفس الوقت كثير حابة افرح ببنتي وكثير خايفة من مسؤوليتي تجاه بنتي واني كون مقصرة معها تخربطت مشاعري بين حزن وخوف وفرح وبعتذر اذا طولت بكلامي بس حبيت طلع شي من يلي جواتي وارتاح وبالنهاية لا تنسوني من دعواتكم